വേനല്‍ക്കാലം ചെങ്കണ്ണിന്റെ കാലം; കരുതിയിരിക്കണം

മലിനീകരണം

വേനല്‍ക്കാലത്ത് അന്തരീക്ഷത്തിലെ പൊടിയുടെ വര്‍ദ്ധനവ് കണ്ണുകളെ വളരെയധികം ബാധിക്കുന്നു. വേനല്‍ക്കാലത്ത് പൊടിപടലങ്ങളും വര്‍ധിക്കുകയും അവയുടെ അവശിഷ്ടങ്ങള്‍ വായുവില്‍ വ്യാപിക്കുകയും കണ്ണുകളില്‍ അലര്‍ജി ഉണ്ടാക്കുകയും ചെയ്യുന്നു. ഇത് ചൊറിച്ചില്‍, പ്രകോപനം എന്നിവയ്ക്ക് കാരണമാകും.

അള്‍ട്രാവയലറ്റ് രശ്മികള്‍

അള്‍ട്രാവയലറ്റ് രശ്മികള്‍ മനുഷ്യര്‍ക്ക് വളരെ ദോഷകരമാണെന്ന് അറിയാമല്ലോ? അവ പല വിധത്തില്‍ കണ്ണുകളെ ബാധിക്കുന്നു. ഈ അള്‍ട്രാവയലറ്റ് രശ്മികള്‍ കണ്ണിന്റെ ഉപരിതലത്തില്‍ പെറ്റെര്‍ജിയം (ഒരു പാളി) രൂപപ്പെടുന്നതിന് കാരണമാകും. നേത്ര അണുബാധ പടരുന്നതിന്റെ പ്രധാന മാര്‍ഗ്ഗങ്ങളിലൊന്നാണ് ചെങ്കണ്ണ്. ഈ അണുബാധയുള്ള ഒരാളുമായി സമ്പര്‍ക്കം പുലര്‍ത്തുകയാണെങ്കില്‍ ചെങ്കണ്ണ് പടരും. വേനല്‍ക്കാലത്ത് ഇത് സാധാരണമായതിനാല്‍ ഇക്കാലങ്ങളില്‍ ഇത് പടരാനുള്ള സാധ്യത കൂടുതലാണ്.

സൂക്ഷ്മാണുക്കള്‍

കോണ്‍ടാക്റ്റ് ലെന്‍സുകള്‍ ധരിക്കുന്ന ആളുകള്‍ക്ക് വേനല്‍ക്കാലത്ത് അണുബാധ പടരാനുള്ള സാധ്യത കൂടുതലാണ്. കാരണം അവ പതിവായി വൃത്തിയാക്കേണ്ടതുണ്ട്. അമിതമായ ചൂടില്‍ നില്‍ക്കുന്നത് കണ്ണുകളെ ധാരാളം രോഗങ്ങള്‍ക്ക് ഇരയാക്കുന്നു. വിവിധതരം ബാക്ടീരിയകള്‍ ഉള്‍പ്പെടെയുള്ള എല്ലാത്തരം സൂക്ഷ്മാണുക്കളുമായും സമ്പര്‍ക്കം പുലര്‍ത്തുന്നതിനാല്‍, ഈ മാസങ്ങളില്‍ കണ്ണ് ചൊറിച്ചിലും വളരെ സാധാരണമാണ്.

സണ്‍ഗ്ലാസ് ധരിക്കുക

നേത്ര അണുബാധ ഒഴിവാക്കാന്‍, പുറത്തിറങ്ങുമ്പോള്‍ സണ്‍ഗ്ലാസ് ധരിക്കുക, നിങ്ങളുടെ കണ്ണുകളില്‍ സ്പര്‍ശിക്കുകയോ തടവുകയോ ചെയ്യാതിരിക്കുക, തണുത്ത വെള്ളത്തില്‍ ഇടയ്ക്കിടെ കണ്ണ് കഴുകുക. ദോഷകരമായ അള്‍ട്രാവയലറ്റ് രശ്മികള്‍ ലെന്‍സിനും (തിമിരം) റെറ്റിനയ്ക്കും (മാക്യുലര്‍ ഡീജനറേഷന്‍) കേടുപാടുകള്‍ വരുത്തുന്നു, ശരിയായ അള്‍ട്രാവയലറ്റ് സംരക്ഷണ സണ്‍ഗ്ലാസുകള്‍ ഉപയോഗിച്ച് ഇത് ഒഴിവാക്കാം. ഗുണനിലവാരമില്ലാത്ത കണ്ണടകള്‍ കണ്ണിന് ദോഷകരമാണ്. അതിനാല്‍ നല്ല നിലവാരമുള്ള കണ്ണടകള്‍ തന്നെ ഉപയോഗിക്കുക.

കോണ്‍ടാക്ട് ലെന്‍സ്

കോണ്‍ടാക്റ്റ് ലെന്‍സ് ദിവസേന വൃത്തിയാക്കുന്നത് ശ്രദ്ധിക്കുക. ശുപാര്‍ശ ചെയ്യുന്ന സമയത്തേക്കാള്‍ കൂടുതലായി ലെന്‍സ് ധരിക്കരുത്. നിശ്ചിത സമയപരിധിക്കുള്ളില്‍ ലെന്‍സ് മാറ്റുക. നീന്തുമ്പോള്‍ കോണ്‍ടാക്റ്റ് ലെന്‍സ് ധരിക്കരുത്. ജലജന്യ ബാക്ടീരിയകളില്‍ നിന്നും നീന്തല്‍ക്കുളത്തിലെ രാസവസ്തുക്കളില്‍ നിന്നും കണ്ണുകളെ സംരക്ഷിക്കുന്ന നീന്തല്‍ കണ്ണടകള്‍ ധരിക്കുക.

നേത്ര അണുബാധ തടയാന്‍

* ഇടയ്ക്കിടെ സോപ്പും സാനിറ്റൈസറും ഉപയോഗിച്ച് കൈ കഴുകണം

* രോഗബാധിതരായ ആളുകളില്‍ നിന്ന് വിട്ടുനില്‍ക്കുക.

* ചെങ്കണ്ണ് ഉള്ള ആളുകളുമായി കിടക്കകളോ വസ്ത്രങ്ങളോ പങ്കിടുന്നതില്‍ നിന്ന് വിട്ടുനില്‍ക്കണം.

* കണ്ണുകള്‍ തുടയ്ക്കാന്‍ ശുദ്ധമായ ടിഷ്യു പേപ്പര്‍ ഉപയോഗിക്കേണ്ടതാണ്.

* കണ്‍ജങ്ക്റ്റിവിറ്റിസ് ഉള്ളവര്‍ പൊതു സ്ഥലങ്ങള്‍ ഒഴിവാക്കണം, ദേഹത്ത് സ്പര്‍ശിക്കുകയോ വസ്ത്രങ്ങള്‍ പങ്കിടുകയോ ചെയ്യരുത്

* കൈകള്‍ ശരിയായി വൃത്തിയാക്കിയല്ലാതെ കണ്ണുകള്‍ തടവരുത്.

* കണ്ണിന് ചുവപ്പ് ഉണ്ടെങ്കില്‍ കോണ്‍ടാക്റ്റ് ലെന്‍സുകള്‍ ധരിക്കരുത്

* ഐ ഡ്രോപ്പുകള്‍ പങ്കിടരുത്.

* വെള്ളരി, കക്കിരി കഷ്ണങ്ങള്‍ ഉപയോഗിച്ച് നിങ്ങളുടെ കണ്ണുകള്‍ മസാജ് ചെയ്യുക.

* പച്ച ഇലക്കറികള്‍, പഴങ്ങള്‍, കാരറ്റ് തുടങ്ങിയ ഭക്ഷണങ്ങള്‍ നിങ്ങളുടെ ദൈനംദിന ഭക്ഷണത്തില്‍ ഉള്‍പ്പെടുത്തുക.