ചെറുപയര്‍പൊടി തൈരില്‍ കലക്കി മുഖത്തു പുരട്ടൂ

മുഖത്തിന് നിറം

മുഖത്തിന് നിറം വയ്ക്കാനുള്ള സ്വാഭാവിക വഴിയാണ് ചെറുപയര്‍, തൈരു ഫേസ് പായ്ക്ക്. തൈരിലെ ലാക്ടിക് ആസിഡ് സ്വാഭാവിക ബ്ലീച്ചിംഗ് ഗുണം നല്‍കുന്ന ഒന്നാണ്. ഇതു വഴി ചര്‍മത്തിനു നിറം നല്‍കും. ചെറുപയര്‍ പൊടിയും ചര്‍മം വെളുക്കാന്‍ സഹായിക്കുന്ന ഒന്നു തന്നെയാണ്. ചെറുപയര്‍ പൊടിയും തൈരും കലര്‍ത്തി മുഖത്തു പുരട്ടുന്നത് ചര്‍മത്തിന് നിറം വര്‍ദ്ധിപ്പിയ്ക്കാനുള്ള സ്വാഭാവിക വഴിയാണ്.

മുഖത്തെ പിഗ്മെന്റേഷനുള്ള നല്ലൊരു പരിഹാരമാണ്

മുഖത്തെ പിഗ്മെന്റേഷനുള്ള നല്ലൊരു പരിഹാരമാണ് ചെറുപയര്‍ പൊടിയും തൈരും കലര്‍ത്തി ഉപയോഗിയ്ക്കുന്നത്. ഇതു മുഖത്തെ കുത്തുകളുടെ നിറം അല്‍പാല്‍പമായി കുറച്ചു കൊണ്ടു വരും. തൈര് ഇത്തരം പിഗ്മെന്റേഷനുളള നല്ലൊരു പരിഹാരമാണ്. തൈരും ചെറുപയര്‍ പൊടിയും കലരുന്ന് ഇരട്ടി ഗുണം നല്‍കും.

വടുക്കളും മുഖക്കുരു പാടുകളും

മുഖത്തെ വടുക്കളും മുഖക്കുരു പാടുകളും പോകാനുള്ള ഫേസ്പായ്ക്കാണ് ഈ പ്രത്യേക മിശ്രിതം. സ്വാഭാവിക രീതിയില്‍ ഇതു മുഖത്തെ ഇത്തരം പ്രശ്‌നങ്ങള്‍ക്കു പരിഹാരമാകുന്നു. ഇവയിലെ പോഷകങ്ങള്‍ ചര്‍മത്തിലെ പാടുകള്‍ അകറ്റുന്നു.

വരണ്ട ചര്‍മത്തിനുളള നല്ലൊരു പരിഹാരം

വരണ്ട ചര്‍മത്തിനുളള നല്ലൊരു പരിഹാരം കൂടിയാണ് തൈര്, ചെറുപയര്‍ ഫേസ്പായ്ക്ക്. തൈരു ചര്‍മത്തിന് സ്വാഭാവികമായി ഈര്‍പ്പം നല്‍കുന്ന ഒന്നാണ്. ചെറുപയര്‍ പൊടി, തൈര് എന്നിവ ചേരുമ്പോള്‍ ഗുണം ഇരട്ടിയ്ക്കും.

ചുളിവുകളും കുത്തുകളുമെല്ലാം

ചര്‍മത്തിലെ ചുളിവുകളും കുത്തുകളുമെല്ലാം പരിഹരിയ്ക്കാനുള്ള നല്ലൊരു വഴി കൂടിയാണ് തൈര്, ചെറുപയര്‍ പൊടി പായ്ക്ക്. ചുളിവുകള്‍ക്കുളള സ്വാഭാവിക പരിഹാരം. തൈര് ചര്‍മത്തിന് ഈര്‍പ്പം നല്‍കുന്നതു വഴിയാണ് ഈ ഗുണം നല്‍കുന്നത്. ചെറുപയര്‍ പൊടിയും ചര്‍മകോശങ്ങള്‍ക്കു ജീവനേകിയും മൃത കോശങ്ങള്‍ നീക്കിയും ചര്‍മത്തിനു പുതു ജീവനും പ്രായക്കുറവുമെല്ലാം തോന്നിപ്പിയ്ക്കുന്നു.

മുഖത്തുണ്ടാകുന്ന കരുവാളിപ്പിന്

മുഖത്തുണ്ടാകുന്ന കരുവാളിപ്പിന്, ടാനിന്, സണ്‍ടാനിന് എല്ലാം നല്ലൊരു പരിഹാരമാണ് തൈര് പയറുപൊടി പായ്ക്ക്. വെയിലേറ്റു കരുവാളിച്ചാല്‍ ആ മിശ്രിതം പുരട്ടി നോക്കൂ. മുഖത്തിന് പോയ നിറം തിരികെ ലഭിയ്ക്കും. ഇത് അടുപ്പിച്ചു പുരട്ടുന്നത് മുഖത്തുളള കരുവാളിപ്പിനും നല്ലൊരു പരിഹാരം തന്നെയാണ്.

ക്ലെന്‍സിംഗ്

ചെറുപയര്‍ പൊടി ചര്‍മസുഷിരങ്ങളേയും ചര്‍മ കോശങ്ങളേയുമെല്ലാം ക്ലീന്‍ ചെയ്യുന്ന ഒന്നാണ്. തൈരും മുഖത്തിന് നല്ലൊരു ക്ലെന്‍സിംഗ് ഫലം നല്‍കുന്ന വസ്തുവാണ്. ചെറുപയര്‍ പൊടി തൈരില്‍ കലക്കി മുഖത്തു പുരട്ടുന്നത് ഇതുവഴി മുഖക്കുരു പോലുള്ള പ്രശ്‌നങ്ങള്‍ക്കും പരിഹാരമാണ്. തൈരിലെ ആന്റിബാക്ടീരിയല്‍ ഗുണങ്ങളും ഇതിനു സഹായിക്കുന്നു. വരണ്ട ചര്‍മത്തിനും എണ്ണമയമുള്ള ചര്‍മത്തിനും ഒരുപോലെ സഹായകമാണ് പയര്‍ പൊടി, തൈരു പായ്ക്ക്. എണ്ണമയമുളള ചര്‍മത്തിലെ അമിത എണ്ണമയം ചെറുപയര്‍ പൊടി നീക്കം ചെയ്യുന്നു. വരണ്ട ചര്‍മത്തിന് തൈര് ഈര്‍പ്പം നല്‍കുന്നു. രണ്ടു തരം ചര്‍മമുള്ളവര്‍ക്കും ഉപയോഗിയ്ക്കാവുന്ന ഒന്നാണിത്.

മുഖത്തിനു തിളക്കവും മിനുക്കവും

മുഖത്തിനു തിളക്കവും മിനുക്കവും നല്‍കുന്ന നല്ലൊരു ഫേസ് പായ്ക്കാണ് തൈരും ചെറുപയര്‍ പൊടിയും. ഇവ രണ്ടും ചര്‍മ കോശങ്ങള്‍ക്ക് ഏറെ നല്ലതാണ്. ചര്‍മത്തിന്റെ കേടുപാടുകള്‍ പരിഹരിയ്ക്കാന്‍ ഏറെ നല്ലതാണ് ഇവ.

കുട്ടികള്‍ക്കു പോലും

കുട്ടികള്‍ക്കു പോലും ദേഹത്തു പുരട്ടാവുന്ന നല്ലൊരു പായ്ക്കാണ് തൈര്, ചെറുപയര്‍ പൊടി. സോപ്പിനു പകരം കുട്ടികള്‍ക്ക് ഇത് ഉപയോഗിയ്ക്കാം. തൈരു ചേര്‍ക്കുമ്പോള്‍ കുട്ടികളുടെ ചര്‍മം വരണ്ടു പോകില്ലെന്ന ഗുണം കൂടിയുണ്ട്.