കുഞ്ഞിന് പാല്‍ കൊടുക്കുമ്പോള്‍ ശ്രദ്ധിക്കാന്‍

രണ്ടു വയസ്സുവരെ

രണ്ട് വയസ്സു വരെയുള്ള കുട്ടികള്‍ക്കാണ് മുലപ്പാല്‍ നല്‍കേണ്ടത്. രണ്ട് വയസ്സുവരെയുള്ള കുട്ടികള്‍ക്ക് മുലപ്പാലാണ് പൂര്‍ണ ആഹാരം. അതുകൊണ്ട് തന്നെ രണ്ട് വയസ്സു വരെയുള്ള കുട്ടികള്‍ക്ക് മുലപ്പാല്‍ നല്‍കേണ്ടത് അത്യാവശ്യമാണ്.

ആത്മബന്ധം

അമ്മക്കും കുഞ്ഞിനും ആത്മബന്ധം വര്‍ദ്ധിപ്പിക്കാനുള്ള ഒന്നാണ് മുലയൂട്ടല്‍. കുഞ്ഞിന്റെ വിശപ്പിന് പരിഹാരം കാണാന്‍ വേണ്ടി മാത്രമല്ല മുലയൂട്ടേണ്ടത്.

പ്രസവശേഷം

പ്രസവശേഷം അരമണിക്കൂറിനുള്ളില്‍ കുഞ്ഞിന് പാലു കൊടുക്കണം. ആദ്യമായി കൊടുക്കുന്ന മുലപ്പാലിലാണ് കൊളസ്ട്രം ഉള്ളത്. ഇത് കുഞ്ഞിന്റെ രോഗപ്രതിരോധ ശേഷി വര്‍ദ്ധിപ്പിക്കുന്നതിന് സഹായിക്കുന്ന ഒന്നാണ്.

മുലയൂട്ടുന്നതിനു മുന്‍പ്

കുഞ്ഞിന് മുലയൂട്ടുന്നതിനു മുന്‍പായി സ്തനങ്ങള്‍ വൃത്തിയായി കഴുകണം. അല്ലാത്ത പക്ഷം കുഞ്ഞിന് രോഗങ്ങള്‍ ബാധിക്കാനുള്ള സാധ്യത വളരെ കൂടുതലാണ്.

ഇരുന്ന് പാല്‍ കൊടുക്കുക

എപ്പോഴും കുഞ്ഞിന് കസേരയില്‍ ഇരുന്ന് വേണം പാല്‍ കൊടുക്കേണ്ടത്. മാത്രമല്ല കുഞ്ഞിന് രണ്ട് സ്തനങ്ങളില്‍ നിന്നും പാല്‍ കൊടുക്കുന്നതിന് ശ്രദ്ധിക്കണം.

പാല്‍ കൊടുക്കാതിരുന്നാല്‍

ചിലര്‍ കുട്ടിക്ക് പാല്‍ കൊടുക്കാതിരിക്കും. കുഞ്ഞിന് പാല്‍ കൊടുക്കാതിരുന്നാല്‍ പാല്‍ കെട്ടിക്കിടന്ന് ഇന്‍ഫെക്ഷന്‍ ഉണ്ടാവാനുള്ള സാധ്യതയുണ്ട്. സ്തനങ്ങളില്‍കല്ലിപ്പോ മറ്റോ ഉണ്ടാവുന്നുണ്ടെങ്കില്‍ ഡോക്ടറെ കാണാന്‍ മടിക്കേണ്ടതില്ല.

ഗര്‍ഭപാത്രം ചുരുങ്ങാന്‍

ഗര്‍ഭപാത്രം ചുരുങ്ങാന്‍ മുലയൂട്ടല്‍ സഹായിക്കുന്നു. മാത്രമല്ല ഹോര്‍മോണ്‍ പ്രവര്‍ത്തനത്തിലും പല തരത്തിലുള്ള മാറ്റങ്ങള്‍ വരുന്നതിനും മുലയൂട്ടല്‍ സഹായിക്കുന്നു.