തൈരും നാരങ്ങ നീരും മുഖത്ത് തേച്ച് അഞ്ച് മിനിട്ട്‌

ചര്‍മ്മത്തിന്റെ വരള്‍ച്ച

ചര്‍മ്മത്തിന്റെ വരള്‍ച്ചയെ ഇല്ലാതാക്കാന്‍ തൈരിന് കഴിയും. തൈരില്‍ നാരങ്ങ നീരൊഴിച്ച് ഇത് മുഖത്ത് തേച്ച് പിടിപ്പിക്കാം. അല്‍പസമയത്തിനു ശേഷം ചെറുപയറു പൊടിയിട്ട് കഴുകിക്കളയാവുന്നതാണ്.

ആരോഗ്യമുള്ള ചര്‍മ്മത്തിന്

ആരോഗ്യമുള്ള ചര്‍മ്മത്തിന് ഏറ്റവും ഉത്തമമായിട്ടുള്ള ഒന്നാണ് തൈര്. തൈര് മഞ്ഞള്‍പ്പൊടി അല്‍പം നാരങ്ങ നീര് എന്നിവ മിക്‌സ് ചെയ്ത് മുഖത്ത് തേച്ച് പിടിപ്പിക്കുക. ഇത് ചര്‍മ്മത്തിന് തിളക്കവും ആരോഗ്യവും നല്‍കുന്നു.

തൈരും പപ്പായയും

നല്ലതു പോലെ പഴുത്ത പപ്പായയില്‍ തൈര് മിക്‌സ് ചെയ്ത് കൈയ്യിലും കഴുത്തിലും മുഖത്തും തേച്ച് പിടിപ്പിക്കാം. അല്‍പ സമയത്തിനു ശേഷം തണുത്ത വെള്ളത്തില്‍ കഴുകിക്കളയാം. ഇതാകട്ടെ കറുത്ത നിറത്തെ അപ്പാടെ നീക്കുന്നു.

ഒരു സ്പൂണ്‍ തേനും തൈരും

തൈരില്‍ ഒരു സ്പൂണ്‍ തേന്‍ മിക്‌സ് ചെയ്ത് മുഖത്തും കഴുത്തിലും തേച്ച് പിടിപ്പിക്കാം. അരമണിക്കൂറിനു ശേഷം തണുത്ത വെള്ളത്തില്‍ കഴുകിക്കളയാവുന്നതാണ്. ഇത്തരത്തില്‍ ചെയ്താല്‍ മുഖത്തേയും കഴുത്തിലേയും കരുവാളിപ്പ് മാറിക്കിട്ടുന്നു.

സൂര്യാഘാതത്തില്‍ നിന്ന് സംരക്ഷണം

സൂര്യാഘാതത്തില്‍ നിന്നും സംരക്ഷിക്കാനും തൈര് തന്നെയാണ് ഉത്തമമായിട്ടുള്ളത്. തൈര് മുഖത്ത് തേച്ച് പിടിപ്പിക്കുന്നതിലൂടെ സൂര്യാഘാതം മൂലമുണ്ടാകുന്ന പ്രശ്‌നങ്ങള്‍ ഇല്ലാതാവുന്നു.

ചര്‍മ്മത്തിന്റെ നിറം മാറ്റം

പലരിലും ചര്‍മ്മത്തിന് ചിലപ്പോള്‍ നിറം മാറ്റം സംഭവിക്കുന്നു. ഇത്തരത്തില്‍ ചര്‍മ്മത്തിലുണ്ടാകുന്ന നിറം മാറ്റം ഇല്ലാതാക്കാനും പാടുകളെ ഇല്ലാതാക്കാനും തൈരില്‍ നാരങ്ങ നീര് ചേര്‍ത്ത് തേച്ചാല്‍ മതി. ബ്ലീച്ച് ചെയ്യുന്ന ഗുണമാണ് ഇത് നല്‍കുന്നത്.

കക്ഷത്തിലെ കറുപ്പകറ്റാന്‍

കക്ഷത്തിലെ കറുപ്പകറ്റാനും തൈര് ഉത്തമമാണ്. 15 മിനിട്ടോളം തൈര് തേച്ച് പിടിപ്പിച്ച് അല്‍പസമയത്തിനു ശേഷം നാരങ്ങ നീരും തേച്ച് പിടിപ്പിക്കാം. കുറച്ച് കഴിഞ്ഞ് കഴുകിക്കളയാവുന്നതാണ്. ഇത് ആഴ്ചയില്‍ മൂന്ന് ദിവസം ചെയ്താല്‍ മതി. കക്ഷത്തിലെ കറുപ്പ് ഇല്ലാതാവും.