വിയര്‍പ്പ് നാറ്റത്തെ ഇനിയൊരു പ്രശ്‌നമാക്കേണ്ട

ഷേവ് ചെയ്യുന്നതും അലര്‍ജിയും

ഷേവ് ചെയ്യുന്നതാണ് പലരിലും ഇത്തരം പ്രശ്‌നം ഉണ്ടാവാനുള്ള പ്രധാന കാരണം. ഷേവ് ചെയ്യുന്നത് കൈക്കുഴിയിലെ കറുപ്പിനെ വര്‍ദ്ധിപ്പിക്കുകയാണ് ചെയ്യുന്നത്. ഇത് അലര്‍ജി പോലുള്ള പ്രശ്‌നങ്ങള്‍ക്ക് കാരണമാകുന്നു. അതുകൊണ്ട് തന്നെ ഇത് ശരീര ദുര്‍ഗന്ധം വര്‍ദ്ധിപ്പിക്കുന്നതിനും കാരണമാകുന്നു.

മധുരം കുറക്കാം

മധുരം കൂടുതല്‍ കഴിക്കുന്നവരില്‍ ശരീര ദുര്‍ഗന്ധത്തിനുള്ള സാധ്യത വളരെ കൂടുതലാണ്. ഇത് വിയര്‍പ്പ് നാറ്റത്തിനും ശരീര ദുര്‍ഗന്ധത്തിനും കാരണമാകുന്നു.

ആല്‍ക്കഹോള്‍ സ്‌പ്രേ

പലപ്പോഴും ആല്‍ക്കഹോള്‍ അടങ്ങിയ സ്‌പ്രേ അടിക്കുന്നവരിലും ഇത്തരത്തിലുള്ള പ്രശ്‌നങ്ങള്‍ക്ക് കാരണമാകാറുണ്ട്. ഇത് ശരീര ദുര്‍ഗന്ധം വളരെയധികം വര്‍ദ്ധിപ്പിക്കുന്നതിന് കാരണമാകുന്നു.

പരിഹാരമാര്‍ഗ്ഗം

ശരീര ദുര്‍ഗന്ധത്തിനും വിയര്‍പ്പ് നാറ്റത്തിനും പരിഹാരം കാണേണ്ടത് അത്യാവശ്യമാണ്. ഇത് പലപ്പോഴും പല വിധത്തിലുള്ള പ്രശ്‌നങ്ങള്‍ക്കും ചര്‍മ്മ സംബന്ധമായ പ്രശ്‌നങ്ങള്‍ക്കും കാരണമാകുന്നു. ഇതിന് എന്തൊക്കെ പ്രകൃതിദത്ത പരിഹാരമാര്‍ഗ്ഗങ്ങള്‍ എന്ന് നോക്കാം.

നാരങ്ങ നീര്

നാരങ്ങ നീര് കൈക്കുഴയില്‍ തേച്ച് പിടിപ്പിക്കാം. 15 മിനിട്ടിനു ശേഷം കഴുകിക്കളയാവുന്നതാണ്. ഇത് കക്ഷത്തിലെ കറുപ്പ് നിറത്തെ ഇല്ലാതാക്കുകയും ശരീര ദുര്‍ഗന്ധം അകറ്റുകയും ചെയ്യുന്നു.

കക്ഷത്തില്‍ പൗഡര്‍ ഇടുന്നത്

കക്ഷത്തില്‍ പൗഡര്‍ ഇടുന്നതാണ് മറ്റൊന്ന്. കുളികഴിഞ്ഞ ഉടനേ കക്ഷത്തിലും ദേഹത്തും പൗഡര്‍ ഇടുന്ന സ്വഭാവമുണ്ടെങ്കില്‍ അതും നിര്‍ത്തണം. കാരണം ഇത് ശരീര ദുര്‍ഗന്ധം വര്‍ദ്ധിപ്പിക്കുകയാണ് ചെയ്യുന്നത്.

ബേക്കിംഗ് സോഡ

കുളിക്കുന്ന വെള്ളത്തില്‍ അല്‍പം ബേക്കിംഗ് സോഡ ഇട്ട് കുളിക്കാം. ഇത് ശരീര ദുര്‍ഗന്ധത്തെ ഇല്ലാതാക്കുന്നു. മാത്രമല്ല കക്ഷത്തില്‍ തേച്ച് പിടിപ്പിച്ചാല്‍ കക്ഷത്തിലെ കറുപ്പിനേയും ഇല്ലാതാക്കുന്നു.

ഒലീവ് ഓയില്‍

ഒലീവ് ഓയില്‍ ചര്‍മ്മസംരക്ഷണത്തില്‍ പല വിധത്തിലുള്ള അത്ഭുതങ്ങളും കാണിക്കുന്ന ഒന്നാണ്. കുളിക്കുന്നതിനു മുന്‍പ് ശരീരത്തില്‍ നല്ലതു പോലെ ഒലീവ് ഓയില്‍ തേച്ച് പിടിപ്പിക്കാം. അല്‍പസമയത്തിനു ശേഷം കഴുകിക്കളയാവുന്നതാണ്. ആഴ്ചയില്‍ മൂന്ന് ദിവസം ഇത്തരത്തില്‍ ചെയ്താല്‍ ഇത് ശരീര ദുര്‍ഗന്ധത്തെ എല്ലാ തരത്തിലും ഇല്ലാതാക്കുന്നു.