മുഖത്തെ ചുളിവു പോകാന്‍ വെളിച്ചെണ്ണയും പാലും

വിര്‍ജിന്‍ കോക്കനട്ട് ഓയില്‍

വിര്‍ജിന്‍ കോക്കനട്ട് ഓയില്‍ ആണ് മുഖത്തു പുരട്ടാന്‍ ഉപയോഗിയ്‌ക്കേണ്ടത്. ഇതു മാത്രമായി മുഖത്തു പുരട്ടി മസാജ് ചെയ്യുന്നതും നല്ലതാണ്. ആദ്യം മുഖം കഴുകുക. പിന്നീട് മുഖം പതുക്കെ തുടച്ച് ഈര്‍പ്പം പൂര്‍ണമായും പോകുന്നതിനു മുന്‍പ് വെളിച്ചെണ്ണ കയ്യിലെടുത്ത് മുഖത്തു പുരട്ടി മസാജ് ചെയ്യുക. സര്‍കുലാര്‍ രീതിയില്‍ വേണം, മസാജ് ചെയ്യാന്‍. ഇത് ദിവസവും രാത്രി ചെയ്ത് വെളിച്ചെണ്ണ കഴുകാതെ മുഖത്ത തന്നെ വച്ചു രാവിലെ കഴുകുന്നതാകും, നല്ലത്. അല്ലെങ്കില്‍ രാത്രി നേരത്തെ ചെയ്ത് കിടക്കും മുന്‍പ കഴുകാം.

വെളിച്ചെണ്ണ, ആപ്പിള്‍ സിഡെര്‍ വിനെഗര്‍

വെളിച്ചെണ്ണ, ആപ്പിള്‍ സിഡെര്‍ വിനെഗര്‍ എന്നിവ ചേര്‍ത്തും മുഖത്തു പുര്ട്ടാന്‍ സാധിയ്ക്കും. 1 ടേബിള്‍ സ്പൂണ്‍ വെള്ളം, 1 ടേബിള്‍ സ്പൂണ്‍ വിനെഗര്‍, ഏതാനും തുള്ളി വെളിച്ചെണ്ണ എന്നിവയാണ് ഇതിനു വേണ്ടത്. ആദ്യം വിനെഗറും വെള്ളവും കലര്‍ത്തി ഇതില്‍ പഞ്ഞി മുക്കി മുഖത്തു പുരട്ടുക. ഇത് ഉണങ്ങാന്‍ അനുവദിയ്ക്കണം. പിന്നീട് വെളിച്ചെണ്ണ കയ്യിലെടുത്ത് മുഖത്തു പുരട്ടി മസാജ് ചെയ്യണം. ഇത് എല്ലാ ദിവസവും രാത്രി ചെയ്ത് രാവിലെ വരെ മുഖത്തു വയ്ക്കണം. ആപ്പിള്‍ സിഡെര്‍ വിനെഗറിന് ചര്‍മത്തിലെ പിഎച്ച് തോത് കൃത്യമായി നില നിര്‍ത്താന്‍ കഴിയും.

ആവണക്കെണ്ണ, വെളിച്ചെണ്ണ

ആവണക്കെണ്ണ, വെളിച്ചെണ്ണ എന്നിവ കലര്‍ത്തിയും മുഖത്തു പുരട്ടുന്നത് ചുളിവുകള്‍ നീക്കാന്‍ ഏറെ നല്ലതാണ്. ഇവ രണ്ടും കൃത്യ അളവില്‍ എടുത്ത് കലര്‍ത്തി മുഖത്തു പുരട്ടി മസാജ് ചെയ്യാം. ഇത് ദിവസവും രാത്രി ചെയ്ത് രാവിലെ വരെ വയ്ക്കാം. ആവണക്കെണ്ണ ആന്റിഓക്‌സിഡന്റ് സമ്പുഷ്ടമാണ്. ഇതും വെളിച്ചെണ്ണയും കലരുന്നത് ഗുണങ്ങള്‍ ഇരട്ടിയാവാന്‍ സഹായിക്കും.

വൈറ്റമിന്‍ ഇ ഓയിലും വെളിച്ചെണ്ണയും

വൈറ്റമിന്‍ ഇ ഓയിലും വെളിച്ചെണ്ണയും കലര്‍ന്ന മിശ്രിതവും മുഖത്തെ ചുളിവുകള്‍ നീക്കാന്‍ ഏറെ നല്ലതാണ്. വൈറ്റമിന്‍ ഇയിലെ ടോകോഫെറോള്‍ ചുളിവുകള്‍ നീക്കാനും ചര്‍മത്തിന് പ്രായക്കൂടുതല്‍ തോന്നുന്നതു തടയാനും ഏറെ നല്ലതാണ്. വൈറ്റമിന്‍ ഇ ചര്‍മത്തിന് ഈര്‍പ്പം നല്‍കുന്നു. വൈറ്റമിന്‍ ഇ ക്യാപ്‌സൂളുകള്‍ വാങ്ങി ഇതില്‍ നിന്നും ഒരു ക്യാപ്‌സൂള്‍ പൊട്ടിച്ച് ഇതില്‍ വെളിച്ചെണ്ണയും കലര്‍ത്തി മുഖത്തു പുരട്ടി മസാജ് ചെയ്യുക. ഇത് ദിവസവും അല്‍പനാള്‍ ചെയ്യുന്നതു ഗുണം നല്‍കും.

വെളിച്ചെണ്ണയില്‍ മഞ്ഞള്‍

മുഖത്തെ ചുളിവുകള്‍ നീക്കാനും നിറം നല്‍കാനുമുള്ള ഒരു വഴിയാണ് വെളിച്ചെണ്ണയില്‍ മഞ്ഞള്‍ കലര്‍ത്തി പുരട്ടുന്നത്. മഞ്ഞള്‍ നല്ലൊരു ആന്റിഓക്‌സിഡന്റും ചര്‍മത്തിന് ഏറെ ഗുണങ്ങള്‍ നല്‍കുന്ന ഒന്നുമാണ്.

വെളിച്ചെണ്ണ, തേന്‍

വെളിച്ചെണ്ണ, തേന്‍ എന്നിവ കലര്‍ത്തി മുഖത്തു പുരട്ടി ഉപയോഗിയ്ക്കാം.തേന്‍ ചര്‍മത്തിന് ഈര്‍പ്പം നല്‍കുന്നു. ചര്‍മകോശങ്ങള്‍ അയയാതെ രക്ഷിയ്ക്കുന്നു. നല്ലൊരു ആന്റിഓക്‌സിഡന്റ് കൂടിയാണ് തേന്‍. ഈ മിശ്രിതം ദിവസവും പുരട്ടി പതുക്കെ മസാജ് ചെയ്ത് 1 മണിക്കൂര്‍ കഴിയുമ്പോള്‍ കഴുകിക്കളയാം. ഇതും മുഖത്തെ ചുളിവുകള്‍ നീങ്ങാന്‍ സഹായിക്കും.

കറുവാപ്പട്ട

ഒരു ടേബിള്‍ സ്പൂണ്‍ വെളിച്ചെണ്ണ അര ടീസ്പൂണ്‍ കറുവാപ്പട്ട പൊടിച്ചതുമായി യോജിപ്പിയ്ക്കുക. ഇത് മുഖത്തു പുരട്ടി മസാജ് ചെയ്ത് ഉണങ്ങുമ്പോള്‍ കഴുകിക്കളയാം.കറുവാപ്പട്ടയും നല്ലൊരു ആന്റിഓക്‌സിഡന്റാണ്. ആരോഗ്യ ഗുണങ്ങള്‍ക്കൊപ്പം ചര്‍മ ഗുണങ്ങളും നിറഞ്ഞ ഒന്നാണിത്.

കറ്റാര്‍ വാഴ ജെല്‍

അരക്കപ്പ് വെളിച്ചെണ്ണ, അരകപ്പ് കറ്റാര്‍ വാഴ ജെല്‍, ഒരു കുക്കുമ്പര്‍ എന്നിവ മിക്‌സിയിലടിച്ചു മുഖത്തു പുരട്ടാം. ഇത് ഫ്രിഡ്ജില്‍ സൂക്ഷിയ്ച്ചു വയ്ക്കാവുന്ന ഒന്നാണ്. ദിവസവും രണ്ടുനേരം ഉപയോഗിയ്ക്കുന്നത് ഏറെ ഗുണം ചെയ്യും. കറ്റാര്‍ വാഴ ജെല്ലിലെ വൈറ്റമിന്‍ ഡി ചര്‍മത്തിന് ഏറെ നല്ലതാണ്. ഇത് ചര്‍മത്തിന് ഈര്‍പ്പം നല്‍കും. ചര്‍മം അയയാതെ സംരക്ഷിയ്ക്കും.

ഓട്‌സ്

ഒന്നര ടേബിള്‍ സ്പൂണ്‍ വെളിച്ചെണ്ണ, അരക്കപ്പ് ഓട്‌സ്, ആറു ടീസ്പൂണ്‍ തൈര്, 2 ടീസ്പൂണ്‍ തേന്‍ എന്നിവ മിക്‌സിയിലടിച്ചു കലര്‍ത്തുക. ഇത് മുഖത്തു പുരട്ടി ഉണങ്ങുമ്പോള്‍ ചെറുചൂടുവെള്ളം കൊണ്ടു കഴുകാം. ഇതും ദിവസവും ചെയ്യുന്നത് ചര്‍മത്തിലെ ചുളിവുകള്‍ അകറ്റാന്‍ സഹായിക്കുന്ന ഒന്നാണ്.

വെളിച്ചെണ്ണ, ഒലീവ് ഓയില്‍

വെളിച്ചെണ്ണ, ഒലീവ് ഓയില്‍ എന്നിവ കലര്‍ത്തി മുഖത്തു മസാജ് ചെയ്യുന്നതാണ് മറ്റൊരു വഴി. ഇതും മുഖത്തെ ചുളിവുകള്‍ നീക്കാന്‍ ഏറെ നല്ലതാണ്. ഒലീവ് ഓയില്‍ ആരോഗ്യകരമായ കൊഴുപ്പുകളുള്ള ഒന്നാണ്. ചര്‍മത്തിന് ഈര്‍പ്പം നല്‍കാനും ഏറെ നല്ലതാണ.്

നാരങ്ങാനീര്, വെളിച്ചെണ്ണ

നാരങ്ങാനീര്, വെളിച്ചെണ്ണ എന്നിവയടങ്ങിയ മിശ്രിതവും മുഖത്തെ ചുളിവുകള്‍ നീക്കി പ്രായക്കുറവു തോന്നിപ്പിയ്ക്കാന്‍ ഏറെ മികച്ചതാണ്. 1 ടേബിള്‍ സ്പൂണ്‍ വെളിച്ചെണ്ണ, ഏതാനും തുള്ളി നാരങ്ങാനീര്, ഒരു ടീസ്പൂണ്‍ പാല്‍ എന്നിവ കലര്‍ത്തുക. ഇതി മുഖത്തു പുരട്ടി മസാജ് ചെയ്ത് അല്‍പം കഴിയുമ്പോള്‍ കഴുകാം. ഇതു ദിവസവും ആവര്‍ത്തിയ്ക്കാം. നാരങ്ങയിലെ വൈറ്റമിന്‍ സി ഏറെ ചര്‍മ ഗുണങ്ങള്‍ നല്‍കുന്നു. ഇതിലെ സിട്രിക് ആസിഡ് ചര്‍മത്തിന് നിറം നല്‍കാനും സഹായിക്കുന്നു. ഈ മിശ്രിതം രാത്രി പുരട്ടുന്നതാണ് നല്ലത്. നാരങ്ങാനീരു പുരട്ടി വെയിലത്തു പോകരുത്.