പ്രസവ ശേഷം മുടി കൊഴിച്ചില്‍ അകറ്റി പനങ്കുല പോലെ മുടി വരും

പ്രസവശേഷം മുടികൊഴിച്ചില്‍ എപ്പോള്‍?

പ്രസവശേഷം മുടികൊഴിച്ചില്‍ സാധാരണയായി മൂന്നോ നാലോ മാസമോ അല്ലെങ്കില്‍ ചിലരില്‍ ഒരു വര്‍ഷം വരേയോ നീണ്ട് നില്‍ക്കുന്നുണ്ട്. ഈ കാലയളവില്‍ 60% മുടിയും ടെലോജെന്‍ ഘട്ടത്തിലേക്ക് മാറുന്നു. ചില സ്ത്രീകള്‍ക്ക് 12 മാസത്തിന് മുമ്പ് വീണ്ടും വളരുകയും മുടി കൊഴിച്ചില്‍ കുറയുകയും ചെയ്യും. എന്താണ് ഇതിന്റെ കാരണങ്ങള്‍ എന്ന് നമുക്ക് നോക്കാം.

പ്രസവശേഷം മുടികൊഴിച്ചിലിന് കാരണം?

മുടി വളര്‍ച്ചാ ചക്രം മൂന്ന് ഘട്ടങ്ങളായാണ് സംഭവിക്കുന്നത്. വളര്‍ച്ച അല്ലെങ്കില്‍ അനജന്‍ ഘട്ടം (2-6 വര്‍ഷം), ട്രാന്‍സിഷണല്‍ അല്ലെങ്കില്‍ കാറ്റജന്‍ ഘട്ടം (2-3 ആഴ്ച), കൊഴിയല്‍ അല്ലെങ്കില്‍ ടെലോജെന്‍ ഘട്ടം (3 മാസം). ഗര്‍ഭാവസ്ഥയില്‍, പ്രോജസ്റ്ററോണിന്റെയും ഈസ്ട്രജന്റെയും അളവ് യഥാക്രമം ഒമ്പതും എട്ട് മടങ്ങും വര്‍ദ്ധിക്കുന്നുണ്ട്. ഹോര്‍മോണുകളുടെ അളവ് വര്‍ദ്ധിക്കുന്നത് മുടിയിലും മാറ്റങ്ങള്‍ വരുത്തുന്നുണ്ട്. എന്നിരുന്നാലും, പ്രസവശേഷം പ്ലാസന്റ നീക്കം ചെയ്യുന്നതോടെ ഹോര്‍മോണുകളുടെ അളവ് സാധാരണ നിലയിലേക്ക് മടങ്ങുന്നു. ഈ പെട്ടെന്നുള്ള കുറവ് വളര്‍ച്ചാ ഘട്ടത്തിലെ എല്ലാ അധിക മുടികള്‍ പ്രതീക്ഷിക്കാത്ത തരത്തില്‍ കൊഴിയുന്നതിന് കാരണമാകുന്നു. ഒരു വലിയ അളവിലുള്ള മുടി കൊഴിയുന്നത് പലപ്പോഴും ഉത്കണ്ഠയ്ക്ക് കാരണമായേക്കാം. എന്നാല്‍ പക്ഷേ ഇത് താല്‍ക്കാലികമാണ്. എന്നാല്‍ ഇത് ഒരു വര്‍ഷത്തിന് ശേഷം സാധാരണ അവസ്ഥയിലേക്ക് എത്തുന്നുണ്ട്.

പ്രസവശേഷം മുടികൊഴിച്ചില്‍ എങ്ങനെ മാറുന്നു?

പ്രസവാനന്തര അലോപ്പീസിയ, സ്വാഭാവികവും സാധാരണവുമായ ഒരു സംഭവമായതിനാല്‍, സാധാരണയായി ചികിത്സ ആവശ്യമില്ല. മുടികൊഴിച്ചില്‍ വളരെക്കാലം നീണ്ടുനില്‍ക്കുകയോ അസാധാരണമായ തോതില്‍ തുടരുകയോ ചെയ്യുകയാണെങ്കില്‍ അത് അല്‍പം ശ്രദ്ധിക്കേണ്ടതാണ്. അസാധാരണമായ തൈറോയ്ഡ് ഹോര്‍മോണുകളുടെ അളവ് അല്ലെങ്കില്‍ അനീമിയ പോലുള്ള ആരോഗ്യ പ്രശ്‌നങ്ങള്‍ പരിഹരിക്കാന്‍ ശ്രദ്ധിക്കേണ്ടതാണ്. മുടി കൊഴിച്ചിലിന് പരിഹാരം കാണാന്‍ പക്ഷേ നമുക്ക് ചില പരിഹാര മാര്‍ഗ്ഗങ്ങള്‍ ഉണ്ട്. അവ എന്തൊക്കെയെന്ന് നോക്കാം.

ഷാമ്പൂ മാറ്റി ഉപയോഗിക്കുക

വോളിയം ചെയ്യുന്ന ഷാംപൂവും അനുയോജ്യമായ കണ്ടീഷണറും ഉപയോഗിക്കുക. തീവ്രമായ കണ്ടീഷനിംഗ് ഗുണങ്ങളുള്ള ഷാംപൂകള്‍ ഉപയോഗിക്കരുത്, ഇത് മുടി കനംകുറഞ്ഞതും മുഷിഞ്ഞതുമായി തോന്നാം. ഇത് പലപ്പോഴും മുടിയുടെ ആരോഗ്യത്തെ നശിപ്പിക്കുകയാണ് ചെയ്യുന്നത്. ഇത് കൂടാതെ മുടി കൈകാര്യം ചെയ്യുന്നത് വളരെയധികം ശ്രദ്ധിക്കേണ്ട കാര്യമാണ്. മുടി കഴുകുമ്പോഴും ചീകുമ്പോഴും എല്ലാം വളരെയധികം ശ്രദ്ധിക്കണം.

സ്റ്റൈലിംഗ്

പിഗ്ടെയിലുകളിലോ ഇറുകിയ ബ്രെയ്ഡുകളിലോ പോണിടെയിലുകളിലോ നിങ്ങളുടെ മുടി സ്റ്റൈല്‍ ചെയ്യരുത്. അത് നിങ്ങളുടെ മുടി വലിക്കുന്നതിനാല്‍ മുടി പെട്ടെന്ന് പൊട്ടിപ്പോകും. പൂര്‍ണ്ണമായ മുടിയുടെ രൂപം നല്‍കാനും തലയോട്ടിയിലെ ഭാരം കുറയ്ക്കാനും ഈ കാലയളവില്‍ നിങ്ങള്‍ക്ക് ഒരു ചെറിയ ഹെയര്‍സ്‌റ്റൈല്‍ പരിഗണിക്കാവുന്നതാണ്. എന്നാല്‍ ഇത്തരം അവസ്ഥകള്‍ക്ക് വളരെയധികം പ്രാധാന്യം നല്‍കേണ്ടതുണ്ട്. ഇത് കൂടാതെ മുടി വളര്‍ച്ചയെ സഹായിക്കുന്ന ചില വീട്ടുവൈദ്യങ്ങള്‍ എന്തൊക്കെയാണ് എന്നും നമുക്ക് നോക്കാവുന്നതാണ്.

മതിയായ പോഷകാഹാരം

ഹോര്‍മോണുകള്‍ക്ക് പുറമേ, വിറ്റാമിന്‍ ഡി, നിയാസിന്‍, സിങ്ക്, അവശ്യ ഫാറ്റി ആസിഡുകള്‍, ഓറിറോണ്‍ എന്നിവയുടെ കുറവുകള്‍ മുടി കൊഴിച്ചിലിന് കാരണമാകും. ഇതോടൊപ്പം തന്നെ ഇലക്കറികള്‍, സോയ, മുളകള്‍, തൈര്, കടല, ഓറഞ്ച് തുടങ്ങിയ പോഷക സമ്പുഷ്ടമായ ഭക്ഷണങ്ങള്‍ അടങ്ങിയ ആരോഗ്യകരമായ ഭക്ഷണം കഴിക്കുക. വിവിധ മള്‍ട്ടിവിറ്റമിന്‍ സപ്ലിമെന്റുകള്‍ ലഭ്യമാണ്, ഒരു ഡോക്ടറുമായി കൂടിയാലോചിച്ച ശേഷം മാത്രം അവ കഴിക്കാന്‍ ശ്രദ്ധിക്കുക.

മുട്ട വെള്ള മാസ്‌ക്

മുടി കൊഴിച്ചിലിനുള്ള ഈ പ്രതിവിധി ആഴ്ചയില്‍ രണ്ട് തവണയെങ്കിലും ചെയ്യേണ്ടതാണ്. ഒരു ടേബിള്‍ സ്പൂണ്‍ തേനും ഒലിവ് ഓയിലും ഒരു മുട്ടയുടെ വെള്ളയില്‍ കലര്‍ത്തി ഈ മാസ്‌ക് തയ്യാറാക്കാം. ഇത് 30 മിനിറ്റ് മുടിയില്‍ തേച്ച് പിടിപ്പിച്ച ശേഷം നന്നായി കഴുകി വൃത്തിയാക്കുക. വിറ്റാമിനുകളും മുട്ട ആല്‍ബുമനും കേടായ മുടി നന്നാക്കാന്‍ സഹായിക്കുന്നു, അതേസമയം തേനും ഒലിവ് ഓയിലും തിളങ്ങുന്നതും കണ്ടീഷന്‍ ചെയ്തതുമായ മുടിക്ക് കാരണമാകുന്നു.

ആവണക്കെണ്ണ

ആവണക്കെണ്ണയില്‍ പ്രധാനമായും റിസിനോലെയിക് ആസിഡ് അടങ്ങിയിട്ടുണ്ട്, ഇത് തലയോട്ടിയിലേക്കുള്ള രക്ത വിതരണത്തിന് സഹായിക്കുന്നുണ്ട്. അങ്ങനെ മുടി വളര്‍ച്ച വര്‍ദ്ധിപ്പിക്കുകയും മുടി കൊഴിച്ചില്‍ തടയുകയും ചെയ്യുന്നു. ആവണക്കെണ്ണ, ആന്റി ബാക്ടീരിയല്‍ ഗുണങ്ങള്‍ക്ക് പേരുകേട്ട വെളിച്ചെണ്ണയ്ക്കൊപ്പം മിക്‌സ് ചെയ്ത് ഏകദേശം മൂന്ന് മണിക്കൂര്‍ മുടിയില്‍ തേച്ച് പിടിപ്പിച്ച് ഹെയര്‍ മാസ്‌കായി ഉപയോഗിക്കാംവുന്നതാണ്. അതിനുശേഷം, വെള്ളം ഉപയോഗിച്ച് നന്നായി കഴുകി വൃത്തിയാക്കണം.

തൈര്

ആരോഗ്യകരമായ മുടി വളര്‍ച്ചയെ പ്രോത്സാഹിപ്പിക്കുന്നതിനൊപ്പം മുടി കൊഴിച്ചില്‍ തടയുന്നതിനുള്ള ഏറ്റവും മികച്ചതാണ് തൈര്. തൈരില്‍ വിറ്റാമിന്‍ ബി 3, കാല്‍സ്യം, ലാക്റ്റിക് ആസിഡ്, ഫാറ്റി ആസിഡ് എന്നിവയും മറ്റ് പോഷകങ്ങളും അടങ്ങിയിട്ടുണ്ട്. രണ്ടോ മൂന്നോ ടേബിള്‍സ്പൂണ്‍ തൈരും ഒരു ടേബിള്‍ സ്പൂണ്‍ നാരങ്ങാനീരും കലര്‍ത്തി മുടിയില്‍ 30 മിനിറ്റ് നേരം പുരട്ടി കഴുകി കളയേണ്ടതാണ്. ഇതെല്ലാം മുടി കൊഴിച്ചിലിനെ ഇല്ലാതാക്കുന്നതിന് സഹായിക്കുന്നുണ്ട്.

ഉലുവ

ഉലുവ വിത്തുകള്‍ രാത്രി മുഴുവന്‍ വെള്ളത്തില്‍ കുതിര്‍ത്ത് പേസ്റ്റ് രൂപത്തിലാക്കി തലയില്‍ പുരട്ടുക. 30 മിനിറ്റിനു ശേഷം കുതിര്‍ക്കാന്‍ ഉപയോഗിക്കുന്ന വെള്ളം ഉപയോഗിച്ച് ഇത് കഴുകിക്കളയുക. ഇത് മുടി കൊഴിച്ചിലിനെ ഇല്ലാതാക്കുന്നതിന് സഹായിക്കുന്നുണ്ട്. ആഴ്ചയില്‍ രണ്ട് ദിവസവും ഇത് ചെയ്യാവുന്നതാണ്. ഇതോടൊപ്പം തന്നെ മുടി കഴുകുന്നതിന് മുമ്പ് നിങ്ങളുടെ തലയില്‍ മസാജ് ചെയ്യുന്നതിന് ശ്രദ്ധിക്കേണ്ടതാണ്. തേങ്ങ അല്ലെങ്കില്‍ ബദാം പോലുള്ള കാരിയര്‍ ഓയിലുകളില്‍ അഞ്ച് മുതല്‍ പത്ത് മിനിറ്റ് വരെ നിങ്ങളുടെ തലയോട്ടിയില്‍ മസാജ് ചെയ്ത് നന്നായി കഴുകുക.