മുടിക്ക് വെളിച്ചെണ്ണ തന്നെ മതി; പക്ഷേ ഇങ്ങനെ വേണം

പരസ്യം കണ്ട് തേക്കുന്ന എണ്ണ

പരസ്യം കണ്ട് നമ്മള്‍ വാങ്ങിക്കൂട്ടുന്ന എണ്ണകളെല്ലാം തന്നെ കെമിക്കലുകള്‍ നിറഞ്ഞതാവാം. ഇതെല്ലാം കണ്ണടച്ച് ഉപയോഗിക്കുന്നവര്‍ക്ക് മുടി മുഴുവന്‍ കൊഴിയുന്നതായിരിക്കും അനന്തരഫലം.

ശുദ്ധമായ വെളിച്ചെണ്ണ

ശുദ്ധമായ വെളിച്ചെണ്ണയാണ് അതില്‍ ഒന്നാമത് നില്‍ക്കുന്നത്. തലക്ക് നല്ല തണുപ്പ് കിട്ടാനും മുടിയുടെ ആരോഗ്യത്തിനും എല്ലാം വെളിച്ചെണ്ണ തന്നെയാണ് ഏറ്റവും ഉത്തമം.

വെളിച്ചെണ്ണയോടൊപ്പം ബദാം ഓയില്‍

എന്നാല്‍ ഇരട്ടി ഫലം ലഭിക്കാന്‍ വെളിച്ചെണ്ണയോടൊപ്പം അല്‍പം ബദാം ഓയില്‍ കൂടി മിക്‌സ് ചെയ്ത് തേച്ച് നോക്കാം. രാത്രി കിടക്കുമ്പോള്‍ തലയില്‍ തേച്ച് പിടിപ്പിച്ച് കിടക്കുക. രാവിലെ എഴുന്നേറ്റ് വീര്യം കുറഞ്ഞ ഷാമ്പൂ ഉപയോഗിച്ച് കഴുകിക്കളയുക.

ആവണക്കെണ്ണയും വെളിച്ചെണ്ണയും

ആവണക്കെണ്ണയും വെളിച്ചെണ്ണയും മിക്‌സ് ചെയ്ത് തേക്കുന്നത് മുടി കൊഴിച്ചില്‍ തടയാനും കഷണ്ടിയില്‍ മുടി കിളിര്‍പ്പിക്കാനും സഹായിക്കുന്നു. മുടി നിറയെ വരാന്‍ ഏറ്റവും സഹായിക്കുന്ന ഒന്നാണ് ആവണക്കെണ്ണ.

കര്‍പ്പൂരതുളസിയെണ്ണും വെളിച്ചെണ്ണയും

കര്‍പ്പൂരതുളസിയെണ്ണയും വെളിച്ചെണ്ണയും മിക്‌സ് ചെയ്ത് മുടിയില്‍ തേക്കുന്നതും കഷണ്ടി മാറ്റി മുടിക്ക് തിളക്കം നല്‍കാനും കരുത്ത് നല്‍കാനും സഹായിക്കുന്നു.

ഉരുക്ക് വെളിച്ചെണ്ണ

ഉരുക്ക് വെളിച്ചെണ്ണയാണ് മറ്റൊരു പരിഹാരമാര്‍ഗ്ഗം. ഉരുക്ക് വെളിച്ചെണ്ണ ആഴ്ചയില്‍ മൂന്ന് ദിവസം തലയോട്ടിയില്‍ തേച്ച് പിടിപ്പിച്ചാല്‍ മുടി കൊഴിച്ചില്‍ മാറുകയും തലമുടി തഴച്ച് വളരുകയും ചെയ്യുന്നു.