More Lifestyle Updates on: http://m.boldsky.com/malayalam/
മധുരം ഇഷ്ടമില്ലാത്തവര് ചുരുക്കം. പലര്ക്കും മധുരമെന്നാല് പഞ്ചസാരയും മധുരപലഹാരവും പായസവുമൊക്കെയാണ്. എന്നാല് ദിവസവും കഴിക്കുന്ന ധാന്യങ്ങളിലൂടെയും പഴവര്ഗങ്ങളിലൂടെയും മധുരം നമ്മുടെ ഉള്ളിലെത്തുന്നുണ്ടെന്നതാണ് വാസ്തവം.
മധുരം ശരീരഭാരവും വര്ദ്ധിപ്പിക്കും. അതുകൊണ്ടു തന്നെ വണ്ണം കുറയ്ക്കാനുള്ള ഒരു മാര്ഗമാണ് ഷുഗര് ഫ്രീ ഡയറ്റ്.
ഈ ഡയറ്റ് അനുസരിച്ചുള്ള ബ്രേക്ഫാസ്റ്റില് പച്ചക്കറികള്, ബെറി എന്നിവ ഉള്പ്പെടുത്തണം. ഇതു കൂടാതെ മുട്ടയും പാലുമാകാം. പാലില് പഞ്ചസാര ചേര്ക്കരുത്.
ഉച്ചഭക്ഷണത്തില് ചോറിന് പകരം ചപ്പാത്തിയാണ് നല്ലത്. ചോറിലും ചെറിയ തോതില് മധുരം അടങ്ങിയിട്ടുള്ളതു തന്നെ കാരണം. ഉച്ചഭക്ഷണത്തിന് ശേഷം ഏതെങ്കിലും പഴം കഴിയ്ക്കാം. ഡിസെര്ട്ടിന് പകരമാകും. അല്ലെങ്കില് തൈര്, മധുരം ചേര്ക്കാത്ത ഫ്രൂട്ട് സാലഡ് എന്നിവയാകാം. ഇവയില് ഈന്തപ്പഴം, തേന് എന്നിവ ചേര്ക്കുന്നത് ഒഴിവാക്കണം.
ഗോതമ്പ് ബ്രെഡ്, ബീന്സ്, മധുരക്കിഴങ്ങ് എന്നിവ ഷുഗര് ഫ്രീ ഡയറ്റില് ഉള്പ്പെടുത്താം. ചോറു വേണമെന്നുള്ളവര് ചുവന്ന അരി മാത്രം ഉപയോഗിക്കുക. നാരുകളടങ്ങിയ ഏതു ഭക്ഷണവും ഈ ഡയറ്റിന് കീഴില് വരും.
കൃത്യ സമയത്ത് മിതമായ തോതില് ഭക്ഷണമെന്നത് ഷുഗര് ഫ്രീ ഡയറ്റില് പ്രത്യേകം ശ്രദ്ധിക്കേണ്ട കാര്യമാണ്.
