രാശിപ്രകാരം പേര് ഈ അക്ഷരത്തില്‍ വേണം തുടങ്ങാന്‍

മേടം

മേടം രാശി ഭരിക്കുന്നത് ചൊവ്വയാണ്. മേടം രാശി ഊര്‍ജ്ജത്തിന്റെയും ചലനാത്മകതയുടെയും ശേഖരമാണ്. തങ്ങളുടെ ആകര്‍ഷകത്വവും വ്യക്തിപ്രഭാവവും വഴി ഈ രാശിയിലുള്ളവര്‍ പ്രശസ്തരായ നേതാക്കളാവും. പുതിയ സാഹചര്യങ്ങളില്‍ അവര്‍ ലജ്ജാലുക്കളാവുകയോ, ഭയപ്പെടുകയോ ഇല്ല. ച എന്ന അക്ഷരത്തില്‍ തുടങ്ങുന്ന പേരുകളാണ് ഇവര്‍ക്ക് നല്ലത്.

ഇടവം

വെള്ളിയാണ് ഇടവം രാശി ഭരിക്കുന്നത്. ഇതില്‍ പെട്ടവര്‍ ശാരീരിക സന്തോഷങ്ങളും, ഭൗതിക വസ്തുക്കളും ഇഷ്ടപ്പെടുന്നവരാണ്. സുഖസൗകര്യങ്ങള്‍ ഇഷ്ടപ്പെടുന്ന ഇത്തരക്കാര്‍ മനോഹരവും, സുഖകരവുമായ ചുറ്റുപാടില്‍ കഴിയാന്‍ ഇഷ്ടപ്പെടും. ന എന്ന അക്ഷരത്തില്‍ തുടങ്ങുന്ന പേരുകളാണ് ഈ രാശിക്കാര്‍ക്ക് നല്ലത്.

മിഥുനം

ബുധന്‍ അധിപനായ മിഥുനം രാശിക്കാര്‍ സംസാരപ്രിയരാണ്. അവരുടെ മനസാണ് സംഭാഷണത്തിന് പിന്നിലെ പ്രേരക ശക്തി. ബന്ധങ്ങള്‍ സ്ഥാപിക്കുന്നതിലും ഇവര്‍ തല്‍പരരാവും. ഇവര്‍ക്ക് മ എന്ന അക്ഷരത്തില്‍ തുടങ്ങുന്ന പേര് ഭാഗ്യം നല്‍കുന്നു.

കര്‍ക്കിടകം

ചന്ദ്രന്‍ അധിപനായ കര്‍ക്കിടക രാശിക്കാര്‍ കുടുംബത്തിലും വീട്ടിലും നല്ല സന്തോഷം അനുഭവിക്കും. ഇവര്‍ മാതൃസ്‌നേഹമുള്ളവരും, കുടുംബസ്‌നേഹമുള്ളവരും, മറ്റുള്ളവരെ സ്‌നേഹത്തോടെ പരിപാലിക്കുന്നവരായിരിക്കും. മാത്രമല്ല ഇവരില്‍ ക എന്ന അക്ഷരത്തില്‍ തുടങ്ങുന്ന പേര് ഭാഗ്യം നല്‍കുന്നു.

ചിങ്ങം

സൂര്യനാണ് ചിങ്ങം ഭരിക്കുന്നത്. വളരെ ഉല്‍ക്കര്‍ഷയും ക്രിയാത്മകതയുമുള്ളവരാണ് ഇവര്‍. മറ്റുള്ളവരില്‍ ഇവര്‍ മതിപ്പുണ്ടാക്കും. ഇവര്‍ക്ക് ര അക്ഷരത്തില്‍ തുടങ്ങുന്ന പേരാണ് ഏറ്റവും ഭാഗ്യം നല്‍കുന്നത്.

കന്നി

കന്നി രാശിയെ ഭരിക്കുന്നത് ബുധനാണ്. ഇതില്‍ ജനിക്കുന്നവര്‍ വളരെ തമാശക്കാരും, ശ്രദ്ധാലുക്കളും, വിമര്‍ശന സ്വഭാവവുമുള്ളവരായിരിക്കും. വളരെ അദ്ധ്വാനശീലരും, ചിട്ടയുള്ളവരും, മികവുള്ളവരുമാകയാല്‍ ഇവര്‍ തങ്ങളുടെ ജോലിയില്‍ മികവ് പ്രകടിപ്പിക്കും. പ എന്ന അക്ഷരത്തില്‍ പേര് വെ്ക്കുന്നത് എന്തുകൊണ്ടും നല്ലതാണ.

തുലാം

തുലാം രാശിയുടെ അധിപന്‍ വെള്ളിയാണ്. തങ്ങളുടെ പങ്കാളികള്‍ക്കൊപ്പമായിരിക്കുമ്പോള്‍ അവര്‍ പൂര്‍ണ്ണരാണെന്ന് തോന്നും. ന എന്ന അക്ഷരത്തില്‍ പേര് തുടങ്ങുന്നതാണ് ഇവര്‍ക്ക് ഭാഗ്യം.

വൃശ്ചികം

ചൊവ്വയും പ്ലൂട്ടോയുമാണ് വൃശ്ചികരാശിയുടെ അധിപന്മാര്‍. ഇതില്‍ പെടുന്നവര്‍ തെറ്റായ കാര്യങ്ങള്‍ ചെയ്യുകയോ, അലസഭാഷണങ്ങള്‍ക്ക് തുനിയുകയോ ഇല്ല. പ്രധാന കാര്യങ്ങളൊന്നും ചോദിക്കാതെ തന്നെ രഹസ്യങ്ങള്‍ കണ്ടെത്താന്‍ ഇവര്‍ക്ക് സാധിക്കും. അവര്‍ വളരെ ജിജ്ഞാസുക്കളുമായിരിക്കും. ജ എന്ന അക്ഷരത്തില്‍ പേര് തുടങ്ങുന്നതാണ് ഇവര്‍ക്ക് ഭാഗ്യം.

ധനു

വ്യാഴമാണ് ധനുരാശിയുടെ അധിപന്‍. സത്യസന്ധരായ ധനുരാശിക്കാര്‍ക്ക് ഫിലോസഫിയിലും മതത്തിലും താല്പര്യമുണ്ടാവും. ത എന്ന അക്ഷരത്തില്‍ പേര് തുടങ്ങുന്നതാ്ണ് ഏറ്റവും ഉത്തമം.

മകരം

മകരത്തിന്റെ അധിപന്‍ ശനിയാണ്. അദ്ധ്വാനശീലരും, മികവുള്ളവരും, മൗലികതയുമുള്ള ഈ രാശിക്കാര്‍ അധികം ചലനങ്ങളൊന്നും ഉണ്ടാക്കില്ല. അ എന്ന അക്ഷരത്തില്‍ തുടങ്ങുന്ന പേരുകള്‍ എന്തുകൊണ്ടും നല്ലതാണ്.

കുംഭം

കുംഭം രാശിയുടെ അധിപന്മരാര്‍ ശനിയും യുറാനസും ആണ്. മനുഷ്യസ്‌നേഹികളും, ദയാലുക്കളുമായ ഇവര്‍ ലോകത്തെ മികച്ച ഒരിടമാക്കാന്‍ താല്പര്യപ്പെടുന്നവരാണ്. ശ എന്ന അക്ഷരത്തില്‍ തുടങ്ങുന്ന പേരാണ് ഇവര്‍ക്ക് ഏറ്റവും നല്ലത്.

മീനം

മീനം രാശി ഭരിക്കുന്നത് വ്യാഴവും നെപ്ട്യൂണുമാണ്. വളരെ സഹായ മനസ്ഥിതിയുള്ളവരും, അഹന്തയില്ലാത്തവരുമാണ് ഇവര്‍ ഉ എന്ന അക്ഷരത്തില്‍ തുടങ്ങുന്ന പേരാണ് ഏറ്റവും നല്ലത്.