നാളെ മുപ്പെട്ട് വെള്ളി;ദാരിദ്ര്യമുക്തിക്ക് ഈ വ്രതം

വെള്ളിയാഴ്ചയും കാര്‍ത്തിക നക്ഷത്രവും

ഈ മാസത്തെ പ്രത്യേകത എന്ന് പറഞ്ഞാൽ വെള്ളിയാഴ്ചയും കാർത്തിക നക്ഷത്രവും ഒരുമിച്ച് വരുന്നു എന്നുള്ളതാണ്. അതുകൊണ്ട് തന്നെ ഈ ദിവസത്തെ വ്രതത്തിന് ഇരട്ടിഫലമാണ് ലഭിക്കുന്നത്. കന്നിമാസത്തിലെ ആദ്യ വെള്ളിയാഴ്ചയാണ് ഇത്. കൂടാതെ കാർത്തിക ദിനവും. വ്രതം എടുക്കുന്നതിന് മുൻപ് ചില ചിട്ടവട്ടങ്ങൾ പാലിക്കേണ്ടതുണ്ട്. വ്രതം എടുക്കുന്നതിന് മുന്നോടിയായി രാവിലെ കുളിച്ചതിന് ശേഷം നിലനിളക്ക് കൊളുത്തി ഓം ശ്രീയൈ നമ എന്ന മന്ത്രം 108 തവണ ജപിക്കണം.

ക്ഷേത്രദർശനം പ്രധാനം

ക്ഷേത്രദർശനം വളരെയധികം പ്രധാനപ്പെട്ടതാണ്. ദേവീ ക്ഷേത്ര ദർശനം നടത്തി വഴിപാടുകൾ നടത്തേണ്ടതാണ്. സന്ധ്യക്ക് നിലവിളക്ക് കൊളുത്തി ലക്ഷ്മീ പാരായണം നടത്തേണ്ടതാണ്. ലളിതാ സഹസ്രനാമവും കനകധാരാ സ്തോത്രവും നടത്തേണ്ടതാണ്. ഇത് കടബാധ്യതയിൽ നിന്ന് നിങ്ങളെ കരകയറ്റുന്നതിനും ജീവിതത്തിൽ സാമ്പത്തിക ബുദ്ധിമുട്ടുകൾ ഉണ്ടാക്കാതിരിക്കുന്നതിനും സഹായിക്കുന്നുണ്ട്.

വ്രതം എടുക്കേണ്ടത്

വ്രതം എടുക്കേണ്ടത് എങ്ങനെ എന്നുള്ളത് ശ്രദ്ധിക്കേണ്ട കാര്യമാണ്. കാരണം അതിന് വേണ്ടി ഉപവാസം എടുക്കരുത്. വീട്ടിൽ തന്നെ പാകം ചെയ്ത് മത്സ്യമാംസാദികൾ വർജ്ജിച്ച് വേണം ഭക്ഷണം കഴിക്കുന്നതിന്. ഉച്ചക്ക് അരിയാഹാരം കഴിക്കാവുന്നതാണ്. എന്നാൽ മറ്റ് രണ്ട് നേരങ്ങളിൽ ധാന്യഭക്ഷണങ്ങൾ കഴിക്കണം. പാവപ്പെട്ടവർക്ക് ഭക്ഷണം ദാനം ചെയ്യുന്നതിനുള്ള കഴിവുണ്ടെങ്കിൽ ചെയ്യാൻ മടിക്കരുത്.

ഗണേശപ്രീതിക്ക്

ഗണേശ പ്രീതിയും വളരെയധികം പ്രധാനപ്പെട്ടത് തന്നെയാണ്. ഗണേശ പ്രീതിക്കായി ഗണേശ അഷ്ടോത്തരം ജപിക്കുന്നതിന് ശ്രദ്ധിക്കുക. വിഘ്നങ്ങൾ അകറ്റി ജീവിതത്തിൽ മുന്നോട്ട് നയിക്കുന്നതിന് നിങ്ങൾക്ക് ഈ വ്രതവും പ്രാര്‍ത്ഥനയും സഹായിക്കുന്നുണ്ട്. സാമ്പത്തിക ബുദ്ധിമുട്ടുകൾ ഇല്ലാതാക്കി അതിൽ നിന്ന് കരകയറുന്നതിന് നിങ്ങൾക്ക് ഈ വ്രതത്തിലൂടെ സാധിക്കുന്നു.

ശാന്തിയും സമാധാനവും

മഹാലക്ഷ്മിയുടെ അനുഗ്രഹമുള്ള വീടുകളിൽ എന്നും ശാന്തിയും ഐശ്വര്യവും സമാധാനവും നിലനിൽക്കുന്നുണ്ട്. അല്ലാത്ത പക്ഷം ജീവിതത്തിൽ പ്രശ്നങ്ങൾ ധാരാളം ഉണ്ടാവുകയും നേട്ടങ്ങൾ ഒന്നുമില്ലാതെ മാറുകയും ചെയ്യുന്നു. ജീവിതപുരോഗതിക്കും സാമ്പത്തിക നേട്ടത്തിനും മഹാലക്ഷ്മ്യഷ്ടകം ചൊല്ലേണ്ടത് അത്യാവശ്യമാണ്.