പാലില്‍ മഞ്ഞളും ചന്ദനവും കലര്‍ത്തി പുരട്ടൂ

മുഖത്തിന് നിറം

മുഖത്തിന് നിറം വയ്ക്കാനുള്ള തികച്ചും സ്വാഭാവികമായ വഴിയാണ് പാലില്‍ മഞ്ഞളും ചന്ദനവും. ഈ മൂന്നു കൂട്ടുകളും ചര്‍മത്തിന് നിറം നല്‍കുന്ന ഒന്നാണ്. നല്ലൊരു ബ്ലീച്ചിംഗ് ഇഫക്ട് ഇതു നല്‍കുമെന്നു വേണം, പറയാന്‍.

കരുവാളിപ്പു മാറാന്‍

മുഖത്തെ കരുവാളിപ്പു മാറാന്‍ പാലും ചന്ദനവും കലര്‍ത്തി പുരട്ടുന്നത് ഏറെ നല്ലതാണ്. ഇതില്‍ വേണമെങ്കില്‍ രക്തചന്ദനവും കലര്‍ത്താം.

പാടുകള്‍ക്കും വടുക്കള്‍ക്കുമുള്ളൊരു സ്വാഭാവിക പരിഹാരമാണ്

മുഖത്തെ പാടുകള്‍ക്കും വടുക്കള്‍ക്കുമുള്ളൊരു സ്വാഭാവിക പരിഹാരമാണ് ചന്ദനവും മഞ്ഞളും പാലില്‍ കലര്‍ത്തി പുരട്ടുന്നത്. ചിക്കന്‍ പോക്‌സ് കാരണമുള്ള പാടുകള്‍ മാറാനും മുഖക്കുരു പാടുകള്‍ മാറാനുമെല്ലാം ഏറെ ഗുണകരമാണിത്. ഇതിനൊപ്പം രക്തചന്ദനം കൂടി കലര്‍ത്തിയാല്‍ ഗുണം വര്‍ദ്ധിയ്ക്കും.

മുഖക്കുരു

മുഖക്കുരുവിനുളള നല്ലൊരു പരിഹാരമാണിത്. മഞ്ഞളില് ആന്റിബാക്ടീരിയല്‍, ആന്റിഫംഗല്‍ ഗുണങ്ങള്‍ ഏറെയുണ്ട്. ചന്ദനവും നല്ലൊരു അണുനാശിനിയാണ്. ഇവ പാലിനൊപ്പം ചേരുമ്പോള്‍ ഗുണമിരട്ടിയ്ക്കും.

വരണ്ട ചര്‍മത്തിനുള്ള സ്വാഭാവിക പരിഹാരമാണ്

വരണ്ട ചര്‍മത്തിനുള്ള സ്വാഭാവിക പരിഹാരമാണ് പാല്‍. ഇത് വരണ്ട ചര്‍മത്തിന് സംരക്ഷണം നല്‍കുന്നു. ഈര്‍പ്പം നല്‍കുന്നു. ഇതിനൊപ്പം മഞ്ഞളും ചന്ദനവും കലരുന്നത് ചുളിവുകള്‍ അകറ്റാന്‍ സഹായിക്കുന്നു.

തിളക്കവും മിനുസവും

ചര്‍മത്തിന് സ്വാഭാവികമായ തിളക്കവും മിനുസവും നല്‍കാനുള്ള ന്‌ല്ലൊരു വഴിയാണ് പാല്‍, ചന്ദനം, മഞ്ഞള്‍ കൂട്ട്. പെട്ടെന്നു തന്നെ ഇത് ലഭിയ്ക്കും. ആഘോഷവേളകളില്‍ പെട്ടെന്നു മുഖത്തിനു തിളക്കം വരുത്തണമെങ്കിലുള്ള സ്വാഭാവിക വഴിയെന്നു പറയാം.

ഡാര്‍ക് സര്‍ക്കിളുകള്‍

ഡാര്‍ക് സര്‍ക്കിളുകള്‍ മാറാനുള്ള നല്ലൊരു വഴിയാണ് പാലും ചന്ദനവും രക്തചന്ദനവും ചേര്‍ത്തു പുരട്ടുന്നത്. ഇത് വളരെ സാഭാവികമായ പ്രകൃതിദത്ത വഴിയാണെന്നു പറയാം.