രാത്രിയിലെ സ്‌പെഷല്‍ കാപ്പി രാവിലെ നല്ല ശോധന

കാപ്പി

സാധാരണ രീതിയില്‍ കാപ്പിയുണ്ടാക്കുക. കാപ്പിപ്പൊടി ആവശ്യത്തിന് എടുത്ത് ഇതില്‍ ചൂടുവെള്ളമൊഴിച്ച് കാപ്പിയുണ്ടാക്കുക. ഇതില്‍ മധുരം ചേര്‍ക്കേണ്ടതില്ല.

ഒലീവ് ഓയില്‍

ഈ കാപ്പിയില്‍ 2 ടീസ്പൂണ്‍ ഒലീവ് ഓയില്‍, അല്‍പം ചെറുനാരങ്ങ എന്നിവ പിഴിഞ്ഞൊഴിച്ചു ചേര്‍ക്കുക. ഇത് നല്ലപോലെ ഇളക്കി ചേര്‍ത്ത് ചൂടോടെ കുടിയ്ക്കാം. രാത്രി അത്താഴ ശേഷമാണ് ഇതു കുടിയ്‌ക്കേണ്ടത്. ഇതു കുടിച്ച ശേഷം മറ്റൊന്നും കഴിയ്ക്കുകയും ചെയ്യരുത്. രാവിലെ വയറ്റില്‍ നിന്നും നല്ല ശോധനയുണ്ടാകാന്‍ ഇതു സഹായിക്കുന്നു.

ഒലീവ് ഓയില്‍

ഒലീവ് ഓയില്‍ മലബന്ധത്തിനുള്ള നല്ലൊരു പ്രതിവിധിയാണ്. ആരോഗ്യകരമായ ഒരു ഓയിലാണിത്. മോണോസാച്വറേറ്റഡ് കൊഴുപ്പുകള്‍ കുടലിന്റെ പ്രവര്‍ത്തനം മെച്ചപ്പെടുത്തും. കുടലിന്റെ മ്യൂകസ് പാളി ശക്തിപ്പെടുത്താനും ഒലീവ് ഓയിലിനു കഴിയും. വന്‍കുടലിന്റെ സങ്കോചവികാസങ്ങള്‍ ശരിയായി നടക്കാന്‍ സഹായിക്കുന്ന ഒന്നുകൂടിയാണ് ഒലീവ് ഒായില്‍. ഇതും മലം ശരിയായി നീങ്ങാന്‍ സഹായിക്കും. ഇതിലെ വൈറ്റമിന്‍ ഇ, കെ, ആന്റിഓക്ിസഡന്റുകള്‍, ഒമേഗ ത്രീ, സിക്‌സ് ഫാറ്റി ആസിഡുകള്‍ എന്നിവ ദഹനേന്ദ്രിയത്തിന്റെ ആരോഗ്യത്തെ സംരക്ഷിയ്ക്കുന്ന ഒന്നാണ്. ഇതെല്ലാം നല്ല ശോധനയ്ക്കു സഹായിക്കുന്ന വഴികളാണ്.

നാരങ്ങ

ഇതുപോലെയാണ് ചെറുനാരങ്ങാനീരും. നാരങ്ങാ നീര് ദഹനത്തെ സുഖകരമാക്കുന്നു. വയറ്റിലെ അസിഡിറ്റി കുറയ്ക്കുന്നു. നല്ല ശോധനയ്ക്കു സഹായിക്കുന്ന ഒന്നു കൂടിയാണിത്. ഒലീവ് ഓയിലും നാരങ്ങാനീരും ചേരുമ്പോള്‍ ഗുണം ഇരട്ടിയ്ക്കുന്നു. ഇവ രണ്ടും കലര്‍ത്തി രാവിലെ വെറും വയറ്റിലോ രാത്രി കിടക്കാന്‍ നേരത്തോ കഴിയ്ക്കുന്നതും ഗുണം നല്‍കും. അര നാരങ്ങയുടെ നീര് 1 ടേബിള്‍ സ്പൂണ്‍ ഒലീവ് ഓയിലുമായി ചേര്‍ത്ത് 1 ഗ്ലാസ് ചൂടുവെള്ളത്തില്‍ കലര്‍ത്തി കുടിയ്ക്കാം.

തൈരും

തൈരും കുടലിന്റെ ആരോഗ്യത്തേയും വയററിലെ നല്ല ബാക്ടീരിയകളേയും സഹായിക്കുന്ന ഒന്നാണ്. തൈരും ഒലീവ് ഓയിലും കലര്‍ത്തിയും കഴിയ്ക്കാം. ഇവ രണ്ടും നല്ല ദഹനത്തിനും അസിഡിറ്റി പ്രശ്‌നങ്ങള്‍ ഒഴിവാക്കാനുമെല്ലാം സഹായിക്കും.

പഴം

വയറ്റില്‍ നിന്നുള്ള നല്ല ശോധനയ്ക്കായി പലരും ഉപയോഗിയ്ക്കുന്ന, ആശ്രയിക്കുന്ന ഒന്നാണ് പഴം. നല്ല പഴുത്ത പഴം കഴിയ്ക്കുന്നത് നല്ല ശോധനയ്ക്കു സഹായിക്കും. നല്ലപോലെ പഴുത്ത പഴത്തില്‍ ഒലീവ് ഓയില്‍ ചേര്‍ത്തു കഴിയ്ക്കുന്നത് ഏറെ ഗുണം നല്‍കുന്ന ഒന്നാണ്.

തേനും

തേനും മിതമായ തോതില്‍ കഴിയ്ക്കുന്നത് കുടല്‍ ആരോഗ്യത്തിന് ഉത്തമമാണ്.ഒലീവ് ഓയില്‍, തേന്‍ എന്നിവ കലര്‍ത്തിയും കഴിയ്ക്കാം. ഇത് ദഹനേന്ദ്രിയത്തിന്റെ ആരോഗ്യത്തിന് നല്ലതാണ്. പലതരം ആരോഗ്യഗുണങ്ങള്‍ നല്‍കുകയും ചെയ്യും.തേനും മിതമായ തോതില്‍ കഴിയ്ക്കുന്നത് കുടല്‍ ആരോഗ്യത്തിന് ഉത്തമമാണ്. ഇവ രണ്ടും ചൂടുവെള്ളത്തില്‍ കലര്‍ത്തിയും കഴിയ്ക്കാം.