സൗന്ദര്യം പതിന്‍മടങ്ങ് കൂട്ടാന്‍ തേങ്ങാവെള്ളം; ചര്‍മ്മത്തിനും മുടിക്കും ഉപയോഗം ഈവിധം

താരന്‍ പോകാന്‍

താരന്‍, തലയോട്ടിയിലെ ചൊറിച്ചില്‍, തലയോട്ടിയിലെ മറ്റ് അണുബാധകള്‍ എന്നിവ മുടി കൊഴിച്ചിലിന് കാരണമാകും. തേങ്ങാവെള്ളത്തിന്റെ സ്വാഭാവിക ആന്റിഫംഗല്‍, ആന്റി ബാക്ടീരിയല്‍ സ്വഭാവസവിശേഷത ഈ പ്രശ്‌നങ്ങളെ ചികിത്സിക്കാന്‍ സഹായിക്കും. ഇതിനായി ഒരു പാത്രത്തില്‍ അല്‍പം തേങ്ങാ വെള്ളവും അല്‍പം ആപ്പിള്‍ സിഡെര്‍ വിനെഗറും യോജിപ്പിക്കുക. ഷാംപൂവും കണ്ടീഷണറും ഉപയോഗിച്ച് കഴുകിയ ശേഷം ഈ കൂട്ട് നിങ്ങളുടെ തലയിലും മുടിയിലും ഒഴിക്കുക. ഒരു മിനിറ്റ് വച്ചശേഷം തണുത്ത വെള്ളത്തില്‍ മുടി കഴുകുക.

മുഖക്കുരു അകറ്റാന്‍

തേങ്ങാവെള്ളത്തില്‍ വൈറ്റമിന്‍ സി, അമിനോ ആസിഡുകള്‍, മറ്റ് രോഗശാന്തി ചേരുവകള്‍ എന്നിവ അടങ്ങിയിട്ടുണ്ട്. കൂടാതെ ഇതിന് ആന്റി ബാക്ടീരിയല്‍ ഗുണങ്ങളുമുണ്ട്. ഇവയെല്ലാം നിങ്ങളുടെ മുഖക്കുരു പ്രശ്‌നം ചികിത്സിക്കാന്‍ സഹായിക്കും. മുഖക്കുരു തടയാനായി തേങ്ങാവെള്ളം, മഞ്ഞള്‍, ചുവന്ന ചന്ദനം എന്നിവ ഉപയോഗിച്ച് കട്ടിയുള്ള പേസ്റ്റ് ഉണ്ടാക്കുക. മുഖക്കുരു അകറ്റാനായി ഈ മാസ്‌ക് ചര്‍മ്മത്തിലെ മുഖക്കുരു ബാധിത ഇടങ്ങളില്‍ പ്രയോഗിക്കുക.

Most read:മുഖത്തെ കറുപ്പും പാടും നീക്കി മികച്ച തിളക്കം ഉറപ്പ്; തുളസിയും ഈ കൂട്ടും മാത്രം മതി

മുടികൊഴിച്ചില്‍ തടയാന്‍

തലയോട്ടിയിലെ രക്തയോട്ടം വര്‍ദ്ധിപ്പിക്കുകയും തലയോട്ടിക്ക് ശരിയായ പോഷണം നല്‍കുകയും ചെയ്യുന്നതിലൂടെ, തേങ്ങാവെള്ളം നിങ്ങളുടെ മുടികൊഴിച്ചില്‍ തടയാന്‍ സഹായിക്കുന്നു. തേങ്ങാവെള്ളം ഉപയോഗിച്ച് തലയോട്ടിയില്‍ നന്നായി മസാജ് ചെയ്യുക. ഇതിലൂടെ രക്തയോട്ടം വര്‍ദ്ധിപ്പിക്കുകയും മുടി പൊട്ടാതിരിക്കാന്‍ അവയെ ശക്തിപ്പെടുത്തുകയും ചെയ്യുന്നു. നരച്ചതും മുഷിഞ്ഞതുമായ മുടിക്ക് പരിഹാരമാണ് തേങ്ങാവെള്ളം. തേങ്ങാവെള്ളത്തിന്റെ മോയ്‌സ്ചറൈസിംഗ് ഗുണങ്ങള്‍ കാരണം മുടി തിളക്കമുള്ളതും മൃദുവും മിനുസമാര്‍ന്നതുമായി മാറും. മുടിവേര് മുതല്‍ മുടിയുടെ അറ്റം വരെ ഇത് ഒരു സ്വാഭാവിക കണ്ടീഷണറായി പ്രവര്‍ത്തിക്കുന്നു.

പ്രകൃതിദത്ത ശുദ്ധീകരണത്തിന്

തേങ്ങാവെള്ളം ഒരു പ്രകൃതിദത്തമായ ക്ലെന്‍സറായി പ്രവര്‍ത്തിക്കുന്നു. ചര്‍മ്മത്തെ മോയ്‌സറൈസ് ചെയ്യുന്ന ആന്റി ബാക്ടീരിയല്‍ ഗുണങ്ങളും ഇതിനുണ്ട്. അതിനാല്‍ സെന്‍സിറ്റീവും വരണ്ടതുമായ ചര്‍മ്മമുള്ള സ്ത്രീകള്‍ക്ക് ഇത് മികച്ച പരിഹാരമാണ്. മേക്കപ്പും ചര്‍മ്മത്തിലെ അധിക എണ്ണയും നീക്കം ചെയ്യാനായി നിങ്ങള്‍ക്ക് തേങ്ങാവെള്ളം ഉപയോഗിക്കാം.

Most read:മുടിക്ക് കരുത്തും ഭംഗിയും കൂട്ടാന്‍ ഇഞ്ചിയും ഈ കൂട്ടുകളും നല്‍കും ഫലം

ആന്റി ഏജിംഗ് ഗുണങ്ങള്‍ക്ക്

ചര്‍മ്മത്തിലെ ചുളിവുകള്‍, നേര്‍ത്ത വരകള്‍, പ്രായമാകുന്നതിന്റെ മറ്റ് ലക്ഷണങ്ങള്‍ എന്നിവ നീക്കുന്ന ആന്റി-ഏജിംഗ് സവിശേഷതകള്‍ തേങ്ങാവെള്ളത്തിലുണ്ട്. തേങ്ങാവെള്ളത്തില്‍ അടങ്ങിയിരിക്കുന്ന പ്രകൃതിദത്ത വിറ്റാമിനുകളും ധാതുക്കളും ചര്‍മ്മത്തിന്റെ പുനരുജ്ജീവനത്തിന് സഹായിക്കുന്നു. തേങ്ങാവെള്ളത്തില്‍ അടങ്ങിയിരിക്കുന്ന സൈറ്റോകൈന്‍സ് എന്ന പ്രത്യേക പ്രോട്ടീന്‍ കോശങ്ങള്‍ വളര്‍ത്തുകയും ചര്‍മ്മത്തിന്റെ നിറം തുല്യമാക്കുകയും ചെയ്യുന്നു.

എണ്ണമയം കുറയ്ക്കുന്നു

എണ്ണമയമുള്ളതും മുഖക്കുരു സാധ്യതയുള്ളതുമായ ചര്‍മ്മമുള്ള ആളുകള്‍ക്ക് തേങ്ങവെള്ളം ഒരു മികച്ച പ്രതിവിധിയാണ്. നിങ്ങളുടെ ചര്‍മ്മത്തില്‍ അധിക സെബം ഉല്‍പാദനം തടയാന്‍ സഹായിക്കുന്ന പ്രകൃതിദത്ത രേതസ് ഗുണങ്ങള്‍ തേങ്ങവെള്ളത്തിലുണ്ട്. തേങ്ങാവെള്ളം കുടിക്കുന്നത് നിങ്ങളുടെ ചര്‍മ്മത്തിന് ആവശ്യമായ അളവില്‍ പൊട്ടാസ്യം നല്‍കുന്നു. ഇത് ശരീരത്തിലെ ജലാംശം, ഇലക്ട്രോലൈറ്റ് എന്നിവയുടെ അളവ് സന്തുലിതമാക്കാനും അധിക സെബം ഉല്‍പാദനം തടയാനും സഹായിക്കുന്നു.

Most read:ഇളംചൂടുള്ള എണ്ണ ഈവിധം മുടിയില്‍ തേച്ചാല്‍ ആരോഗ്യമുള്ള മുടിയിഴ ഞൊടിയിടയില്‍

മുടിക്ക് ഈര്‍പ്പം നല്‍കുന്നു

മോയ്‌സ്ചറൈസിംഗ് ഗുണങ്ങള്‍ നിറഞ്ഞ ഒന്നാണ് തേങ്ങവെള്ളം. ഇത് വരണ്ടതും നരച്ചതും കേടായതുമായ മുടിയുള്ളവര്‍ക്ക് മികച്ചതാണ്. ലോറിക് ആസിഡും നിരവധി ആന്റി ബാക്ടീരിയല്‍ ഫാറ്റി ആസിഡുകളും പോലുള്ള ചേരുവകള്‍ തേങ്ങവെള്ളത്തിലുണ്ട്. ഇത് നിങ്ങളുടെ മുടി വരണ്ട്‌പൊട്ടുന്നത് തടയാനായി മുടിക്ക് ഈര്‍പ്പം നല്‍കാന്‍ സഹായിക്കുന്നു.