മുടിവളരാന്‍ മുത്തശ്ശിസൂത്രങ്ങള്‍

ചെമ്പരത്തിയില

ഒരുപിടി കൂവളത്തില, കുറുന്തോട്ടിയില, ചെമ്പരത്തിയില എന്നിവ അരച്ച് തലയില്‍ തേച്ച് പിടിപ്പിക്കാം.

തേങ്ങാപ്പാല്‍

ഒരു കപ്പ് തേങ്ങാപ്പാല്‍ കുറുക്കി വറ്റിച്ച് പകുതിയാകുമ്പോള്‍ അതിലേക്ക് ആവണക്കെണ്ണ ഒരു സ്പൂണ്‍ ചേര്‍ക്കുക. ഇത് തലയില്‍ തേച്ച് രണ്ട് മണിക്കൂറിനുശേഷം കുളിക്കുക. മുടി കൊഴിച്ചില്‍ മാറുകയും മുടിക്ക് നിറം ലഭിക്കുകയും ചെയ്യുന്നു.

നെല്ലിക്ക ചതച്ച് പാലില്‍

നെല്ലിക്ക ചതച്ച് പാലില്‍ ഇട്ടുവെച്ച് ഒരു ദിവസം കഴിഞ്ഞ് തലയില്‍ പുരട്ടുക. ആഴ്ചയില്‍ രണ്ട് തവണ ചെയ്താല്‍ മുടി കൊഴിച്ചില്‍ മാറി മുടി നന്നായി വളരും.

ബദാം എണ്ണയും നെല്ലിക്കാ നീരും

ബദാം എണ്ണയും നെല്ലിക്കാ നീരും ചേര്‍ത്ത മിശ്രിതം തലയോട്ടില്‍ നന്നായി തേച്ച് പിടിപ്പിക്കാം.

മൈലാഞ്ചിയില

മൈലാഞ്ചിയില വെള്ളമൊഴിച്ച് അര മണിക്കൂര്‍ തിളപ്പിക്കുക. തണുക്കുമ്പോള്‍ ഇതിലേക്ക് ഒരു സ്പൂണ്‍ ആവണക്കെണ്ണ ചേര്‍ക്കാം. ഇത് തലയില്‍ പുരട്ടുന്നത് അകാലനര മാറി മുടിക്ക് നല്ല കറുപ്പ് നിറം ലഭിക്കും.

കറ്റാര്‍വാഴ, കയ്യോന്നി

കറ്റാര്‍വാഴ, കയ്യോന്നി എന്നിവയുടെ നീര് ചെറുതായി ചൂടാക്കി വെളിച്ചെണ്ണയില്‍ ചേര്‍ത്ത് തലയില്‍ തേച്ച് പിടിപ്പിക്കുക. മുടിയുടെ ആരോഗ്യത്തിന് നല്ലതാണ്.

കറ്റാര്‍വാഴയും കറിവേപ്പിലയും

കറ്റാര്‍വാഴയും കറിവേപ്പിലയും അരച്ച് അല്‍പം വെളിച്ചെണ്ണയില്‍ കാച്ചി മുടിയില്‍ തേച്ചു പിടിപ്പിയ്ക്കുക. ഇത് മുടി വളരാനും മുടിയ്ക്കു കറുപ്പിനും മാര്‍ദവത്തിനും നല്ലതാണ്.

കരിംജീരകം

കരിംജീരകം പൊടിച്ചെടുത്ത് വെളിച്ചെണ്ണയിലിട്ട് കാച്ചി തേക്കുന്നതും നല്ലതാണ്.