നിങ്ങള്‍ക്കറിയണ്ടേ നിങ്ങളുടെ ജന്മസംഖ്യാ ഫലം?

ജന്മസംഖ്യ 1

1, 10, 19, 28 എന്നീ തീയ്യതികളില്‍ ജനിച്ചവരുടെയെല്ലാം ജന്മസംഖ്യ 1 ആയിരിക്കും. നേതൃപാടവം നല്ലപോലെ പ്രകടിപ്പിക്കുന്നവരായിരിക്കും ഇത്തരക്കാര്‍. മാത്രമല്ല പൊതുവേ നിശ്ശബ്ദരായിരിക്കുമെങ്കിലും മറ്റുള്ളവരെ ഇംപ്രസ് ചെയ്യാന്‍ കഴിവുള്ളവരായിരിക്കും ഇത്തരക്കാര്‍. എന്നാലും അല്‍പം ദുര്‍വാശ്ശി കൂടുതല്‍ ആയിരിക്കും ഇവര്‍ക്ക്.

ജന്മസംഖ്യ 2

2,11, 20,29 എന്നീ തീയ്യതികളില്‍ ജനിച്ചവരുടെ ജന്മസംഖ്യ 2 ആയിരിക്കും. ഇവര്‍ സ്വപ്‌നജീവികളായിരിക്കും. എന്നാല്‍ മറ്റുള്ളവരുടെ അഭിപ്രായത്തിനു കാത്തു നില്‍ക്കാതെ സ്വതന്ത്രമായി ചിന്തിക്കുകയും പ്രവര്‍ത്തിക്കുകയും ചെയ്യുന്ന സ്വഭാവമായിരിക്കും ഇവരുടേത്. എഡിസണ്‍, വിനോബ ഭാവെ തുടങ്ങിയ പ്രമുഖര്‍ ഈ ജന്മസംഖ്യയില്‍ ജനിച്ചവരായിരുന്നു. മാത്രമല്ല കുടുംബ സ്‌നേഹം കൂടുതലായിരിക്കും ഇവര്‍ക്ക്.

ജന്മസംഖ്യ 3

3,12,21,30 എന്നീ തീയ്യതികളില്‍ ജനിച്ചവര്‍ അറിവുള്ളവരായിരിക്കും. എല്ലാ കാര്യങ്ങളും ചിട്ടയോട് കൂടി ചെയ്യാന്‍ ഇവരെ കഴിഞ്ഞേ ആള്‍ക്കാരുള്ളൂ എന്നത് സത്യം. പൊതുവേ ശാന്ത സ്വഭാവമായിരിക്കുമെങ്കിലും ആഞ്ജാപിക്കാനുള്ള കഴിവ് ഇവരുടെ കൂടപ്പിറപ്പായിരിക്കും. രജനീകാന്ത്, എബ്രഹാം ലിങ്കണ്‍, സ്വാമി വിവേകാനന്ദന്‍ തുടങ്ങിയവരുടെ ജന്മസംഖ്യ 3 ആണ്.

ജന്മസംഖ്യ 4

4, 13, 22, 31 എന്നീ തീയ്യതികളില്‍ ജനിച്ചവരുടെ ജന്മസംഖ്യ 4 ആയിരിക്കും. ഇവര്‍ പൊതുവേ ശാന്തസ്വഭാവക്കാരായിരിക്കും. അതുപോലെ തന്നെ വലരെ ഇമോഷണലും മതവിശ്വാസികളുമായിരിക്കും. പങ്കാളിയോട് സ്‌നേഹത്തേക്കാള്‍ കൂടുതല്‍ സൗഹൃദപരമായി ഇടപെടാനായിരിക്കും ഇവര്‍ ആഗ്രഹിക്കുന്നത്.

ജന്മസംഖ്യ 5

5, 14, 23 എന്നീ തീയ്യതികളില്‍ ജനിച്ചവരുടെ ജന്മസംഖ്യ 5 ആയിരിക്കും. സുഹൃത് ബന്ധത്തിന് മറ്റെന്തിനേക്കാള്‍ വില കല്‍പ്പിക്കുന്നവരായിരിക്കും ഇവര്‍. തമാശക്കാരും ബുദ്ധിവൈഭവം കാണിക്കുന്നവരും റൊമാന്റിക്കുമായിരിക്കും ഇവര്‍. വീടിനേയും വാട്ടുകാരേയും സ്‌നേഹിക്കുന്നതായിരിക്കും ഇവരുടെ പ്രധാന അജണ്ട.

ജന്മസംഖ്യ 6

6,15,24 എന്നീ തീയ്യതികളില്‍ ജനിച്ചവരായിരിക്കും അഞ്ച് എന്ന ജന്മസംഖ്യയുള്ളവര്‍. വളരെ ക്രിയേറ്റീവ് ആയിരിക്കും ഇത്തരക്കാര്‍. എന്നാല്‍ ക്ഷമാശീലം വളരെ കുറവായിരിക്കും. എന്നാല്‍ ജീവിത കാലം മുഴുവന്‍ നല്ല സുഹൃത്തുക്കളായിരിക്കും ഇവര്‍.

ജന്മസംഖ്യ 7

7,16,25 എന്നീ തീയ്യതികളില് ജനിച്ചവരുടെ ജന്മസംഖ്യ 7 ആയിരിക്കും. അപകടകരമായ കാര്യങ്ങള്‍ ചെയ്യാന്‍ ഇത്തരക്കാര്‍ക്ക് താല്‍പ്പര്യം കൂടുതലായിരിക്കും. ആഴത്തില്‍ ചിന്തിക്കുന്നവരും പ്രതിഭാശാലികളുമായിരിക്കും ഇവര്‍.

ജന്മസംഖ്യ 8

8, 17, 26 എന്നീ തീയ്യതികളില്‍ ജനിച്ചവരുടെ ജന്മസംഖ്യ 8 ആയിരിക്കും. ആത്മവിശ്വാസം ഏറ്റവും കൂടുതലുള്ളവരായിരിക്കും ഇവര്‍. ആണ്‍-പെണ്‍ വ്യത്യാസം സൗഹൃദങ്ങളില്‍ കാണിക്കാത്തതും ഇവരുടെ സ്വഭാവമായിരിക്കും. എന്നാല്‍ ദുര്‍ബലമായ മനസ്സിന് അടിമകളായിരിക്കും ഇവര്‍.

ജന്മസംഖ്യ 9

9, 18, 7 എന്നീ തീയ്യതികളില്‍ ജനിച്ചവരുടെ ജന്മസംഖ്യ 9 ആയിരിക്കും. നല്ല കേള്‍വിക്കാരായിരിക്കും ഇത്തരക്കാര്‍. എന്നാല്‍ ഉയര്‍ന്ന ചിന്താഗതിയും ഇവരുടെ കൈമുതലായിരിക്കും. സാമ്പത്തിക ഭദ്രത ആഗ്രഹിക്കുന്നവരും സമാധനത്തോടെ ജീവിയ്ക്കാന്‍ ഏറ്റവും കൂടുതല്‍ ആഗ്രഹിക്കുന്നവരും ഇവരായിരിക്കും.