സര്‍വ്വസൗഭാഗ്യം,സല്‍സന്താനത്തിന് ഷഷ്ഠിവ്രതം

വ്രതാനുഷ്ഠാനം ഇങ്ങനെ

വ്രതാനുഷ്ഠാനം എങ്ങനെയെന്ന് നോക്കാവുന്നതാണ്. ഷ്ഷ്ഠി ദിനത്തിന് അഞ്ച് ദിവസം മുന്‍പ് തന്നെ വ്രതം ആരംഭിക്കണം. എന്നാല്‍ ഷഷ്ഠി വ്രതത്തിന് മാത്രം വ്രതം അനുഷ്ഠിക്കുന്നതും നല്ലതാണ്. എന്നാല്‍ വ്രതം അനുഷ്ഠിക്കുമ്പോള്‍ ശുദ്ധിയും വൃത്തിയും വളരെ പ്രധാനപ്പെട്ടതാണ്. വ്രത ദിനത്തില്‍ കുളികഴിഞ്ഞതിന് ശേഷം മാത്രം ഭക്ഷണം കഴിക്കുക. കൂടാതെ രാവിലേയും വൈകിട്ടും സുബ്രഹ്മണ്യ സ്വാമിയെ ഭജിക്കാവുന്നതാണ്.

ഉപവാസത്തോടെ തുടക്കം

ഷഷ്ഠി ദിവസം ഉപവാസത്തോടെ വേണം തുടങ്ങാന്‍. ഉപവാസത്തോടെ സുബ്രഹ്മണ്യ ക്ഷേത്രത്തില്‍ ദര്‍ശനം നടത്തേണ്ടതാണ്. നല്ലതു പോലെ പ്രാര്‍ത്ഥിച്ച ശേഷം ഉച്ച സമയത്തെ ഷഷ്ഠി പൂജക്ക് ശേഷം കിട്ടുന്ന പ്രസാദം കഴിച്ച് വേണം ഉപവാസം പൂര്‍ത്തിയാക്കുന്നതിന്. ദിവസം മുഴുവന്‍ സുബ്രഹ്മണ്യ സ്തുതി ചെയ്യുന്നതും നല്ലതാണ്. പിറ്റേ ദിവസം തുളസി തീര്‍ത്ഥം സേവിച്ച് പാരണ വീടി വ്രതം അവസാനിപ്പിക്കാവുന്നതാണ്.

ചൊവ്വാ ദോഷത്തിന് പരിഹാരം

ചൊവ്വാ ദോഷമുള്ളവര്‍ക്ക് എന്തുകൊണ്ടും ഷഷ്ഠി വ്രതം അനുഷ്ഠിക്കാവുന്നതാണ്. ഇത് ചൊവ്വാ ദോഷത്തിന്റെ കാഠിന്യം കുറക്കുന്നതിന് സഹായിക്കുന്നുണ്ട്. എല്ലാ വിധ സര്‍വ്വ ദോഷദുരിതത്തിനും പരിഹാരം കാണുന്നതിന് സഹായിക്കുന്നുണ്ട് കുമാര ഷഷ്ഠി വ്രതം. ഇത് ദുരിത മോചനം നല്‍കുന്നുണ്ട്. ജാതകദോഷത്തിന് പരിഹാരം കാണുന്നതിനും ഇത് ഏറ്റവും മികച്ച മാര്‍ഗ്ഗമാണ്. ചൊവ്വാ ദോഷത്തിന് പരിഹാരം കാണുന്നതിന് വേണ്ടി കുമാര ഷഷ്ഠി വ്രതം അനുഷ്ഠിക്കേണ്ടത് സ്ഥിരമാക്കണം.

സുബ്രഹ്മണ്യ ഗായത്രി

സുബ്രഹ്മണ്യ ഗായത്രി ചില രാശിക്കാര്‍ ജപിക്കേണ്ടതാണ്. മേടം, മിഥുനം, ചിങ്ങം, തുലാം, ധനു, കുംഭം എന്നീ രാശിക്കാര്‍ കുമാര ഷഷ്ഠി വ്രതം എടുക്കുന്നതും സുബ്രഹ്മണ്യ ഗായത്രി വ്രതം എടുക്കുന്നതും നല്ലതാണ്. മാത്രമല്ല സല്‍സന്താനത്തിനും കുട്ടികള്‍ക്ക് നേര്‍ബുദ്ധിയും ആയുരാരോഗ്യങ്ങളും ഉണ്ടാവുന്നുണ്ട്. സന്താനങ്ങള്‍ക്കും ഗര്‍ഭിണികള്‍ക്കും ഒരു കുഞ്ഞിനെ ആഗ്രഹിക്കുന്നവര്‍ക്കും ഒരേ പോലെ ജപിക്കാവുന്നതാണ് സ്തുതിയാണ് സുബ്രഹ്മണ്യ ഗായത്രിയും ഷഷ്ഠി ദേവി മന്ത്രവും.

കുടുംബത്തില്‍ ഐശ്വര്യം

കുടുംബത്തില്‍ ഐശ്വര്യത്തിനും ക്ഷേമത്തിനും കുമാര ഷഷ്ഠി വ്രതം അനുഷ്ഠിക്കാവുന്നതാണ്. കുടുംബത്തിലെ ദോഷങ്ങളെ ഇല്ലാതാക്കി ജീവിതത്തില്‍ ഉയര്‍ച്ചയിലേക്കും ഉന്നതിയിലേക്കും എത്തിക്കുന്ന ഒന്നാണ് ഷഷ്ഠി വ്രതം. ലക്ഷ്മീ ദേവിയെ വിളിച്ച് വരുത്തുന്നതിനും സല്‍സ്വഭാവമുള്ള സന്താനത്തിനും ഏറ്റവും നല്ലതാണ് ഷഷ്ഠിവ്രതം.