ദാമ്പത്യപ്രശ്‌നമൊഴിവാക്കാന്‍ വാസ്തു ടിപ്‌സ്‌

വിവാഹചിത്രം

ബെഡ്‌റൂമില്‍ നിങ്ങളുടെ വിവാഹചിത്രം വയ്ക്കുക. പ്രത്യേകിച്ചും കിഴക്കു ഭിത്തിയില്‍ വേണം, ഇതു വയ്ക്കാന്‍. കിഴക്കു വശം ബന്ധങ്ങളില്‍ പൊസറ്റീവിറ്റി വരാന്‍ നല്ലതാണെന്നാണ് വിശ്വാസം.

തെക്കു ദിശ

തെക്കു ദിശയിലേയ്ക്കു തല വച്ചു കിടക്കുന്നതാണ് ഏറെ നല്ലതെന്നു വാസ്തുശാസ്ത്രം വിശദീകരിയ്ക്കുന്നു. നല്ല ബന്ധങ്ങള്‍ക്ക് ഇത് ഏറെ നല്ലതാണ്. ബന്ധങ്ങളില്‍ പൊസറ്റീവിറ്റിയുണ്ടാകുമെന്നര്‍ത്ഥം.

ബീം

ദമ്പതിമാരുടെ കിടക്കയ്ക്കു മുകളിലൂടെ ബീം കടന്നു പോകരുത്. അതായത് ബീമിനു താഴെയായി കിടക്കുന്നത് ഒഴിവാക്കുക. ഇത് വാസ്തു പ്രകാരം ദാമ്പത്യത്തില്‍ നെഗറ്റീവിറ്റി വരാന്‍ കാരണമാകും.

ഫ്രഷ് പൂക്കള്‍

ദമ്പതിമാരുടെ മുറിയില്‍ കഴിവതും ഫ്രഷ് പൂക്കള്‍ മാത്രം ഉപയോഗിയ്ക്കുക. പ്രത്യേകിച്ചും നല്ല ഗന്ധമുള്ള പൂക്കള്‍. നല്ല ദാമ്പത്യത്തിന് വാസ്തു പ്രകാരം ഇത്തരം പൂക്കള്‍ ഏറെ നല്ലതാണ്.

മരത്തിന്റേതൊഴികെ കട്ടിലുകള്‍

പലതരം കട്ടിലുകളും ഇപ്പോഴത്തെ കാലത്തു ലഭ്യമാണ്. എന്നാല്‍ യാതൊരു കാരണവശാലും ദമ്പതിമാര്‍ക്ക് മരത്തിന്റേതൊഴികെ കട്ടിലുകള്‍ അനുവദനീയമല്ല. വാസ്തു പ്രകാരം ഇത് ബന്ധങ്ങള്‍ക്കു ദോഷം വരുത്തുന്നവയുമാണ്.

ദമ്പതിമാരുടെ കിടപ്പുമുറിയില്‍

ദമ്പതിമാരുടെ കിടപ്പുമുറിയില്‍ കഴിവതും ദൈവങ്ങളും ആത്മീയ സംബന്ധമായ ചിത്രങ്ങളും വയ്ക്കരുത്. വാസ്തു പ്രകാരം ഇത് നല്ലതല്ല. ഇത്തരം ചിത്രങ്ങള്‍ സെക്‌സ് നടക്കാത്ത ഇടത്തു വയ്ക്കണമെന്നതാണ് ഇവ ഇത്തരം സ്ഥലങ്ങളില്‍ വയ്ക്കരുതെന്നു പറയാന്‍ കാരണം. ഇത് ബന്ധങ്ങളില്‍ നെഗറ്റീവ് ഊര്‍ജത്തിനു കാരണമാകും.

കിടപ്പു മുറിയില്‍ മണമുള്ള മെഴുകുതിരികളും മറ്റും

കിടപ്പു മുറിയില്‍ മണമുള്ള മെഴുകുതിരികളും മറ്റും വാസ്തു പ്രകാരം നല്ല ദാമ്പത്യത്തിന് ഏറെ പ്രധാനമാണ്. ഇത് നല്ല മൂഡ് നല്‍കുകയും ചെയ്യും. ഇത്തരം വസ്തുക്കള്‍ ബെഡ്‌റൂമില്‍ വാസ്തു നിര്‍ദേശിയ്ക്കുന്നവയാണ്. നല്ല ബന്ധങ്ങള്‍ക്ക് ഏറെ അത്യാവശ്യം.

ബെഡ്‌റൂമുകള്‍

തെക്ക്, പടിഞ്ഞാറ്, തെക്കു പടിഞ്ഞാറ് തുടങ്ങിയ ദിശകളിലുള്ള ബെഡ്‌റൂമാണ് വാസ്തു പ്രകാരം നവദമ്പതികള്‍ക്കുപയോഗിയ്ക്കാന്‍ ഏറെ നല്ലതെന്നു പറയപ്പെടുന്നു. ഈ ദിശ പ്രണയത്തിന്റെയും ലൈംഗികതയുടേയും ദിശയായി അറിയപ്പെടുന്നു. വടക്ക്, കിഴക്ക്, വടക്കു കിഴക്കു ദിശകള്‍ പൂര്‍ണമായും ഒഴിവാക്കുക തന്നെ വേണം.

ദമ്പതിമാരുടെ കിടപ്പുമുറിയില്‍

ദമ്പതിമാരുടെ കിടപ്പുമുറിയില്‍ നീല, പച്ച നിറമുള്ള ടേബിള്‍ ലാമ്പുകള്‍ വയ്ക്കുന്നത് വാസ്തു പ്രകാരം ഏറെ ഗുണകരമാണ്. ഇത് നല്ല ബന്ധങ്ങള്‍ക്കു മാത്രമല്ല, നല്ല മൂഡിനും ഏറെ ഗുണകരമാണ്.

കിടപ്പുമുറിയില്‍ കണ്ണാടികള്‍

നല്ല ദാമ്പത്യത്തിന് കിടപ്പുമുറിയില്‍ കണ്ണാടികള്‍ നല്ലതല്ലെന്നും വാസ്തുശാസ്ത്രം പറയുന്നു. ദമ്പതിമാരുടെ മുറിയില്‍ കണ്ണാടിയുണ്ടെങ്കില്‍ ഇത് തുണി വച്ചോ മറ്റോ കിടക്കുമ്പോള്‍ മറയ്ക്കുക.

ഒറ്റ കിടക്ക, കട്ടില്‍

ഒറ്റ കിടക്ക, കട്ടില്‍ ഉപയോഗിയ്ക്കുക. രണ്ടു കട്ടില്‍ കൂട്ടിയിടുന്നതും രണ്ടു കിടക്ക കൂട്ടിയിടുന്നതും നല്ലതല്ല.