ഉണ്ണിയപ്പം ഇഷ്ടമല്ലാത്തവര് ചുരുക്കമാണ്. എന്നാല് ഇത് തയ്യാറാക്കേണ്ട കഷ്ടപ്പാട് ആലോചിക്കുമ്പോള് പലപ്പോഴും പലരും ആ ഉദ്യമത്തില് നിന്ന് പിന്മാറുന്നു. എന്നാല് ഇനി അധികം കഷ്ടപ്പെടാതെ നമുക്ക് നല്ല കിടിലന് ഉണ്ണിയപ്പം ഉണ്ടാക്കാം. അതും ഒരു തരി അരിപ്പൊടി ചേര്ക്കാതെ. റവ കൊണ്ടാണ് ഈ സ്വാദിഷ്ടമായ ഉണ്ണിയപ്പം തയ്യാറാക്കുന്നത്. അധികം കഷ്ടപ്പാടില്ലാതെ നമുക്ക് വളരെ എളുപ്പത്തില് എങ്ങനെ ഉണ്ണിയപ്പം തയ്യാറാക്കാം എന്ന് നോക്കാം.
ആവശ്യമുള്ള ചേരുവകള്
റവ- കാല്ക്കിലോ
ഏത്തപ്പഴം - ഒരെണ്ണം
ശര്ക്കര- കാല്ക്കിലോ
പാല് - കാല് ലിറ്റര്
ഏലക്കായ- രണ്ടെണ്ണം
ജീരകം -കാല് ടീസ്പൂണ്
വെള്ളം - അരക്കപ്പ്
വെളിച്ചെണ്ണ- ഒരു കപ്പ്
തേങ്ങക്കൊത്ത് - 4 ടേബിള് സ്പൂണ്
Most read: നല്ല നാടന് മുട്ട ബിസ്ക്കറ്റ് അരമണിക്കൂറിനുള്ളില് റെഡി
തയ്യാറാക്കുന്ന വിധം
ഉണ്ണിയപ്പം തയ്യാറാക്കുന്നതിന് വേണ്ടി ആദ്യം ശര്ക്കര അല്പം വെള്ളം
ചേര്ത്ത് ഉരുക്കിയെടുക്കണം. ശേഷം ഇത് തണുക്കുന്നതിന് വേണ്ടി മാറ്റി
വെക്കുക. ഒരു പാത്രത്തില് പാലും റവയും മിക്സ് ചെയ്ത് എടുക്കുക. ഇത്
അരമണിക്കൂര് വെച്ചതിന് ശേഷം മിക്സിയിലേക്ക് ചൂടാറാന് വേണ്ടി വെച്ച
ശര്ക്കര പാനിയും റവ, വാഴപ്പഴം, ഏലക്ക, ജീരകം എന്നിവ മിക്സ് ചെയ്ത്
നല്ലതുപോലെ മാവ് പരുവത്തില് അരച്ചെടുക്കണം. വെള്ളം
അധികമാവാതിരിക്കുന്നതിന് പ്രത്യേകം ശ്രദ്ധിക്കണം.
most read: മലബാര് മുട്ടമാലക്കൊരു പ്രത്യേകതയുണ്ട്: ഈസി റെസിപ്പി നിങ്ങള്ക്കായി
ഇഡ്ഡലി മാവിന്റെ പരുവത്തിലാവുമ്പോള് മാറ്റാവുന്നതാണ്. ശേഷം ഉണ്ണിയപ്പ പാത്രം അടുപ്പില് വെച്ച് ചൂടാക്കി മാവ് ഓരോ കുഴിയിലായി ഒഴിച്ച് കൊടുക്കാം. സ്വര്ണനിറമാവുന്നത് വരെ മറിച്ചിട്ട് കൊടുക്കണം. കരിഞ്ഞ് പോവാതിരിക്കുന്നതിന് തീ എപ്പോഴും താഴ്ത്തി വെക്കേണ്ടതാണ്. നല്ലതുപോലെ വെന്ത ശേഷം കോരി മാറ്റാം. അധികം കഷ്ടപ്പെടാതെ തന്നെ നല്ല സൂപ്പര് രുചിയുള്ള ഉണ്ണിയപ്പം അരമണിക്കൂറില് റെഡിയാക്കാം.
Continue with Google