തഴച്ചു വളരും മുടിയ്ക്കു വെളിച്ചെണ്ണ വിദ്യ

മയിലാഞ്ചിപ്പൊടി

വെളിച്ചെണ്ണ ചൂടാക്കി ഇതില്‍ മയിലാഞ്ചിപ്പൊടി ചേര്‍ത്തിളക്കുക. ഇത് ഊറ്റിയെടുത്ത് മുടിയില്‍ പുരട്ടാം. ആഴ്ചയില്‍ 2 തവണ.

ഒലീവ് ഓയില്‍

ആവശ്യമുള്ള വെളിച്ചെണ്ണയില്‍ 1 ടീസ്പൂണ്‍ ഒലീവ് ഓയില്‍ ചേര്‍ത്തിളക്കുക. ഇത് ശിരോചര്‍മത്തില്‍ പുരട്ടി മസാജ് ചെയ്യാം. ദിവസവും ഇതു ചെയ്താല്‍ ഏറെ ന്ല്ലത്.

സവാളനീരും ചൂടാക്കിയ വെളിച്ചെണ്ണയും

സവാളനീരും ചൂടാക്കിയ വെളിച്ചെണ്ണയും ചേര്‍ത്തിളക്കി ശിരോചര്‍മത്തില്‍ തേച്ചു പിടിപ്പിയ്ക്കുക. ഒരു മണിക്കൂര്‍ കഴിയുമ്പോള്‍ കഴുകാം.

തേങ്ങാപ്പാലെടുത്ത്

വെളിച്ചെണ്ണയ്ക്കു പകരം തേങ്ങാപ്പാലെടുത്ത് ഇതില്‍ അല്‍പം വെള്ളം ചേര്‍ത്ത് ശിരോചര്‍മത്തില്‍ തേച്ചു പിടിപ്പിയ്ക്കുന്നതും നല്ലതാണ്.

ഷാംപൂവിലോ കണ്ടീഷണറിലോ

ഷാംപൂവിലോ കണ്ടീഷണറിലോ അല്‍പം െവളിച്ചെണ്ണ ചേര്‍ത്ത്‌ ഉപയോഗിയ്‌ക്കാം. മുടിയ്‌ക്കു നല്ല തിളക്കം നല്‍കുമെന്നു മാത്രമല്ല, മുടി വല്ലാതെ വരണ്ടു പോകാതീരിയ്‌ക്കാനും ഇവയിലെ കെമിക്കലുകള്‍ മുടിയിലുണ്ടാക്കുന്ന ദോഷം കളയാനുമെല്ലാം സഹായിക്കും.

ആര്യവേപ്പില

ആര്യവേപ്പിലയും വെളിച്ചെണ്ണും ഒരുമിച്ചുപയോഗിയ്‌ക്കുന്നത്‌ താരനുള്ള നല്ലൊരു പ്രതിവിധിയാണ്‌. ഇത്‌ അരച്ച്‌ വെളിച്ചെണ്ണ ചേര്‍ത്തോ ആര്യവേപ്പിലയിട്ട വെളിച്ചെണ്ണ തിളപ്പിച്ചോ ഉപയോഗിയ്‌ക്കാം.

വെളിച്ചെണ്ണയില്‍ അല്‍പം കര്‍പ്പൂരം

വെളിച്ചെണ്ണയില്‍ അല്‍പം കര്‍പ്പൂരം ചേര്‍ത്തു ചൂടാക്കി തലയില്‍ പുരട്ടുന്നത്‌ ഏറെ നല്ലതാണ്‌. ഇത്‌ താരന്‍ മാറാന്‍ ഏറെ ഗുണകരം.

വെളിച്ചെണ്ണ, ഒലീവ്‌ ഓയില്‍, തൈര്‌, തേന്‍

വെളിച്ചെണ്ണ, ഒലീവ്‌ ഓയില്‍, തൈര്‌, തേന്‍ എന്നിവ ചേര്‍ത്തു ഹെയര്‍ പായ്‌ക്കുണ്ടാക്കാം. ഇത്‌ മുടിയില്‍ പുരട്ടി അല്‍പം കഴിയുമ്പോള്‍ കഴുകിക്കളയാം. മുടി വളരാന്‍ ഏറെ നല്ലതാണ്‌.

മുട്ട, വെളിച്ചെണ്ണ

മുട്ട, വെളിച്ചെണ്ണ എന്നിവ കലര്‍ന്ന പായ്‌ക്ക്‌ മുടിയ്‌ക്ക ആവശ്യമായ പ്രോട്ടീന്‍ നല്‍കും. മുടിവളര്‍ച്ചയ്‌ക്കു സഹായിക്കും.

വെളിച്ചെണ്ണ, ഒലീവ്‌ ഓയില്‍, ബദാം ഓയില്‍

വെളിച്ചെണ്ണ, ഒലീവ്‌ ഓയില്‍, ബദാം ഓയില്‍ എന്നിവ ചേര്‍ത്തു ചൂടാക്കുക. പിന്നീട്‌ ശിരോചര്‍മത്തില്‍ തേച്ചു പിടിപ്പിച്ച്‌ പിറ്റേന്നു കഴുകിക്കളയാം.

തേനും വെളിച്ചെണ്ണയും

തേനും വെളിച്ചെണ്ണയും കലര്‍ത്തി മുടിവേരുകളില്‍ പുരട്ടുന്നത്‌ മുടികൊഴിച്ചില്‍ കുറയ്‌ക്കും. ഇത്‌ ശിരോചര്‍മത്തില്‍ പുരട്ടി പതുക്കെ ചീപ്പു കൊണ്ടു ചീകാം. മുടിത്തുമ്പിന്റെ അറ്റം വരെ തേച്ചു പിടിപ്പിയ്‌ക്കാം. മുടിത്തുമ്പു പിളരാതിരിയ്‌ക്കാനും ഇത്‌ ഏറെ ഗുണകരം.

ഉരുക്ക് വെളിച്ചെണ്ണ

ഉരുക്ക് വെളിച്ചെണ്ണയാണ് മറ്റൊരു പരിഹാരമാര്‍ഗ്ഗം. ഉരുക്ക് വെളിച്ചെണ്ണ ആഴ്ചയില്‍ മൂന്ന് ദിവസം തലയോട്ടിയില്‍ തേച്ച് പിടിപ്പിച്ചാല്‍ മുടി കൊഴിച്ചില്‍ മാറുകയും തലമുടി തഴച്ച് വളരുകയും ചെയ്യുന്നു.

കറിവേപ്പില

കറിവേപ്പിലയില്‍ ധാരാളം ആന്റിഓക്‌സിഡന്റുകള്‍ അടങ്ങിയിട്ടുണ്ട്. ഇത് ബീറ്റാ കരോട്ടിന്‍, അമിനോ ആസിഡുകള്‍ എന്നിവയാല്‍ സമ്പുഷ്ടവുമാണ്. ഇതുകൊണ്ടുതന്നെ മുടി കൊഴിച്ചില്‍ തടയും, മുടിനര മാറ്റാനും മുടി വളരാനുമെല്ലാം ഇത് ഏറെ നല്ലതാണ്. ഒരു ചീനച്ചട്ടിയില്‍ മൂന്നൂനാലു ടേബിള്‍ സ്പൂണ്‍ വെളിച്ചെണ്ണയൊഴിയ്ക്കുക. ഇതില്‍ ഒരു പിടി കറിവേപ്പില ചേര്‍ക്കുക. ഈ ഇലകള്‍ കറുപ്പായാല്‍ വെളിച്ചെണ്ണ വാങ്ങി വയ്ക്കാം. ഇത് തലയില്‍ പുരട്ടി 5 മിനിറ്റു നേരം മസാജ് ചെയ്യുക. ഇത് ഒരു മണിക്കൂര്‍ കഴിഞ്ഞ് വീര്യം കുറഞ്ഞ ഷാംപൂ കൊണ്ടു കഴുകിക്കളയാം. എല്ലാ ആഴ്ചയിലും ഒരു ദിവസമെങ്കിലും ഇതാവര്‍ത്തിയ്ക്കാം.

വെളിച്ചെണ്ണയ്‌ക്കൊപ്പം വെളുത്തുള്ളി

വെളിച്ചെണ്ണയ്‌ക്കൊപ്പം വെളുത്തുള്ളി ഉപയോഗിച്ചു മുടികൊഴിച്ചില്‍ തടയാം. 10-12 അല്ലി വെളുത്തുള്ളി ചതച്ച് അല്‍പനേരം വയ്ക്കുക. ഇതില്‍ നിന്നും നീരെടുത്ത് ഒന്നു രണ്ടു ടേബിള്‍സ്പൂണ്‍ വെളിച്ചെണ്ണയുമായി കലര്‍ത്തുക. ഇത് ചെറുതായി ചൂടാക്കുക. ഇത് തണുക്കുമ്പോള്‍ മുടിയില്‍ തേച്ചു പിടിപ്പിയ്ക്കാം. വീര്യം കുറഞ്ഞ ഷാംപൂ കൊണ്ടു കഴുകിക്കളയാം. എല്ലാ ആഴ്ചയിലും ഒരു ദിവസമെങ്കിലും ഇതാവര്‍ത്തിയ്ക്കാം. വെളുത്തുള്ളിയിലെ സിങ്ക്, കാല്‍സ്യം, വൈറ്റമിന്‍ സി, സള്‍ഫര്‍ എന്നിവയാണ് ഗുണം നല്‍കുന്നത്.

Read more at: https://malayalam.boldsky.com/beauty/hair-care/2017/how-use-coconut-oil-prevent-hair-loss/articlecontent-pf98855-017128.html

കറ്റാര്‍ വാഴയും വെളിച്ചെണ്ണയും

കറ്റാര്‍ വാഴയും വെളിച്ചെണ്ണയും കലര്‍ന്ന മിശ്രിതവും ഉപയോഗിയ്ക്കാം. കറ്റാര്‍വാഴയില്‍ പ്രോട്ടിയോലൈറ്റിക് എന്‍സൈമുകള്‍ അടങ്ങിയിട്ടുണ്ട്. ഇത് നല്ലൊരു കണ്ടീഷണര്‍ മാത്രമല്ല, മുടി കൊഴിച്ചില്‍ തടയാന്‍ സഹായിക്കുന്ന ഒന്നു കൂടിയാണ്. തുല്യ അളവില്‍ കറ്റാര്‍വാഴ ജെല്‍, വെളിച്ചെണ്ണ എന്നിവ കലര്‍ത്തുക. ഇത് മുടിയില്‍് തേച്ചു പിടിപ്പിയ്ക്കാം. വേണമെങ്കില്‍ ഇത് ചെറുതായി ചൂടാക്കുകയും ചെയ്യാം. മുടിയില്‍ ഇതു തേച്ചു പിടിപ്പിച്ച് ഒരു മണിക്കൂര്‍ കഴിയുമ്പോള്‍ വീര്യം കുറഞ്ഞ ഷാംപൂ ഉപയോഗിച്ചു കഴുകാം.