വിവിധ തരം ഫേഷ്യലുകള്‍

Skin Care

oi-Saritha

By Veena

Updated: Thursday, July 12, 2012, 12:09 [IST]

ഫേഷ്യല്‍ ബ്യൂട്ടിപാര്‍ലറില്‍ പോകുന്ന മിക്കവാറും പേര്‍ തെരഞ്ഞെടുക്കുന്ന സൗന്ദര്യസംരക്ഷണമാര്‍ഗമാണ്. ഫേഷ്യലുകള്‍ വിവിധ തരമുണ്ട്. ഇവയെക്കുറിച്ച് നേരത്തെ അറിഞ്ഞിരിക്കുന്നത് ഗുണം ചെയ്യും.

ലാവെന്‍ഡര്‍ ഫേഷ്യല്‍ : ക്ഷീണിച്ച ചര്‍മത്തിനുള്ള ഫേഷ്യലാണിത്. പെട്ടെന്ന് ഫലം കാണുകയും ചെയ്യും. സാധാരണ ചര്‍മമുള്ളവര്‍ക്കും എണ്ണമയമുള്ള ചര്‍മമുള്ളവര്‍ക്കും ഇത് നല്ലതാണ്. ലാവെന്‍ഡര്‍ എന്ന പൂവില്‍ നിന്നുള്ള എണ്ണയാണ് ഈ ഫേഷ്യലിന് ഉപയോഗിക്കുന്നത്.

ടീ ട്രീ ഫേഷ്യല്‍ : മുഖത്ത് മുഖക്കുരുവും പാടുകളുമുള്ളവര്‍ക്ക് ചെയ്യാന്‍ പറ്റിയ ഫേഷ്യലാണിത്.

ലോട്ടസ് ഫേഷ്യല്‍ : ചര്‍മത്തിലെ ചുളിവുകള്‍ അകറ്റാനുള്ള ഫേഷ്യലാണിത്. ലോട്ടസ് ഓയിലും വൈറ്റമിന്‍ ഇ ഓയിലും ഈ ഫേഷ്യലിന് ഉപയോഗിക്കാറുണ്ട്.

ബിയര്‍ബെറി ഫേഷ്യല്‍ : ചര്‍മത്തിന് നിറം നല്‍കാന്‍ സഹായിക്കുന്ന ഫേഷ്യലാണിത്. ദീര്‍ഘകാലം നിറം നില നിര്‍ത്തുകയും ചെയ്യും.

അലോവെര ഫേഷ്യല്‍ : കറ്റാര്‍ വാഴയുടെ ജെല്ലി കൊണ്ടുള്ള ഇത്തരം ഫേഷ്യല്‍ ചര്‍മം മൃദുവാക്കാനും ചര്‍മത്തിന്റെ വരള്‍ച്ച അകറ്റാനും വളരെ നല്ലതാണ്.

സ്‌കിന്‍ പ്യുവര്‍ ഫേഷ്യല്‍ : പൊടി, പുക എന്നിവ ആരോഗ്യത്തിന് മാത്രമല്ലാ, ചര്‍മത്തിനും ദോഷമാണ്. ഇതിനുള്ള ഫേഷ്യലാണ് സ്‌കിന്‍ പ്യുവര്‍ ഫേഷ്യല്‍.

മില്‍കി വൈറ്റ് ഫേഷ്യല്‍ : ചര്‍മത്തിളക്കം നല്‍കുന്ന ഫേഷ്യലാണിത്.

ഇവ കൂടാതെ ഗോള്‍ഡ് ഫേഷ്യല്‍, പ്ലാറ്റിനം ഫേഷ്യല്‍ എന്നിവയും ചര്‍മത്തിന് നിറം നല്‍കാന്‍ പരീക്ഷിച്ചു നോക്കാവുന്നതാണ്.