മുടിയെ മുരടിപ്പിക്കും ശീലങ്ങള്‍...

മുടിയും ചീപ്പും

മുടി എപ്പോഴും ചീകുന്നത് മുടിയുടെ ആരോഗ്യം വര്‍ദ്ധിപ്പിക്കും എന്നൊരു ധാരണയുണ്ട്. എന്നാല്‍ ഈ വിശ്വാസം മുടിയുടെ ആരോഗ്യത്തെ ഇല്ലാതാക്കുകയാണ് ചെയ്യുന്നത്. ഇത് തലയോട്ടിയുടെ ആരോഗ്യത്തെത്തന്നെ കാര്യമായി ബാധിയ്ക്കും. മുടി ചീകാനുപയോഗിക്കുന്ന ചീപ്പിന്റെ കാര്യത്തിലും ശ്രദ്ധ അത്യാവശ്യമാണ്.

ഷാമ്പൂവിന്റെ ഉപയോഗം

മുടിയിലെ എണ്ണ കുറയാന്‍ എപ്പോഴും ഷാമ്പൂ ഉപയോഗിക്കുന്നതും മുടിയെ അനാരോഗ്യത്തിലേക്കെത്തിക്കും. ഷാമ്പൂവിന്റെ നിരന്തര ഉപയോഗം മുടിയെ നശിപ്പിക്കുമെന്ന് മാത്രമല്ല എണ്ണമയത്തെ പൂര്‍ണമായും തുരത്താനും ആവില്ല.

മുടിയുടെ അറ്റം പിളരുന്നത്

മുടിയുടെ അറ്റം പിളരുന്നത് ഇല്ലാതാക്കാനും വേണ്ടി നമ്മള്‍ ഉപയോഗിക്കുന്ന പല ഉത്പ്പന്നങ്ങളും മുടിയുടെ അറ്റം മാത്രമല്ല മുടി മുഴുവനായും പിഴുതു പോരാനാണ് കാരണമാകുന്നത്.

ഇടയ്ക്കിടയ്ക്ക് മുടി വെട്ടുന്നത്

ഇടയ്ക്കിടയ്ക്ക് മുടി വെട്ടുന്നത് മുടി വളര്‍ച്ചയെ സഹായിക്കുമെന്നൊരു ധാരണ നിലനില്‍ക്കുന്നുണ്ട്. എന്നാല്‍ എപ്പോഴും മുടി വെട്ടുന്നത് മുടിയുടെ വളര്‍ച്ച മുരടിയ്ക്കാനാണ് കാരണമാകുന്നത്.

എണ്ണമയമുള്ള ഭക്ഷണം

എണ്ണമയമുള്ള പ്രോട്ടീന്‍ കൂടുതല്‍ അടങ്ങിയ ഭക്ഷണം കഴിയ്ക്കുന്നത് മുടിയുടെ ആരോഗ്യത്തെ സംരക്ഷിക്കും. എന്നാല്‍ കാര്യം ശരിയാണെങ്കിലും മുടിയുടെ ആരോഗ്യത്തേക്കാള്‍ ശരീരത്തിന്റെ ആരോഗ്യമാണ് പ്രധാനം എന്നുള്ളതു കൊണ്ട് ഇത്തരം ശീലം തുടരാതിരിയ്ക്കുന്നതാണ് നല്ലത്.

പെട്ടെന്ന് മുടിവളര്‍ത്തും ഉത്പ്പന്നങ്ങള്‍

പെട്ടെന്ന് മുടിയുടെ വളര്‍ച്ച കൂടുതലാക്കും ഉത്പ്പന്നങ്ങള്‍ എന്ന പേരില്‍ നമ്മള്‍ മാര്‍ക്കറ്റില്‍ നിന്നും വാങ്ങിയ്ക്കുന്ന പലതും പലപ്പോഴും നെഗറ്റീവ് ഫലമാണ് ഉണ്ടാക്കുന്നത്.

പ്രോട്ടീന്‍ ഷാമ്പൂ

പ്രോട്ടീന്‍ ഷാമ്പൂ, കണ്ടീഷണര്‍ എന്ന പേരില്‍ പലപ്പോഴും നമ്മള്‍ വാങ്ങിയ്ക്കുന്ന പല ഉത്പ്പന്നങ്ങളും നമുക്ക് തരുന്നത് എട്ടിന്റെ പണിയാണ്. തലയോട്ടിയില്‍ പല തരത്തിലുള്ള അലര്‍ജിയും ഇതുണ്ടാക്കുന്നു.