ഗര്‍ഭധാരണം ആദ്യമാസം ശ്രദ്ധിക്കേണ്ടപ്രധാന കാര്യം

ശാരീരിക മാറ്റം

ഗര്‍ഭത്തിന്റെ ആദ്യ മാസങ്ങളില്‍ ശാരീരിക മാറ്റം ഉണ്ടാവുകയില്ല. ഗര്‍ഭിണിയാണെങ്കില്‍ പോലും ഇത്തരം മാറ്റങ്ങളെ അറിയുകയില്ല എന്നതാണ് ആദ്യമാസങ്ങളിലെ പ്രത്യേകത.

മൂത്രമൊഴിക്കുന്നത്

ഇടക്കിടക്ക് മൂത്രമൊഴിക്കുന്നത് ഗര്‍ഭകാലത്തിന്റെ പ്രത്യകേതയാണ്. പലപ്പോഴും ശരീരത്തിലുണ്ടാവുന്ന ഹോര്‍മോണ്‍ വ്യതിയാനത്തിന്റെ ഫലമായാണ് ഗര്‍ഭിണികളില്‍ ഇടക്കിടക്ക് മൂത്രശങ്കയുണ്ടാവുന്നത്.

ആര്‍ത്തവം ഇല്ലാതിരിക്കുക

പല കാരണങ്ങള്‍ കൊണ്ടും ആര്‍ത്തവം തെറ്റാം. എന്നാല്‍ ആര്‍ത്തവം നിലച്ചാല്‍ ഉടന്‍ തന്നെ ഡോക്ടറെ സമീപിക്കണം. ഇതിലൂടെ ഗര്‍ഭധാരണത്തെക്കുറിച്ച് മനസ്സിലാക്കാം.

ലൈംഗിക ബന്ധം

ഗര്‍ഭം ധരിച്ച് ആദ്യത്തെ മൂന്ന് മാസവും അവസാന മാസങ്ങളിലും ലൈംഗിക ബന്ധം പാടില്ല. ഇത് രോഗങ്ങള്‍ പകരാനുള്ള സാധ്യത വളരെ കൂടുതലാണ്.

യാത്രകള്‍

ഗര്‍ഭത്തിന്റെ ആദ്യ മാസങ്ങളില്‍ ദീര്‍ഘദൂര യാത്രകള്‍ ഒഴിവാക്കുക. ഇത് ശാരീരികാവശതക്കും അബോര്‍ഷനും കാരണമാകുന്നു.

വൈകാരിക ഇടപെടല്‍

ആദ്യ വട്ടം ഗര്‍ഭിണായായ സ്ത്രീകളാണെങ്കില്‍ അവരില്‍ വൈകാരികമായ മാറ്റങ്ങള്‍ക്കുള്ള സാധ്യത വളരെ കൂടുതലായിരിക്കും. ഉത്കണ്ഠയും ദേഷ്യവും സന്തോഷവും എല്ലാം കൂടുതലായിരിക്കും.

മൂത്രം പിടിച്ച് നിര്‍ത്തരുത്

ഒരു കാരണവശാലും ഗര്‍ഭകാലത്ത് മൂത്രം പിടിച്ച് നിര്‍ത്തരുത്. ഇത് അണുബാധ ഉണ്ടാക്കുന്നു. കുഞ്ഞിന്റെ ആരോഗ്യത്തിനും അമ്മയുടെ ആരോഗ്യത്തിനും ഇത് ദോഷകരമായി ബാധിക്കും.

ഛര്‍ദ്ദി

ഛര്‍ദ്ദിയാണ് മറ്റൊരു പ്രശ്‌നം. രണ്ടാം മാസം മുതലാണ് ഗര്‍ഭിണികളില്‍ ഛര്‍ദ്ദി വര്‍ദ്ധിക്കുന്നത്. ശരീരത്തിലെ ഹോര്‍മോണിന്റെ ഉത്പാദനത്തില്‍ മാറ്റങ്ങളുണ്ടാവുമ്പോഴാണ് ഇത്തരം പ്രശ്‌നങ്ങള്‍ തല പൊക്കുന്നത്.

ഉപ്പ് കുറക്കുക

ഉപ്പിന്റെ ഉപയോഗം പരമാവധി കുറക്കാന്‍ ശ്രമിക്കുക. ഇത് ശരീരത്തില്‍ നീര്‍ക്കെട്ടും മറ്റ് പ്രശ്‌നങ്ങളും രക്തസമ്മര്‍ദ്ദത്തിന്റെ അളവില്‍ മാറ്റങ്ങളും ഉണ്ടാവാന്‍ കാരണമാകുന്നു.

സ്തനങ്ങളിലെ മാറ്റങ്ങള്‍

ഗര്‍ഭത്തിന്റെ രണ്ടാം ഘട്ടം മുതലാണ് സ്തനങ്ങളില്‍ മാറ്റങ്ങള്‍ ഉണ്ടാവുന്നത്. സ്തനങ്ങള്‍ തടിച്ച് വീങ്ങുകയും നിപ്പിളില്‍ നേര്‍ത്ത ദ്രാവകം കാണപ്പെടുകയും ചെയ്യും. സ്തനങ്ങളില്‍ ചെറിയ രീതിയിലുള്ള സ്പര്‍ശനം പോലും സ്ത്രീകളില്‍ വേദനയുണ്ടാക്കുന്നു.

ചെരിപ്പ് ശ്രദ്ധിക്കാം

പലരും ഹീലുള്ള ചെരുപ്പുകള്‍ ഉപയോഗിക്കാറുണ്ട്. എന്നാല്‍ ഇത് ഗര്‍ഭിണികളില്‍ നടുവേദന പോലുള്ള പ്രശ്‌നങ്ങള്‍ക്ക് സാധ്യത കൂടുതലാണ്.