കറിവേപ്പില മതി മുഖത്തിന് നിറം നല്‍കാന്‍

മുഖത്തിന് നിറം

ചര്‍മ്മസംരക്ഷണത്തിന് ഏറ്റവും ഫലപ്രദമായ മാര്‍ഗ്ഗമാണ് കറിവേപ്പില. കറിവേപ്പിലയും തൈരും മിക്‌സ് ചെയ്ത് മുഖത്ത് തേച്ച് പിടിപ്പിക്കാം. ഇത് മുഖത്തിന് നിറം വര്‍ദ്ധിപ്പിക്കുന്നു.

മുഖക്കുരു മാറ്റാന്‍

കറിവേപ്പില ഉപയോഗിക്കുന്നത് മുഖക്കുരു മാറാന്‍ സഹായിക്കും. കറിവേപ്പിലയും മഞ്ഞളും ചേര്‍ത്ത് കുഴമ്പ് രൂപത്തിലാക്കി മുഖക്കുരു ഭേദമാക്കാന്‍ ഉപയോഗിക്കാം. ഇത് തേച്ച് ഉണങ്ങിയ ശേഷം കഴുകിക്കളയുക.

താരന്‍

ശിരോചര്‍മ്മത്തിന്റെ സംരക്ഷണത്തില്‍ ഉപേക്ഷ വിചാരിക്കരുത്. താരന്‍ ഒരു സാധാരണ പ്രശ്‌നമാണ്. എന്നാല്‍ ഇതില്‍ നിന്ന് മുക്തി നേടുക എളുപ്പമല്ല. തിളപ്പിച്ച പാലും കറിവേപ്പില അരച്ചതും ചേര്‍ത്ത് തലയോട്ടിയില്‍ തേച്ച് പതിനഞ്ച് മിനുട്ട് സമയം കഴിഞ്ഞ് കഴുക്കിക്കളയുക. പതിവായി ഇത് ചെയ്യുന്നത് മികച്ച ഫലം നല്കും.

ചര്‍മ്മത്തിലെ ചൊണങ്ങുകളും പാടും

ചര്‍മ്മത്തിലെ പ്രശ്‌നങ്ങള്‍ മാറ്റാന്‍ മാത്രമല്ല മുറിവുകളും പൊള്ളലുകളും, കീടങ്ങളുടെ കടിയും മറ്റും ഭേദമാക്കാനും കറിവേപ്പില ഉപയോഗിക്കാം. കറിവേപ്പില പാലിനൊപ്പം തിളപ്പിക്കുക. തണുപ്പിച്ച ശേഷം ഒരു കോട്ടണ്‍ ബോള്‍ ഇതില്‍ മുക്കി പ്രശ്‌നമുള്ളിടത്ത് തേയ്ക്കുക.

മുടിവളര്‍ച്ചക്ക്

നിങ്ങളുടെ ശരീരത്തിനെന്നത് പോലെ ശിരോചര്‍മ്മത്തിനും ഭക്ഷണം ആവശ്യമാണ്. വെളിച്ചണ്ണയില്‍ കറിവേപ്പില ചേര്‍ത്ത് തിളപ്പിക്കുക. തണുത്ത ശേഷം എല്ലാ ദിവസവും രാത്രി ഇതുപയോഗിച്ച് തലയോട്ടി മസാജ് ചെയ്യുക. ശിരോചര്‍മ്മത്തിന് ആരോഗ്യം ലഭിക്കുകയും മുടി വളര്‍ച്ച ശക്തിപ്പെടുകയും ചെയ്യും.

ചര്‍മ്മത്തിലെ ചുളിവുകള്‍

ചര്‍മ്മത്തിലെ ചുളിവുകള്‍ അകറ്റാനും തിളക്കം നല്കാനും കറിവേപ്പില ഉപയോഗിക്കാം. ഉണങ്ങിപ്പൊടിച്ച കറിവേപ്പില മുള്‍ട്ടാണി മിട്ടിയും ഏതാനും തുള്ളി റോസ് വാട്ടറും ചേര്‍ത്ത് പേസ്റ്റ് രൂപത്തിലാക്കുക. ഇത് മുഖത്തും ശരീരത്തിലും തേയ്ക്കുക. ഉണങ്ങിയ ശേഷം കഴുകിക്കളയുക.

മുഖക്കുരു പാടുകള്‍

മുഖക്കുരു ഉണ്ടാവുന്നത് അസ്വസ്ഥതയുണ്ടാക്കുന്നതാണ്. ഇതിന്റെ അടയാളങ്ങളും അറപ്പുളവാക്കുന്നതാണ്. കറിവേപ്പിലയും ഏതാനും തുള്ളി നാരങ്ങനീരും ചേര്‍ത്ത് പേസ്റ്റ് രൂപത്തിലാക്കി മുഖക്കുരുവുള്ള ഭാഗത്ത് തേയ്ക്കുക. 10-12 മിനുട്ടിന് ശേഷം നന്നായി കഴുകുക.