നാളെ വസന്ത പഞ്ചമി;ദുരിതമോചനവും സർവ്വൈശ്വര്യവും ഫലം

സരസ്വതി ദേവിയുടെ ജനനം

സരസ്വതി ദേവിയുടെ ജനനം ആണ് ഈ ദിവസത്തെ പ്രത്യേകത. സരസ്വതി ദേവിയുടെ വസ്ത്രത്തിന് പ്രാധാന്യം നൽകുന്നവരാണ് ഇന്നത്തെ ദിവസം. ഈ ദിവസം സമാധാനത്തിനും സന്തോഷത്തിനും ആണ് ഇവർ പ്രാധാന്യം നൽകുന്നത്. ദേവിയുടെ പ്രതിമകൾ വെളുത്ത വസ്ത്രത്തിൽ ധരിപ്പിക്കുകയും ദേവിക്ക് വേണ്ട പൂജകൾ യഥാവിധി ചെയ്യുകയും ചെയ്യുന്നുണ്ട്.

ഐശ്വര്യത്തിന് വേണ്ടി

വീട്ടിൽ സർവ്വൈശ്വര്യം വരുന്നതിനും ദുരിത നിവാരണത്തിനും എല്ലാം വസന്ത പഞ്ചമി വ്രതവും പൂജയും ആചരിക്കുന്നുണ്ട്. സര്‍വ്വൈശ്വര്യത്തിനും പ്രാധാന്യം നൽകുന്നത് കൊണ്ട് തന്നെ ശ്രീ പഞ്ചമി എന്നും ഈ ദിനം അറിയപ്പെടുന്നുണ്ട്. അതുകൊണ്ട് തന്നെ വളരെയധികം ശ്രദ്ധയോടെയും ഭക്തിയോടെയും ഈ ദിവസം നിങ്ങൾ പൂജകൾ ചെയ്യേണ്ടതാണ്.

പൂജ ചെയ്യേണ്ടത് ഇങ്ങനെ

എന്നാൽ പൂജ ചെയ്യേണ്ടത് എങ്ങനെയെന്ന് പലർക്കും അറിയുകയില്ല. ഐശ്വര്യത്തിന്‍റെ പ്രതീകമായി മഞ്ഞ നിറത്തിലുള്ള പൂക്കളാണ് പൂജക്ക് ഉപയോഗിക്കേണ്ടത്. മാത്രമല്ല പൂജക്ക് വേണ്ടി മധുരപലഹാരങ്ങളും ദേവിക്ക് അർപ്പിക്കേണ്ടതാണ്. ഹോളി ആഘോഷത്തിന് തുടക്കം കുറിക്കുന്നത് വസന്ത പഞ്ചമി ദിനമാണ്.

ക്ഷേത്രദർശനം

വസന്ത പ‍ഞ്ചമി ദിനത്തിൽ ക്ഷേത്രദർശനം നടത്തേണ്ടത് അത്യാവശ്യമാണ്. സരസ്വതി ക്ഷേത്രങ്ങളില്‍ ആണ് ദർശനം നടത്താൻ തിരഞ്ഞെടുക്കേണ്ടത്. സരസ്വതി സ്തോത്രങ്ങൾ ഉരുവിടുന്നതിന് ശ്രദ്ധിക്കണം. മാത്രമല്ല പഠനോപകരണങ്ങൾ പൂജിക്കുന്നതും പതിവാണ്. വസന്ത പഞ്ചമി ദിനത്തിൽ സരസ്വതി ദേവിയെ ഉപാസിക്കുന്നവർക്ക് ബുദ്ധിയും ആരോഗ്യവും ഐശ്വര്യവും ഉണ്ടാവും എന്നതാണ് വിശ്വാസം.

ദേവി സ്തോത്രം

"ഓം സരസ്വതി മഹാഭാഗേ

വിദ്യേ കമലേ ലോചനേ

വിശ്വരൂപേ വിശാലാക്ഷി

വിദ്യാം ദേഹി നമോസ്തുതേ" എന്നീ മന്ത്രം വാസന്ത പഞ്ചമി ദിവസം തെറ്റില്ലാതെ ചെയ്യുന്നതിന് വേണ്ടി ശ്രദ്ധിക്കണം. ഈ മന്ത്രം ചൊല്ലുന്നതിലൂടെ ജീവിതത്തിൽ അത് ഉയർച്ചയും ഐശ്വര്യവും എല്ലാം ഉണ്ടാവുന്നുണ്ട് എന്നാണ് വിശ്വാസം.