ശരീരത്തിലെ നിര്‍ജ്ജലീകരണം തടയാം.

1. ഉപ്പ്-പഞ്ചസാര വെള്ളം

നിര്‍ജ്ജലീകരണം പരിഹരിക്കാന്‍ കാലങ്ങളായി ഉപയോഗിക്കുന്നതാണ് ഉപ്പും പഞ്ചസാരയും ചേര്‍ത്ത വെള്ളം. ഇത് തയ്യാറാക്കാന്‍ ഒരു ഗ്ലാസ് വെള്ളത്തില്‍ അര സ്പൂണ്‍ ഉപ്പ്, ഒരു സ്പൂണ്‍ പഞ്ചസാര എന്നിവ ചേര്‍ക്കുക. ഇത് സ്പൂണ്‍ ഉപയോഗിച്ച് നന്നായി ഇളക്കുക. പഞ്ചസാര നന്നായി അലിയാന്‍ ഏറെ നേരം ഇളക്കേണ്ടതുണ്ട്. ഇത് തരികളവശേഷിക്കാതെ വെള്ളത്തില്‍ ലയിക്കണം.

2. ഫ്രൂട്ട് ജ്യൂസുകള്‍

വൈവിധ്യമാര്‍ന്ന ഫ്രൂട്ട് ജ്യൂസുകള്‍ വിപണിയില്‍ ലഭ്യമാണ്. ഓറഞ്ച്, നാരങ്ങ പോലുള്ള ഏതെങ്കിലും ജ്യൂസ് ഉപയോഗിക്കുന്നത് ഏറെ ഗുണം ചെയ്യും. ജ്യൂസര്‍ ഉപയോഗിച്ച് ഇത് തയ്യാറാക്കാം. ഏത് പഴങ്ങള്‍ ഉപയോഗിച്ചും, പല തരത്തിലുള്ള പഴങ്ങള്‍ ചേര്‍ത്തും ജ്യൂസ് തയ്യാറാക്കാം. കൂടതല്‍ ഉന്മേഷത്തിനായി അല്പം പഞ്ചസാരയോ ഉപ്പോ ഇവയില്‍ ചേര്‍ക്കാം.

3. കുട

സൂര്യപ്രകാശം നേരിട്ടേല്‍ക്കുന്ന സ്ഥലങ്ങളിലൂടെ യാത്ര ചെയ്യുകയാണെങ്കില്‍ ഒരു കുട ഉപയോഗിക്കുക. ഇത് വഴി സൂര്യപ്രകാശം നേരിട്ട് ചര്‍മ്മത്തില്‍ പതിക്കുന്നത് തടയുകയും ചര്‍മ്മത്തിന്‍റെ നിറം മാറ്റവും ക്ഷീണവും തടയാനുമാകും. സൂര്യപ്രകാശം അമിതമായേല്‍ക്കുന്നത് ചര്‍മ്മത്തിന്‍റെ നിറം ഇരുളാനും, അനാകര്‍ഷകമാകാനും ഇടയാക്കും. ചെറിയ തോതില്‍ വിറ്റാമിന്‍ ഡി കഴിക്കുന്നത് നല്ലതാണ്. എന്നാല്‍ അമിതമാകാതെ ശ്രദ്ധിക്കണം.

4. ശുദ്ധജലം

പതിവായി ധാരാളം വെള്ളം കുടിക്കുന്നത് ജലാംശം നഷ്ടമാകുന്നത് തടയും. ദിവസവും 8 ഗ്ലാസ്സ് വെള്ളമെങ്കിലും കുടിക്കുക. വേനല്‍ക്കാലത്തെ കടുത്ത ചൂടില്‍ ശരീരത്തിലെ ജലാംശം നഷ്ടമാകാതെ സൂക്ഷിക്കേ​ണ്ടതുണ്ട്.

5. നാരങ്ങവെള്ളം

നാരങ്ങയിലെ പ്രകൃതിദത്തമായ ഘടകങ്ങള്‍ ജലാംശം നഷ്ടമാകുന്നത് തടയുക മാത്രമല്ല, ഉന്മേഷം നല്കുകയും ചെയ്യും. ദിവസവും ഉച്ചകഴിഞ്ഞ് ഒരു തവണ നാരങ്ങവെള്ളം കുടിക്കുന്നത് ശരീരത്തിലെ ജലാംശം നഷ്ടമാകാതിരിക്കാന്‍ സഹായിക്കും.