മൂന്ന് കൂട്ടുകള്‍, കൊഴിഞ്ഞ മുടി കിളിര്‍ത്ത് വരും

ആവശ്യമുള്ള സാധനങ്ങള്‍

ആവണക്കെണ്ണ രണ്ട് ടേബിള്‍ സ്പൂണ്‍, ഒരു മുട്ട, ഒരു ടേബിള്‍ സ്പൂണ്‍ തേന്‍ എന്നിവയാണ് ആവശ്യമുള്ള സാധനങ്ങള്‍. ഇവ മൂന്നും വേണ്ട രീതിയില്‍ തയ്യാറാക്കി ഉപയോഗിച്ചാല്‍ അത് മുടി വളരാന്‍ സഹായിക്കുന്നു.

തയ്യാറാക്കേണ്ട വിധം

ഒരു ബൗളില്‍ മുകളില്‍ പറഞ്ഞ മിശ്രിതങ്ങള്‍ എല്ലാം എടുത്ത് ഇത് നല്ലതു പോലെ യോജിപ്പിച്ച് തലയില്‍ തേച്ച് പിടിപ്പിക്കാം. ഇത് തലയില്‍ തേച്ച ്പിടിപ്പിച്ച് 2-4 മണിക്കൂര്‍ വരെ തല ഒരു കവര്‍ കൊണ്ട് മൂടി വെക്കാം. നാലു മണിക്കൂറിന് ശേഷം ഇത് കഴുകിക്കളയാവുന്നതാണ്. ആഴ്ചയില്‍ രണ്ട് തവണ ഇത് ചെയ്യാം. വെറും ഒരു മാസം കൊണ്ട് തന്നെ ഇത് പ്രകടമായ മാറ്റങ്ങള്‍ നിങ്ങളുടെ മുടിയില്‍ ഉണ്ടാക്കും.

ആവണക്കെണ്ണ

ആവണക്കെണ്ണയാണ് ഇതിലെ പ്രധാന ഘടകം. ഇതിലുള്ള അമിനോ ആസിഡ് തലയോട്ടിയിലെ ഫോളിക്കിളുകള്‍ക്ക് ആരോഗ്യം നല്‍കുകയും പി എച്ച് ലെവല്‍ കൃത്യമാക്കുകയും ചെയ്യുന്നു. ഇത് താരനെ പ്രതിരോധിക്കുകയും മുടിക്ക് കരുത്തും നിറവും നല്‍കുകയും ചെയ്യുന്നു.

മുട്ടയുടെ മഞ്ഞ

മുട്ടയുടെ മഞ്ഞയില്‍ ധാരാളം വിറ്റാമിന്‍, പ്രോട്ടീന്‍, ഫാറ്റി ആസിഡ് തുടങ്ങിയവ ഉണ്ട്. ഇത് മുടിക്ക് തിളക്കവും മുടി എപ്പോഴും ഈര്‍പ്പമുള്ളതാക്കി മാറ്റാനും സഹായിക്കുന്നു.

തേന്‍

സൗന്ദര്യസംരക്ഷണത്തില്‍ തേനിനുള്ള ഗുണം പറയാതിരിക്കാന്‍ കഴിയില്ല. കേശസംരക്ഷണത്തിലും ഒഴിച്ച് നിര്‍ത്താനാവാത്ത ഒന്നാണ് തേന്‍. തേന്‍ മുടിയുടെ വേരുകളെ ബലമുള്ളതാക്കി മാറ്റുകയും മുടി കൊഴിച്ചിലിനെതിരെ പ്രതിരോധിക്കുകയും ചെയ്യുന്നു.

താരനെ പ്രതിരോധിക്കുന്നു

താരനാണ് പല മുടി കൊഴിച്ചിലിന്റേയും മൂല കാരണം. ഈ മിശ്രിതം തലയില്‍ തേച്ച് പിടിപ്പിച്ച് മുകളില്‍ പറഞ്ഞതു പോലെ ചെയ്താല്‍ അത് താരനെ പ്രതിരോധിക്കുന്നു. പിന്നെ മുടി കൊഴിച്ചില്‍ എന്ന പ്രശ്‌നത്തെ പറ്റി നിങ്ങള്‍ ആലോചിക്കേണ്ട ആവശ്യമില്ല.

മുടിയുടെ അറ്റം പിളരുന്നത്

മുടിയുടെ അറ്റം പിളരുന്നത് മറ്റൊരു പ്രധാന പ്രശ്‌നമാണ്. ഇത് മുടി വളര്‍ച്ചയെ ഇല്ലാതാക്കുന്നു. മുകളില്‍ പറഞ്ഞ മിശ്രിതം ഉപയോഗിച്ചാല്‍ ഈ പ്രശ്‌നങ്ങളെയെല്ലാം ഫലപ്രദമായി നേരിടാം.