ഇടക്കൊന്ന് തള്ളവിരല്‍ നോക്കൂ, ഭാഗ്യം അവിടെയാണ്

ദീര്‍ഘചതുരത്തിലുള്ള നഖം

നിങ്ങളുടെ തള്ളവിരലിന്റെ നഖത്തിന്റെ ആകൃതി ദീര്‍ഘചതുരത്തിലാണോ? ദീര്‍ഘചതുരത്തിലുള്ള നഖമാണോ നിങ്ങളുടെ തള്ളവിരലിലേത്. എങ്കില്‍ ശരിയ്ക്ക് വേണ്ടി മാത്രം നിലകൊള്ളുന്ന വ്യക്തിയായിരിക്കും നിങ്ങള്‍. ഏത് കാര്യത്തിനും ഫലം നെഗറ്റീവ് ആണെങ്കില്‍ പോലും ശരി മാത്രം ചെയ്യാന്‍ നിങ്ങള്‍ പ്രേരിതനാവും. മാത്രമല്ല തന്റെ അഭിപ്രായങ്ങള്‍ അത് ആരുടെ മുന്നിലും തുറന്ന് പറയുന്ന സ്വഭാവക്കാരായിരിക്കും ഇവര്‍. ശരിയുടെ പക്ഷത്ത് നിന്ന് കാര്യങ്ങള്‍ തീരുമാനിക്കുന്നതിനും ഇവര്‍ക്ക് സാധിക്കുന്നു. ജീവിതത്തില്‍ പലപ്പോഴും പല വിധത്തിലുള്ള പ്രതിസന്ധികള്‍ക്ക് പെട്ടെന്ന് തീരുമാനം കൈക്കൊള്ളുന്നതിനും ഇവര്‍ക്ക് സാധിക്കുന്നു.

പരന്ന നഖം

നിങ്ങളുടെ തള്ളവിരലിലെ നഖം പരന്നിട്ടാണോ? ചിലരുടെ നഖം നിങ്ങള്‍ കണ്ടിട്ടുണ്ടാവും പരന്നതും വിശാലമായതുമായ തള്ളവിരലിലെ നഖങ്ങളായിരിക്കും നിങ്ങളുടേത്. ഇത്തരം നഖങ്ങളും വിരലുകളും ഉള്ളവര്‍ കാര്യങ്ങള്‍ മനസ്സിലാക്കി ചിന്തിച്ച് ചെയ്യുന്നവരായിരിക്കും. മാത്രമല്ല ഉപദേശിക്കാനും ഉപദേശിച്ച് നല്ല വഴിയിലൂടെ നടത്താനും ഇവര്‍ക്ക് കഴിയും. ഒരിക്കലും കള്ളത്തരത്തിലൂടെ കാര്യങ്ങള്‍ തീരുമാനിക്കുന്നതിനും അതിന് വേണ്ടി പ്രവര്‍ത്തിക്കുന്നതിനും ഇവര്‍ തയ്യാറാവില്ല. ജീവിതത്തിലെ പല അവസ്ഥകള്‍ക്കും പെട്ടെന്ന് തന്നെ ഒരു തീരുമാനം എടുക്കുന്നതിന് ഇവര്‍ക്ക് സാധിക്കുന്നു. എല്ലാവരുടേയും നന്മയായിരിക്കും ഇവരുടെ ആഗ്രഹം.

വട്ടത്തിലുള്ള നഖം

നിങ്ങളുടെ നഖത്തിന്റെ ആകൃതി വട്ടത്തിലുള്ളതാണോ, അതും ചെറുത്. എങ്കില്‍ നിങ്ങള്‍ക്ക് ഉറച്ച മനസ്സിനുടമകളായിരിക്കും. വിശ്വാസം തന്നെയായിരിക്കും ഏത് കാര്യത്തിനും അടിസ്ഥാനം എന്ന് അടിയുറച്ച് വിശ്വസിയ്ക്കുന്നവരായിരിക്കും നിങ്ങള്‍. മാത്രമല്ല ഭയം നിങ്ങളെ ഒരു തരത്തിലും ബാധിയ്ക്കുകയില്ല. ഭയമില്ലാതെ ഏത് സത്യവും ആരുടെ മുന്നിലും വിളിച്ച് പറയാന്‍ നിങ്ങള്‍ക്ക് സാധിക്കുന്നു. ലോകം നിലനില്‍ക്കുന്നത് തന്നെ സത്യത്തിന്റെ അടിസ്ഥാനത്തില്‍ ആണ് എന്ന് വിചാരിക്കുന്നവരായിരിക്കും ഇവര്‍.

ചെറിയ നഖം

നിങ്ങളുടെ തള്ളവിരലിലെ നഖം ചെറുതാണെങ്കില്‍ നിങ്ങള്‍ക്ക് ചില പ്രത്യേകതകള്‍ ഉണ്ട്. ചെറിയ നഖമാണ് നിങ്ങള്‍ക്കുള്ളതെങ്കില്‍ ആശയവിനിമയത്തിന് നിങ്ങളെക്കഴിഞ്ഞേ മറ്റാളുകളുള്ളൂ എന്ന് നമുക്ക് അനുമാനിയ്ക്കാം. കാരണം അത്രയേറെ ഗുണകരമായിരിക്കും നിങ്ങളുടെ സംസാരം മറ്റുള്ളവര്‍ക്ക്. തളര്‍ന്നിരിക്കുന്ന ഒരു വ്യക്തിയെ നിങ്ങള്‍ക്ക് നിങ്ങളുടെ സംസാരത്തിലൂടെ ഉന്നതിയില്‍ എത്തിക്കാന്‍ കഴിയും. അത്രയധികം ശക്തിയുള്ള വാക്കുകളായാരിക്കും നിങ്ങളുടേത്. അതുകൊണ്ട് തന്നെ നല്ല സംസാരശൈലിയിലൂടെ ആളുകളെ വരുതിയിലാക്കുന്നതിന് നിങ്ങള്‍ക്ക് കഴിയുന്നു. ഇത് ജീവിതത്തില്‍ പല വിധത്തിലുള്ള പ്രശ്‌നങ്ങള്‍ക്ക് പരിഹാരം കാണുന്നതിന് പലപ്പോഴും മറ്റുള്ളവരെ സഹായിക്കുന്നു.

ചതുരാകൃതിയില്‍ ഉള്ള നഖം

ചതുരാകൃതിയില്‍ ഉള്ള ചെറിയ നഖമാണ് നിങ്ങള്‍ക്കുള്ളതെങ്കില്‍ എന്ത് കാര്യത്തിനും നേതൃത്വം നല്‍കാന്‍ നിങ്ങള്‍ക്ക് പ്രത്യേക കഴിവായിരിക്കും. രാഷ്ട്രീയക്കാരായവരുടെ മിക്കവരുടേയും നഖത്തിന്റെ ആകൃതി ചതുരാകൃതി ആയിരിക്കും. ഇതിലൂടെ നമുക്ക് പല വിധത്തിലുള്ള കാര്യങ്ങള്‍ മനസ്സിലാക്കാന്‍ സാധിക്കുന്നു. ഏത് കാര്യത്തിനും ശരിയുടെ പക്ഷത്ത് നിന്ന് ചിന്തിക്കുന്നതിനും പ്രവര്‍ത്തിക്കുന്നതിനും മാത്രമാണ് ഇവര്‍ തയ്യാറാവുന്നത്. എന്താണ് ശരിയെന്ന് നിങ്ങള്‍ക്ക് തോന്നുന്ന കാര്യങ്ങള്‍ ചെയ്യാന്‍ മിടുക്കുള്ളവരായിരിക്കും. നിങ്ങളുടെ മനസ്സിലുള്ള കാര്യം വെച്ച് തന്നെയായിരിക്കും മറ്റുള്ളവരെ അളക്കുന്നതും എന്നത് ശ്രദ്ധേയമാണ്.

ത്രികോണാകൃതിയില്‍ നഖം

നിങ്ങളുടെ നഖത്തിന്റെ ആകൃതി ത്രികോണാകൃതിയിലാണെങ്കിലും അല്‍പം ശ്രദ്ധിച്ചോളൂ. ഏത് കാര്യത്തിനും എടുത്ത് ചാട്ടമായിരിക്കും അതിന്റെ അര്‍ത്ഥം. അതുകൊണ്ട് തന്നെ ഇത്തരത്തില്‍ ആണ് നിങ്ങളുടെ നഖത്തിന്റെ ആകൃതിയെങ്കില്‍ നിങ്ങള്‍ ബോള്‍ഡ് ആയി കാര്യങ്ങളെ തീരുമാനിയ്ക്കുന്നവനും ഭയം കൂടാതെ ഏത് കാര്യത്തേയും സമീപിയ്ക്കുന്നവനും ആയിരിക്കും. ഇത് പലപ്പോഴും നിങ്ങളുടെ ജീവിതത്തില്‍ പല വിധത്തിലുള്ള പ്രശ്‌നങ്ങള്‍ ഉണ്ടാവുന്നതിനുള്ള സാധ്യതയെ ചൂണ്ടിക്കാണിക്കുന്നുണ്ട്. ഇത്തരം കാര്യങ്ങളും അല്‍പം ശ്രദ്ധിക്കേണ്ടതാണ്.

ഓവല്‍ ഷേപ്പിലുള്ള നഖം

ഓവല്‍ ഷേപ്പിലുള്ള നഖമാണ് നിങ്ങള്‍ക്കുള്ളതെങ്കില്‍ നിങ്ങളൊരു ക്രിയേറ്റീവ് വ്യക്തിത്വത്തിന് ഉടമയായിരിക്കും. ഇതിലൂടെ തന്നെ ജീവിതത്തില്‍ ഉയരങ്ങളിലെത്താന്‍ നിങ്ങള്‍ക്ക് സാധിയ്ക്കും. സ്വന്തമായി ഓരോ കാര്യങ്ങളും ചെയ്ത് അതിന് വേണ്ടി ജീവിതത്തില്‍ പ്രയത്‌നിക്കുന്നതിന് ഇവര്‍ വളരെയധികം തയ്യാറാവുന്നു. മാത്രമല്ല എത്ര ചെറിയ കാര്യങ്ങളില്‍ പോലും വളരെയധികം സൂക്ഷ്മതയോട് കൂടി ചെയ്യുന്നവരായിരിക്കും ഇവര്‍.

ക്യൂട്ടിക്കിളിനോട് ചേര്‍ന്ന്

നഖം ക്യൂട്ടിക്കിളിനോട് ചേര്‍ന്നാണ് ഉള്ളതെങ്കില്‍ അതും നിങ്ങളിലെ പ്രത്യേകതയെയാണ് പറയുന്നത്. ക്യൂട്ടിക്കിളിനോട് ഒട്ടിച്ചേര്‍ന്നാണ് നഖമെങ്കില്‍ സമൂഹത്തില്‍ ഒരിക്കലും പിന്നോട്ട് പോകാത്തവനായിരിക്കും നിങ്ങള്‍. ഒരു കാരണവശാലും ഭയത്തോട് കൂടി യാതൊരു കാര്യത്തേയും സമീപിയ്ക്കേണ്ട അവസ്ഥ നിങ്ങളിലുണ്ടാവില്ല. ഏത് കാര്യത്തേയും വളരെയധികം തന്റേടത്തോടെ കൈകാര്യം ചെയ്യുന്നതിന് ഇവര്‍ക്ക് സാധിക്കുന്നു.