ഗര്‍ഭിണികള്‍ കൂണ്‍ കഴിക്കുമ്പോള്‍

ബി കോംപ്ലക്‌സ് കലവറ

ബി കോംപ്ലക്‌സിന്റെ കലവറയാണ് കൂണ്‍. ഇതിലുള്ള നിയാസിന്‍ റൈബോഫഌബിന് എന്നവ ദഹനത്തിനും ഊര്‍ജ്ജം നല്‍കുന്നതിനും സഹായിക്കുന്നു. അതുകൊണ്ട് തന്നെയാണ് ഗര്‍ഭിണികളുടെ ഭക്ഷണ രീതിയില്‍ കൂണ്‍ ഉള്‍പ്പെടുത്തേണ്ടത് അത്യാവശ്യമാണ് എന്ന് പറയുന്നത്. ഇത് കുഞ്ഞിന്റെ വളര്‍ച്ചയക്കും വളരെയധികം സഹായിക്കുന്ന ഒന്നാണ്.

വിറ്റാമിന്‍ ഡി

വിറ്റാമിന്‍ ഡിയാണ് മറ്റൊന്ന്. ഗര്‍ഭസ്ഥശിശുവിന്റെ വളര്‍ച്ചക്ക് വിറ്റാമിന്‍ ഡി വളരെ അത്യാവശ്യമായിട്ടുള്ള ഒന്നാണ്. അതിലുപരി ഗര്‍ഭാവസ്ഥയില്‍ വിറ്റാമിന്‍ ഡി കാല്‍സ്യത്തെ ശരീരത്തിലേക്ക് വലിച്ചെടുക്കുന്നു. അത് കുഞ്ഞിന്റെ എല്ലിന്റെ വളര്‍ച്ചയേയും സഹായിക്കുന്നു.

അയേണ്‍

അയേണ്‍ കണ്ടന്റ് ധാരാളം അടങ്ങിയിട്ടുള്ള ഒന്നാണ് കൂണ്‍. ഇത് ശരീരത്തില്‍ രക്തത്തിന്റെ അളവ് വര്‍ദ്ധിപ്പിക്കുന്നു. ദിവസവും കൂണ്‍ കഴിക്കുന്നത് കുഞ്ഞിന്റേയും അമ്മയുടേയും ആരോഗ്യത്തെ വളരെയധികം പോഷിപ്പിക്കുന്ന ഒന്നാണ് അതുകൊണ്ട് തന്നെ ധാരാളം കൂണ്‍ ഗര്‍ഭാവസ്ഥയില്‍ കഴിക്കാം.

ആന്റി ഓക്‌സിഡന്റ്

ആന്റി ഓക്‌സിഡന്റിന്റെ കലവറയാണ് കൂണ്‍. ഇത് കോശങ്ങള്‍ക്കുണ്ടാകുന്ന നാശത്തെ ഇല്ലാതാക്കുന്നു. മാത്രമല്ല മലബന്ധം പോലുള്ള പ്രശ്‌നങ്ങളെ ഫലപ്രദമായി നേരിടുന്നു.അതുകൊണ്ട് തന്നെ ഗര്‍ഭകാലത്ത് ഏറ്റവും കൂടുതല്‍ ഗര്‍ഭിണികള്‍ കഴിക്കേണ്ട ഭക്ഷണമാണ് കൂണ്‍ എന്ന കാര്യത്തില്‍ സംശയം വേണ്ട.

കൂണ്‍ തിരഞ്ഞെടുക്കുമ്പോള്‍ ശ്രദ്ധിക്കണം

കൂണ്‍ തിരഞ്ഞെടുക്കുമ്പോളാണ് പ്രത്യേകം ശ്രദ്ധിക്കേണ്ടത്. പല തരത്തിലുള്ള കൂണുകള്‍ ഉണ്ടാവും. എന്നാല്‍ ഇതില്‍ വിഷം അടങ്ങിയിട്ടുള്ളവയും ഉണ്ടാവും. അതുകൊണ്ട് തന്നെ വിഷക്കൂണല്ല എന്ന് ഉറപ്പ് വരുത്തിയ ശേഷം മാത്രം കഴിക്കാം.

കൃത്യമായി പാകം ചെയ്യണം

ഏത് ഭക്ഷണമാണെങ്കിലും പാകം ചെയ്യുന്ന രീതി അനുസരിച്ചായിരിക്കും അതിന്റെ ഗുണം നിശ്ചയിക്കപ്പെടുന്നത്. അതുകൊണ്ട് തന്നെ നല്ലതു പോലെ പാകം ചെയ്ത ശേഷം മാത്രമേ കൂണ്‍ കഴിക്കാന്‍ പാടുകയുള്ളൂ.