വെളുക്കാന്‍ വെളിച്ചെണ്ണയില്‍ തുള്ളി നാരങ്ങാനീര്

വെളിച്ചെണ്ണയും മഞ്ഞളും

വെളിച്ചെണ്ണയും മഞ്ഞളും ചര്‍മത്തിന് നിറം വര്‍ദ്ധിപ്പിയ്ക്കുന്ന നല്ലൊരു വഴിയാണ്. വെളിച്ചെണ്ണയില്‍ നല്ല ശുദ്ധമായ മഞ്ഞള്‍പ്പൊടി ചേര്‍ത്തിളക്കി മുഖത്തു പുരട്ടാം. നിറം വര്‍ദ്ധിയ്ക്കും, രോമം നീക്കാനും മുഖക്കുരു മാറാനുമെല്ലാം ഇത് ഏറെ നല്ലതാണ്. നല്ലൊരു ബ്ലീച്ചിംഗ് ഇഫക്ടു നല്‍കുന്ന ഒന്നാണിത്.

വെളിച്ചെണ്ണയില്‍ അല്‍പം ചെറുനാരങ്ങാനീരു

വെളിച്ചെണ്ണയില്‍ അല്‍പം ചെറുനാരങ്ങാനീരു പിഴിഞ്ഞു ചേര്‍ക്കുക. ഇത് മുഖത്തു പുരട്ടി മസാജ് ചെയ്ത് അല്‍പം കഴിയുമ്പോള്‍ കഴുകിക്കളയാം. ചെറുനാരങ്ങയിലെ സിട്രിക് ആസിഡ് വെളിച്ചെണ്ണയ്‌ക്കൊപ്പം ചേരുമ്പോള്‍ ഗുണങ്ങള്‍ ഇരട്ടിയ്ക്കും. മുഖം വെളുക്കാന്‍ സഹായിക്കും.

വെളിച്ചെണ്ണ, തേന്‍, ചെറുനാരങ്ങാനീര്

വെളിച്ചെണ്ണ, തേന്‍, ചെറുനാരങ്ങാനീര് എന്നിവ കലര്‍ന്ന മിശ്രിതം മുഖത്തു പുരട്ടി അല്‍പം കഴിയുമ്പോള്‍ കഴുകിക്കളയാം. തേനും നാരങ്ങാനീരുമെല്ലാം നിറം നല്‍കാന്‍ സഹായിക്കുന്ന ചേരുവകളാണ്. ഇത് മുഖത്തിന് മൃദുത്വം നല്‍കാനും മിനുസം നല്‍കാനുമെല്ലാം ഏറെ നല്ലതാണ്. മുഖത്തെ മുഖക്കുരു പ്രശ്‌നങ്ങള്‍ മാറ്റാനും ഉത്തമമായ ഒന്നാണിത്.

കറ്റാര്‍വാഴ ജെല്‍, വെളിച്ചെണ്ണ

കറ്റാര്‍വാഴ ജെല്‍, വെളിച്ചെണ്ണ എന്നിവ കലര്‍ത്തി മുഖത്തു പുരട്ടി അരമണിക്കൂര്‍ കഴിയുമ്പോള്‍ കഴുകിക്കളയാം.കറ്റാര്‍ വാഴയിലെ വൈറ്റമിന്‍ ഇയും മറ്റു ഘടകങ്ങളുമെല്ലാം സൗന്ദര്യ സംരക്ഷണത്തിനു സഹായിക്കുന്നു. മുഖത്തെ ചുളിവുകള്‍ നീക്കാനും വരണ്ട ചര്‍മത്തിന് പ്രതിവിധിയായുമെല്ലാം ഈ മിശ്രിതം ഉപയോഗിയ്ക്കാം.

മുഖത്തിന് മിനുസവും നിറവും ഒരുപോലെ ലഭിയ്ക്കും.

ജാതിയ്ക്ക

ശുദ്ധമായ വെളിച്ചെണ്ണയെടുത്ത് മുഖത്തു നല്ലപോലെ മസാജ് ചെയ്തു പിടിപ്പിച്ച് അല്‍പം കഴിയുമ്പോള്‍ കഴുകിക്കളയാം. ജാതിയ്ക്ക പൊടിച്ചതും വെളിച്ചെണ്ണയും ചേര്‍ത്തു പുരട്ടുന്നത് നിറം ലഭിയ്ക്കാനും മുഖക്കുരു പാടുകള്‍ പോകാനും നല്ലതാണ്.

തേനില്‍

ഇതല്ലാതെ പല ചര്‍മ പ്രശ്‌നങ്ങള്‍ക്കും വെളിച്ചെണ്ണ ഉപയോഗിയ്ക്കാം. വരണ്ട ചര്‍മ്മം മാറാനും , മുഖത്തെ ചുളിവുകളും മുരുമുരുപ്പ് മാറാനും ഒരു ടേബിള്‍ സ്പൂണ്‍ തേനില്‍ 10 തുളളി വെളിച്ചണ്ണ ചേര്‍ത്ത് യോജിപ്പിക്കുക. ഇത് മുഖത്തും കഴുത്തിലും പുരട്ടുക. 15 മിനിറ്റി കഴിഞ്ഞ് കഴുകി കളയുക

മുട്ട

മുട്ടയുടെ മഞ്ഞയും വെളളയും വേര്‍തിരിച്ച് ഒരു പാത്രത്തിലേക്ക് മാറ്റുക ഇതില്‍ ഒരു ടി സ്്പൂണ്‍ നാരങ്ങ നിര് 5 തുളളി വെളിച്ചണ്ണ എന്നിവ ചേര്‍ത്ത് നന്നായി അടിച്ചതിന് ശേഷം മുഖത്ത് പുരട്ടുക ഇത് ചര്‍മ്മത്തിന് പ്രോട്ടീന്‍ ലഭിക്കാന്‍ സഹായിക്കും.

ബേക്കിങ് സോഡ

ഒരു ടീസ്പൂണ്‍ ബേക്കിങ് സോഡയില്‍ അര ടേബിള്‍ സ്പൂണ്‍ വെളിച്ചണ്ണ നന്നായി യോജിപ്പിച്ച് മുഖത്ത പുരട്ടി നന്നായി മസാജ് ചെയ്യുക. ഉണങ്ങിയതിനു ശേഷം കോട്ടന്‍ ടവ്വല്‍ തണുത്ത വെളളത്തില്‍ മുക്കി തുടക്കുക..

കടലമാവും

കടലമാവും ഓറഞ്ച് തൊലി ഉണക്കിപ്പൊടിച്ചതും വെളിച്ചെണ്ണയും കലര്‍ത്തി ചര്‍മത്തില്‍ പുരട്ടുക. ഇത് ഉണങ്ങുമ്പോള്‍ കഴുകിക്കളയാം. ഇതും ചര്‍മത്തിന് നിറവും തിളക്കവും നല്‍കും.

പാലുമായി ചേര്‍ത്ത്

വെളിച്ചെണ്ണ തിളപ്പിയ്ക്കാത്ത പാലുമായി ചേര്‍ത്ത് മുഖത്തു പുരട്ടുക. ഇത് മുഖത്തു പുരട്ടി മസാജ് ചെയ്ത് അല്‍പസമയം കഴിയുമ്പോള്‍ കഴുകാം. ഇത് മുഖത്തിന് നിറം നല്‍കും. മുഖത്തെ ചുളിവുകള്‍ അകറ്റാനും ഇത് ഏറെ നല്ലതാണ്.

വെളിച്ചെണ്ണ

വെളിച്ചെണ്ണ ഉപയോഗിയ്ക്കുമ്പോള്‍ നല്ല ശുദ്ധമായ വെളിച്ചെണ്ണ വേണം, ഉപയോഗിയ്ക്കാന്‍. ഇത് ദിവസവും മുഖത്തു മസാജ് ചെയ്യുന്നത് ഒരുപിടി ചര്‍മപ്രശ്‌നങ്ങള്‍ക്കുള്ള നല്ലൊരു മരുന്നുമാണ്. നിറം വര്‍ദ്ധിയ്ക്കാനും ചുളിവുകള്‍ നീക്കാനും ചര്‍മം അയഞ്ഞു തൂങ്ങാതിരിയ്ക്കാനുമെല്ലാം ഇത് ഏറെ നല്ലതാണ്. ഇതുപോലെ വെളിച്ചെണ്ണ പുരട്ടി വെയിലത്തു പോകരുത്. ഇത് ചര്‍മം കറുക്കാന്‍ ഇടയാക്കും