സുന്ദര ചര്‍മ്മത്തിന് നാടന്‍ കൂട്ടുകാര്‍

ആയുര്‍വേദ ഫേഷ്യല്‍

ആയുര്‍വ്വേദം എന്നും ഒരഭൂത പൂര്‍വ്വമായ കടലാണ്. അതുകൊണ്ട് തന്നെ ശരീരത്തിനോ ചര്‍മ്മത്തിനോ യാതൊരു ദോഷവും ആയുര്‍വേദത്തില്‍ നി്‌നനും നമുക്കുണ്ടാവുകയില്ല. ശരീര ചര്‍മ്മത്തെ ബലപ്പെടുത്താനും ഒട്ടിയ കവിള്‍ തുടുക്കാനും ഞവര എണ്ണ ഉപയോഗിച്ചുള്ള ടൈറ്റ്‌നിംഗ് ഫേഷ്യല്‍ പ്രയോജനപ്പെടും.

ചെറുപയറും തൈരും

രണ്ട് വലിയ സ്പൂണ്‍ ചെറുപയര്‍ പൊടിച്ചതും ഒരു വലിയ സ്പൂണ്‍ തൈരും മിക്‌സ് ചെയ്ത് സ്‌ക്രബ്ബായി ഉപയോഗിക്കാം. ഇതും മ്മുടെ ചര്‍മ്മത്തെ പല വിധ പ്രശ്‌നങ്ങളില്‍ നിന്നും രക്ഷിക്കും

ആയുര്‍വേദ പാക്ക്

ഉരുക്ക് വെളിച്ചെണ്ണ ഉപയോഗിച്ചുള്ള പായ്ക്കാണിത്. ഇതിന് ആദ്യം വേണ്ടത് വെള്ളം ചേര്‍ക്കാത്ത തേങ്ങാപാല്‍ ആണ്. ഇതു കുറുക്കിയെടുത്ത് ഉരുക്കു വെളിച്ചെണ്ണയുമായി മിക്‌സ് ചെയ്താല്‍ ഇത് വരണ്ട ചര്‍മ്മക്കാര്‍ക്ക് അത്യുത്തമമായിരിക്കും.

താമര കൊണ്ടും പ്രയോഗം

തോമരയല്ലിയുടെ നടുവിലെ ഭാഗവും ഒന്നോ രണ്ടോ പനിനീര്‍ പൂവിന്റെ ഇതളുകളും ഉരുക്കെണ്ണയില്‍ മിക്‌സ്‌ചെയ്ത് രണ്ട് ദിവസം കഴിഞ്ഞ് ഈ എണ്ണ തേക്കുക. ചര്‍മ്മം ലോലമാവാനും തിളക്കമുള്ളതാവാനും ഇത് സഹായിക്കും.

നാരങ്ങ നല്ല കൂട്ടുകാരന്‍

ചര്‍മ്മത്തില്‍ പ്രായത്തിന്റെ അടയാളങ്ങള്‍ മായ്ച്ചു കളയാന്‍ നാരങ്ങ വളരെ നല്ലൊരു ഉപായമാണ്. നാരങ്ങ നീരില്‍ പഞ്ചസാര മിക്‌സ് ചെയ്ത് കഴുത്തില്‍ ഉരസിയാല്‍ കഴുത്തിലെ കറുപ്പകലും.

കണ്ണെഴുതി പൊട്ടുതൊടാം

കണ്ണിനും വേണം വിശ്രമം സംരക്ഷണവുമൊക്കെ. അതിനായി കണ്‍മഷി വീട്ടിലുണ്ടാക്കാം. ഓട്ടു വിളക്കില്‍ ആവണക്കെണ്ണയൊഴിച്ച് വൃത്തിയുള്ള കോട്ടണ്‍ തിരിയെടുത്ത് വിളക്ക് കത്തിക്കുക. ഇതിന്റെ ആവി കിട്ടാന്‍ പാകത്തില്‍ മണ്‍ചട്ടി വെയ്ക്കുക. പിന്നീട് ഈ കരി എടുത്ത് കണ്ണെഴുതാന്‍ ഉപയോഗിച്ചാല്‍ അത്യുത്തമം.

പാദങ്ങള്‍ക്കും സംരക്ഷണം

മഞ്ഞളും കറിവേപ്പിലയും അരച്ച് വാദങ്ങളിലെ വിണ്ടു കീറിയ ഭാഗത്ത് തേച്ചാല്‍ വിണ്ടു കീറല്‍ ഒഴിവാക്കാം. കൂടാതെ ഉപ്പും ചെറുനാരങ്ങാനീരും മിക്‌സ് ചെയ്ത വെള്ളത്തില്‍ കാല്‍ കഴുകിയാലും പാദസംരക്ഷണത്തിന്റെ പകുതി ഘട്ടം നാം വിജയിച്ചു.