ചന്ദനം ക്ഷേത്രത്തില്‍ തന്നെ തേച്ചു വയ്ക്കാറുണ്ടോ,

വഴിപാടു നടത്തിയാല്‍

വഴിപാടു നടത്തിയാല്‍ പ്രസാദം വാങ്ങിയ്ക്കണമെന്നതാണ് ശാസ്ത്രം. ഏതു വഴിപാടു നടത്തിയാലും ഇതിനു പ്രസാദമുണ്ടെങ്കില്‍ ഇതു വാങ്ങുക തന്നെ വേണം. ഇല്ലെങ്കില്‍ നടത്തിയ വഴിപാടിന് ഗുണമുണ്ടാകില്ലെന്നു പറയും.

ചന്ദനം

വഴിപാടു നടത്തിയാല്‍ പ്രസാദം വാങ്ങിയ്ക്കണമെന്നതാണ് നിയമം, ഇതു പോലെ ചന്ദനം അല്ലെങ്കില്‍ ഇതു പോലുള്ളവ ക്ഷേത്രത്തില്‍ നിന്നും ഭക്തിയോടെ വാങ്ങി തൊടണം. ചന്ദനം ക്ഷേത്രത്തില്‍ തന്നെ വച്ചു തേയ്ക്കുന്ന ശീലവും പലര്‍ക്കുമുണ്ട്. ഇതും നല്ലതല്ല.

ക്ഷേത്രത്തില്‍ നിന്നും പുറത്തു കടന്ന ശേഷം മോതിര വിരല്‍ ഉപയോഗിച്ചാണ് പ്രസാദമായി ലഭിയ്ക്കുന്ന ചന്ദനം തൊടേണ്ടത്മോതിരവിരല്‍ കൊണ്ടു പൊട്ടുതൊട്ടാല്‍ സമാധാനപൂര്‍ണമായ ജീവിതമാണ് ഫലം.

മോതിര വിരലിന്റെ

മോതിര വിരലിന്റെ കീഴ്ഭാഗത്തായാണ് സൂര്യന്റെ സ്ഥാനം. ഇതു വച്ച് തിലകം തൊടുന്നത് നെറ്റിയിലെ ആഗ്യ ചക്രത്തെ ഉണര്‍ത്തുമെന്നാണ് വിശ്വാസം.ദേവീദേവതമാരെ സാധാരണ മോതിരവിരല്‍ കൊണ്ടാണ് തിലകം തൊടുവിക്കാറ്. ഇവരെ ഉണര്‍ത്തന്നതിന് തുല്യമാണിതെന്നാണ് വിശ്വാസം.

ബാക്കി വരുന്ന പ്രസാദം

ബാക്കി വരുന്ന പ്രസാദം എന്തു ചെയ്യണമെന്നത് പലരുടേയും പ്രശ്‌നമാണ്. ഇതു വഴിയില്‍ കളയരുത്. ഇതു വീട്ടില്‍ കൊണ്ടു വന്ന് ഇത് തിരിത്തുണിയിലോ മറ്റോ പൊതിഞ്ഞു വയ്ക്കാം. ഈ പ്രസാദം അശുദ്ധിയില്ലാത്തിടത്തോ ചവിട്ടാത്തിടത്തോ വയ്ക്കുകയും വേണം. അമ്പലത്തില്‍ നിന്നും വഴിപാടു നടത്തി കിട്ടുന്ന പ്രസാദം അമ്പലത്തില്‍ തന്നെ ഉപേക്ഷിയ്ക്കരുത്. ഇത് വീട്ടില്‍ കൊണ്ടു വന്നാലേ ഇതിന്റെ പൂര്‍ണ ഗുണവും ഐശ്വര്യവും ലഭിയ്ക്കൂ എന്നു വേണം, പറയുവാന്‍.

ക്ഷേത്രത്തിലെ പ്രസാദം

ക്ഷേത്രത്തിലെ പ്രസാദം, ഇതു തൊടാനുള്ളതെങ്കിലും കഴിയ്ക്കാനുള്ളതെങ്കിലും ക്ഷേത്രത്തിനുള്ളില്‍ വച്ച് ഉപയോഗിയ്ക്കുകയുമരുതെന്നു പറയും. ഭഗവാന്റെ എച്ചിലാണ് നമുക്കു പ്രസാദമായി ലഭിയ്ക്കുന്നത് എന്നതാണ് വിശ്വാസം. ക്ഷേത്രത്തിനുളളില്‍ വച്ച് ഇത് ഉപയോഗിയ്ക്കരുത് എന്നു പറയാം. ഭക്തന് ഇത് പ്രസാദമെങ്കിലും ക്ഷേത്രത്തില്‍ ഭഗവാന് ഇത് എച്ചിലാണ്. ഇതു പോലെ കഴിയ്ക്കാനുള്ള പ്രസാദം വാങ്ങിയാല്‍ ആവശ്യമില്ലെങ്കില്‍ കളയാതെ ആവശ്യക്കാര്‍ക്കു നല്‍കാം.