പാലുണ്ണി ഒരെണ്ണം പോലുമില്ലാതെ പോകും, ഈ വഴി

ആപ്പിള്‍ സിഡെര്‍ വിനെഗര്‍

ആപ്പിള്‍ സിഡെര്‍ വിനെഗര്‍ ഇതിനു പറ്റിയ ഒരു പ്രതിവിധിയാണ്. ശരീരത്തിലെ പിഎച്ച് തോത് ശരിയായി നില നിര്‍ത്താന്‍ സാധിയ്ക്കുന്ന ഒന്ന്. ഇത് ഉപയോഗിയ്ക്കാന്‍ ഏറെ എളുപ്പമാണ്. ഒരു പഞ്ഞി അല്‍പം ആപ്പിള്‍ സിഡെര്‍ വിനഗറില്‍ മുക്കി പാലുണ്ണിയ്ക്കു മുകളില്‍ വയ്ക്കുക. ഇത് അരമണിക്കൂര്‍ കഴിഞ്ഞു മാറ്റണം. ഇത് പല തവണ അടുപ്പിച്ചു കുറേനാള്‍ ചെയ്യുക.

ടീ ട്രീ ഓയില്‍

ടീ ട്രീ ഓയില്‍ പാലുണ്ണി കളയാനുള്ള നല്ലൊരു വഴിയാണ്. ഒരു പഞ്ഞിയില്‍ അല്‍പം ടീ ട്രീ ഓയില്‍ തുള്ളികള്‍ ഒഴിച്ച് ഇത് പാലുണ്ണികള്‍ക്കു േേമല വച്ച് ബാന്‍ഡേഡ് കൊണ്ട് ഒട്ടിയ്ക്കുക. ഇത് അല്‍പം കഴിയുമ്പോള്‍ പറിച്ചെടുക്കാം. ഇത് ദിവസവും പല തവണ അല്‍പനാള്‍ അടുപ്പിച്ചു ചെയ്യാം.

വെളുത്തുള്ളി

വെളുത്തുള്ളി അരിമ്പാറ നീങ്ങാനുള്ള നല്ലൊരു വഴിയാണ്. ഇതുപോലെ സ്‌കിന്‍ ടാഗ് നീങ്ങാനും ഏറെ നല്ലതാണ്. വെളുത്തുള്ളിയ്ക്കും ബാക്ടീരിയകളെ കൊന്നൊടുക്കാനുള്ള കഴിവുണ്ട്. വെളുത്തുള്ളി ചതച്ചത് ഇതിനു മുകളിള്‍ വച്ച് ബാന്‍ഡേജ് വച്ചൊട്ടിച്ച് അല്‍പം കഴിയുമ്പോള്‍ പൊളിച്ചെടുക്കുക.

വൈറ്റമിന്‍ ഇ ഒായില്‍

വൈറ്റമിന്‍ ഇ ഒായില്‍ ഇതു മാറ്റാന്‍ ഏറെ നല്ലാതണ്. ഇതിനു മുകളില്‍ അയോഡിന്‍ പുരട്ടി ബാന്‍ഡേഡ് ഒട്ടിയ്ക്കുക. അല്‍പം കഴിയുമ്പോള്‍ പൊളിച്ചു കളയാം. ഇത് ആവര്‍ത്തിയ്ക്കുക.

പഴത്തൊലി

പഴത്തൊലി സ്‌കിന്‍ ടാഗ് മാറാനുള്ള മറ്റൊരു വഴിയാണ്. പഴത്തൊലി അരച്ചതും ടീ ട്രീ ഓയിലും കലര്‍ത്തി ഇതിനു മുകളില്‍ വച്ചു കെട്ടാം. അല്ലെങ്കില്‍ ഓയില്‍ പഴത്തൊലിയില്‍ പുരട്ടി ഉള്‍ഭാഗം പാലുണ്ണിയ്ക്കു മുകളില്‍ വരത്തക്ക വിധം വച്ച് ബാന്‍ഡേഡ് ഒട്ടിയ്ക്കുക. പിന്നീട് കുറേക്കഴിയുമ്പോള്‍ പൊളിച്ചു കളയാം. ഇത് അടുപ്പിച്ചു ചെയ്യുന്നത് ഗുണമുണ്ടാകും.

തുളസിയുടെ നീര്

തുളസിയുടെ നീര് ന്‌ല്ലൊരു അണുനാശിനിയാണ്. ഇതുകൊണ്ടുതന്നെ പാലുണ്ണി നീങ്ങാന്‍ ഏറെ നല്ലതും. ദിവസവും തുളസിനീര് തേച്ചു പിടിപ്പിയ്ക്കുക. അല്‍പസമയം കഴിഞ്ഞാല്‍ കഴുകിക്കളയാം.

കറ്റാര്‍ വാഴ

കറ്റാര്‍ വാഴ ജെല്ലും നാരങ്ങാനീരും ചേര്‍ത്തു മിശ്രിതം സ്‌കിന്‍ ടാഗിന് മുകളില്‍ പുരട്ടി അല്‍പം കഴിയുമ്പോള്‍ കഴുകിക്കളയാം. ഇത് ആവര്‍ത്തിച്ചു ചെയ്യുന്നത് നല്ലൊരു പരിഹാരമാണ്.

ബേക്കിംഗ് സോഡ, ആവണക്കെണ്ണ

ബേക്കിംഗ് സോഡ, ആവണക്കെണ്ണ എന്നിവ കലര്‍ത്തി പാലുണ്ണിയ്ക്കു മുകളില്‍ പുരട്ടുക. ഇത് ഒന്നു രണ്ടു മണിക്കൂര്‍ കഴിഞ്ഞു കഴുകാം. ഇത് അല്‍പദിവസം ആവര്‍ത്തിയ്ക്കുക.