താരന്‍ ഇത്രത്തോളം ഗുരുതരമോ?

ചൊറിച്ചില്‍

തലയില്‍ ചൊറിച്ചില്‍ ഉണ്ടാക്കുന്നതാണ് താകന്റെ ആദ്യ പടി. എന്നാല്‍ ഇത് പലപ്പോഴും കൂട്ടത്തില്‍ നില്‍ക്കുമ്പോഴായിരിക്കും പ്രശ്‌നമുണ്ടാക്കുന്നത്. ഇതുണ്ടാക്കുന്ന നാണക്കേട് പറയാന്‍ പറ്റാത്തതായിരിക്കും.

മുഖക്കുരു

താരന്‍ ഉണ്ടെങ്കില്‍ മുഖക്കുരുവും പ്രധാന വില്ലനാണ്. മുഖത്തേക്ക് പാറിവരുന്ന താരനാണ് ഇത്തരത്തില്‍ മുഖക്കുരു ഉണ്ടാക്കുന്നത് എന്നതാണ് സത്യം.

ചൂടുകുരു

താരന്റെ മറ്റൊരു പ്രശ്‌നമാണ് ചൂടുകുരു. മുടിയിഴകള്‍ പുറത്ത് വീഴുന്ന ഭാഗങ്ങളിലും ചൂടുകുരു ഉണ്ടാവുന്നതിന്റെ പ്രധാന കാരണം താരനാണ്. താരന്‍ പോയാലല്ലാതെ ഇത്തരം കുരുക്കളില്‍ നിന്നും മോചനം ഉണ്ടാവില്ല.

മുടിയിലെ എണ്ണമയം

ഓയിലി മുടിയാണ് താരന്റെ കാരണക്കാരന്‍. ഷാമ്പൂ ഇട്ടാലും പലപ്പോഴും മുടി ഓയിലി ആയി തന്നെ ആയിരിക്കും. അതുകൊണ്ട് തന്നെ മുടിയിലെ എണ്ണമയം ആണ് പ്രശ്‌നങ്ങള്‍ ഉണ്ടാക്കുന്നത്.

മുടി കൊഴിച്ചില്‍

മുടി കൊഴിച്ചില്‍ ഉണ്ടാക്കുന്നതും താരനാണ്. താരന്‍ മൂലമുണ്ടാകുന്ന തലചൊറിച്ചിലാണ് പലപ്പോഴും മുടി കൊഴിച്ചിലിന് കാരണമാകുന്നത്.

ഇന്‍ഫെക്ഷന്‍

കണ്ണില്‍ ഇന്‍ഫെക്ഷന്‍ ഉണ്ടാക്കുന്നതിനും താരന് കഴിയുന്നു. കണ്‍പീലികളില്‍ വരെ ഇത്തരത്തില്‍ താരന്‍ ഉണ്ടാകുന്നു. ഇത് കണ്ണിന് മറ്റ് അസുഖങ്ങള്‍ ഉണ്ടാക്കുന്നതിനും കാരണമാകുന്നു.

സോറിയാസിസ്

സോറിയാസിസ് ഉണ്ടാകുന്നതിനും താരന്‍ കാരണമാകും. താരന്‍ മൂലം ചെവിയുടെ പുറകില്‍ സോറിയാസിസ് ഉണ്ടാവാനുള്ള സാധ്യത വളരെ കൂടുതലാണ്. ഇത് ശരീരത്തിലെ മറ്റു ഭാഗങ്ങളിലേക്ക് വ്യാപിക്കാനുള്ള സാധ്യത വളരെ കൂടുതലായിരിക്കും.