മുടി പ്രശ്‌നങ്ങള്‍ തീര്‍ക്കണോ? ഈ മാസ്‌ക് സഹായിക്കും

മയോണൈസ്, വാഴപ്പഴം ഹെയര്‍ മാസ്‌ക്

ഈ മാസ്‌ക് നിര്‍മ്മിക്കാന്‍, ഒരു പാത്രത്തില്‍ 2 പഴുത്ത വാഴപ്പഴം നന്നായി ചേര്‍ത്ത് 2 ടേബിള്‍സ്പൂണ്‍ മയോണൈസും 1 ടേബിള്‍ സ്പൂണ്‍ ഒലിവ് ഓയിലും ചേര്‍ക്കുക. മിനുസമാര്‍ന്ന പേസ്റ്റ് ആകുന്നതുവരെ എല്ലാ ചേരുവകളും മിക്‌സ് ചെയ്യുക. നിങ്ങളുടെ മുടിയിലും തലയോട്ടിയിലും ഈ മാസ്‌ക് പ്രയോഗിക്കുക. 45 മിനിറ്റിനു ശേഷം ഒരു ഷാംപൂ ഉപയോഗിച്ച് മുടി കഴുകുക. ഈ മാസ്‌ക് നിങ്ങളുടെ മങ്ങിയതും കേടായതുമായ മുടിയെ പുനരുജ്ജീവിപ്പിക്കാന്‍ സഹായിക്കും.

മയോണൈസ്, മുട്ട ഹെയര്‍ മാസ്‌ക്

ഒരു പാത്രത്തില്‍ രണ്ട് മുട്ടയും 5 ടേബിള്‍സ്പൂണ്‍ മയോണൈസും എടുത്ത് മിനുസമാര്‍ന്ന പേസ്റ്റ് ആകുന്നതുവരെ അടിക്കുക. നിങ്ങളുടെ മുടിവേരുകള്‍ മുതല്‍ അറ്റം വരെ ഇത് മുടിയില്‍ പുരട്ടുക. നിങ്ങളുടെ തലമുടി ഒരു തുണി കൊണ്ട് മൂടി ഈ മാസ്‌ക് 20 മിനിറ്റ് ഉണങ്ങാന്‍ വിടുക. ശേഷം ഷാംപൂ ഉപയോഗിച്ച് ഇത് കഴുകി കളയുക. ഈ മാസ്‌ക് നിങ്ങളുടെ മുടിയുടെ ഇലാസ്തികത മെച്ചപ്പെടുത്താന്‍ സഹായിക്കുകയും മുടി പൊട്ടലും കേടുപാടുകളും കുറയ്ക്കുകയും ചെയ്യുന്നു. സില്‍ക്കി സ്മൂത്ത് ആയ മുടിയും നിങ്ങള്‍ക്ക് ലഭിക്കുന്നു.

Most read: കഴുത്തിലെ ചുളിവ് ഇനി ഇല്ലേയില്ല; മാറ്റാന്‍ എളുപ്പവഴി

മയോണൈസ്, വെളിച്ചെണ്ണ ഹെയര്‍ മാസ്‌ക്

ഈ ഹെയര്‍ മാസ്‌ക് തയ്യാറാക്കാന്‍ 4 ടേബിള്‍സ്പൂണ്‍ മയോണൈസ്, 2 ടേബിള്‍സ്പൂണ്‍ വെളിച്ചെണ്ണ, 1 ടേബിള്‍ സ്പൂണ്‍ ഒലിവ് ഓയില്‍ എന്നിവയാണ് നിങ്ങള്‍ക്ക് വേണ്ടത്. ഈ മിശ്രിതം മുടിയിലും തലയോട്ടിയിലും നന്നായി പുരട്ടി മുടി 30 മിനിറ്റ് പൊതിഞ്ഞ് വയ്ക്കുക. ശേഷം സള്‍ഫേറ്റ് രഹിത ഷാംപൂ ഉപയോഗിച്ച് ഇത് കഴുകി കളയുക. ഈ മാസ്‌ക് പതിവായി ഉപയോഗിക്കുന്നതിലൂടെ നിങ്ങള്‍ക്ക് തിളക്കമുള്ള മുടി നേടാവുന്നതാണ്.

മയോണൈസും തേനും

ഒരു ബ്ലെന്‍ഡറില്‍ ½ കപ്പ് മയോണൈസ്, 2 ടേബിള്‍സ്പൂണ്‍ തേന്‍, 1 ടേബിള്‍ സ്പൂണ്‍ ആപ്പിള്‍ സിഡെര്‍ വിനെഗര്‍ എന്നിവ ചേര്‍ത്ത് മിക്‌സ് ചെയ്യുക. ഈ പേസ്റ്റ് നിങ്ങളുടെ തലമുടിയിലും തലയോട്ടിയിലും പുരട്ടി 45 മിനിറ്റ് നേരം മുടി പൊതിഞ്ഞ് വയ്ക്കുക. ഇതിനു ശേഷം ഷാംപൂ ഉപയോഗിച്ച് മുടി കഴുകുക. ഈ മാസ്‌ക് നിങ്ങളുടെ തലയോട്ടി അണ്‍ലോക്ക് ചെയ്യുകയും അഴുക്കുകള്‍ നീക്കംചെയ്യുകയും ചെയ്യുന്നു.

Most read: മുടി പ്രശ്‌നങ്ങള്‍ നീങ്ങും, തഴച്ചു വളരും; തേങ്ങാപ്പാല്‍ ഇങ്ങനെ

മയോണൈസ്, ഒലിവ് ഓയില്‍ മാസ്‌ക്

ഒരു പാത്രത്തില്‍ ½ കപ്പ് മയോണൈസും ½ കപ്പ് ഒലിവ് ഓയിലും എടുത്ത് നന്നായി കലര്‍ത്തി മിക്‌സ് ചെയ്യുക. ഇത് മുടിവേരുകളിലും തലയോട്ടിയിലും പുരട്ടുക. ഇതിനുശേഷം മുടി പൊതിഞ്ഞ് മാസ്‌ക് 30 മിനിറ്റ് നേരം ഉണങ്ങാന്‍ വിടുക. അതിനുശേഷം ഷാമ്പൂ ഉപയോഗിച്ച് മുടി കഴുകുക. വളരെ തലമുടിയുള്ളവര്‍ക്ക് ഈ മാസ്‌ക് അത്ഭുതങ്ങള്‍ സൃഷ്ടിക്കും.

മയോണൈസും നാരങ്ങയും

മുടികൊഴിച്ചില്‍ കുറയ്ക്കുന്നതിന് നാരങ്ങ മികച്ച പരിഹാരമാണ്. താരന്‍, പേന്‍ എന്നിവ തടയാനും ഇത് സഹായിക്കുന്നു. 1 മുട്ട, 1 ടേബിള്‍ സ്പൂണ്‍ നാരങ്ങ നീര്, 2 ടേബിള്‍സ്പൂണ്‍ മയോണൈസ് എന്നിവയാണ് ഈ മാസ്‌ക് തയാറാക്കാന്‍ നിങ്ങള്‍ക്ക് ആവശ്യം. മിനുസമാര്‍ന്ന മിശ്രിതം ലഭിക്കുന്നതുവരെ ഒരു പാത്രത്തില്‍ ഈ ചേരുവകള്‍ യോജിപ്പിക്കുക. ഈ മിശ്രിതം നിങ്ങളുടെ മുടിയില്‍ പ്രയോഗിച്ച് 20 മിനിറ്റ് ഉണങ്ങാന്‍ വിടുക. ശേഷം സള്‍ഫേറ്റ് രഹിത ഷാംപൂ ഉപയോഗിച്ച് മാസ്‌ക് കഴുകിക്കളയുക. മികച്ച ഗുണങ്ങള്‍ക്കായി ആഴ്ചയില്‍ ഒരിക്കല്‍ ഇത് പ്രയോഗിക്കാവുന്നതാണ്.

Most read: മുഖക്കുരു എളുപ്പത്തില്‍ അകറ്റാം; രണ്ടാഴ്ചത്തെ ഉപയോഗം