നട്ടെല്ലിന്റെ കരുത്തിനോടൊപ്പം ശരീരത്തിന് സ്റ്റാമിനയും നല്‍കും യോഗാസനങ്ങള്‍

നൗകാസനം

നൗകാസനം ചെയ്യുന്നതിലൂടെ അത് നിങ്ങളുടെ ശാരീരിക മാനസിക ആരോഗ്യം വര്‍ദ്ദിപ്പിക്കുന്നു. ഇത് നിങ്ങളുടെ സമ്മര്‍ദ്ദത്തെ മറികടക്കുകയും ശരീരത്തിന് ഉണ്ടാവുന്ന പല പ്രശ്‌നങ്ങളില്‍ നിന്ന് പരിഹാരം കാണുന്നതിന് സഹായിക്കുകയും ചെയ്യുന്നു. നട്ടെല്ലിന്റെ ഭാഗത്തെ മസിലുകള്‍ക്ക് ശക്തി പകരുന്നതോടൊപ്പം തന്നെ സന്ധികള്‍ക്ക് വഴക്കം വര്‍ദ്ധിപ്പിക്കുകയും ശരീരത്തിന് മൊത്തത്തില്‍ ആരോഗ്യം നല്‍കുകയും ചെയ്യുന്നു. ദഹനം മെച്ചപ്പെടുത്തുകയും ശരീരത്തിന്റെ സ്ഥിരത മെച്ചപ്പെടുത്തുകയും ചെയ്യുന്നു. ഇത് കൂടാതെ പ്രമേഹത്തെ നിയന്ത്രിക്കുന്നതിനും അടിവയറിലെ പേശികളില്‍ രക്തയോട്ടം വര്‍ദ്ധിപ്പിക്കുന്നതിനും സഹായിക്കുന്നു. കിഡ്‌നിയുടെ ആരോഗ്യം വര്‍ദ്ധിപ്പിക്കുന്നതിനും കൈകള്‍, തുടകള്‍, തോളുകള്‍ എന്നീ പേശികളുടെ ആരോഗ്യം വര്‍ദ്ധിപ്പിക്കുന്നതിനും സഹായിക്കുന്നു.

ബാലാസനം

ബാലാസനം ചെയ്യുന്നത് ആരോഗ്യത്തിന് നല്‍കുന്ന ഗുണങ്ങള്‍ നിസ്സാരമല്ല. ഇത് ചെയ്യുമ്പോള്‍ നിങ്ങളുടെ ശരീരം വളരെയധികം സമ്മര്‍ദ്ദരഹിതമാവുന്നു. അത് മാത്രമല്ല ശരീരത്തിന് മൊത്തത്തില്‍ വിശ്രമിക്കുന്നതിനുള്ള സമയം കൂടിയാണ് ബാലാസനം. പുരികങ്ങള്‍ക്ക് ഇടയില്‍ ഉള്ള വാഗസ് നാഡിയെ ഉത്തേജിപ്പിച്ച് ശരീരത്തിനെ കൂടുതല്‍ റിലാക്‌സ് ആക്കുന്നു. ഇത് കൂടാതെ നെഞ്ചിലെയും പുറകിലെയും തോളിലെയും പിരിമുറുക്കം ഇല്ലാതാക്കാന്‍ സഹായിക്കുന്നു ബാലാസനം. നിങ്ങള്‍ക്ക് വ്യായാമം ചെയ്യുമ്പോള്‍ എന്തെങ്കിലും തരത്തിലുള്ള അസ്വസ്ഥതകള്‍ അനുഭവപ്പെടുകയാണെങ്കില്‍ അതിന് പരിഹാരം കാണുന്നതിന് വേണ്ടിയും ബാലാസനം ചെയ്യാവുന്നതാണ്. ഇത് പുറം, ഇടുപ്പ്, തുടകള്‍, കണങ്കാല്‍ എന്നിവയുടെ ആരോഗ്യത്തിനും സഹായിക്കുന്നു. എന്നാല്‍ ഗര്‍ഭിണികളായ സ്ത്രീകള്‍, വയറിന് അസ്വസ്ഥതയുള്ളവര്‍, കാല്‍മുട്ടിന് പരിക്കേറ്റവര്‍ ഒന്നും ബാലാസനം ചെയ്യരുത്.

സേതുബന്ധാസനം

ആരോഗ്യത്തിന്റെ കാര്യത്തില്‍ നിരവധി ഗുണങ്ങളാണ് സേതുബന്ധാസനം നല്‍കുന്നത്. ഇത് നിങ്ങളുടെ നട്ടെല്ല്, ഇടുപ്പ് എന്നീ ഭാഗങ്ങള്‍ക്ക് കരുത്തും ശരീരത്തിന് നല്ല സ്റ്റാമിനയും നല്‍കുന്നു. ഇത് കൂടാതെ കഴുത്തിന്റെ ആരോഗ്യത്തിനും മികച്ചതാണ് സേതുബന്ധാസനം. ഈ ആസനം ചെയ്യുന്നതിലൂടെ അത് നിങ്ങളുടെ പുറം ഭാഗം, നിതംബം, ഹാംസ്ട്രിംഗ് എന്നിവ ശക്തിപ്പെടുത്തുക മാത്രമല്ല, രക്തചംക്രമണം വര്‍ദ്ധിപ്പിക്കുകയും സമ്മര്‍ദ്ദം കുറച്ച് തലച്ചോറിനെ ശാന്തമാക്കുകയും ചെയ്യുന്നു. ഇത്തരം അവസ്ഥയില്‍ ആരോഗ്യ സംരക്ഷണത്തിന്റെ കാര്യത്തില്‍ എന്തുകൊണ്ടും മികച്ചതാണ് സേതുബന്ധാസനം എന്നതില്‍ സംശയം വേണ്ട.

ഉസ്ട്രാസനം

ശരീരത്തിന് ഏറ്റവും കൂടുതല്‍ ഗുണപ്രദമായി മാറുന്ന ഒന്നാണ് ഉസ്ട്രാസനം. ഇത് ചെയ്യുന്നതിലൂടെ നിങ്ങളുടെ ശരീരം വളരെ പെട്ടെന്ന് തന്നെ വഴക്കമുള്ളതായി മാറുന്നു. കൂടാതെ ഇടുപ്പിനപെ ശക്തിപ്പെടുത്തുന്നതും തോള്‍, പുറംഭാഗം എന്നിവക്ക് നല്ലതുപോലെ സ്‌ട്രെച്ച് നല്‍കുന്നതിനും ഉസ്ത്രാസനം സഹായിക്കുന്നു. ശ്വാസോച്ഛ്വാസം മെച്ചപ്പെടുത്തുന്നതോടൊപ്പം ഇത്തരം അവസ്ഥകള്‍ക്ക് പരിഹാരം കാണുന്നതിനും ഉസ്ത്രാസനം സഹായിക്കുന്നു. ഇത് അമിതവണ്ണത്തേയും വയറ്റിലെ കൊഴുപ്പിനേയും ഇല്ലാതാക്കുന്നതിന് സഹായിക്കുന്നു. നടുവേദന പൂര്‍ണമായും ഇല്ലാതാക്കുന്നതിനും ശരീരത്തിന്റെ ഭാവം മെച്ചപ്പെടുത്തുന്നതിനും തുടയിലെ കൊഴുപ്പിനെ ഇല്ലാതാക്കുന്നതിനും സഹായിക്കുന്നു.

പദ്മാസനം

വളരെയധികം ഗുണം ചെയ്യുന്നതാണ് പത്മാസനം. ഇത് നിങ്ങളുടെ ആരോഗ്യ സംരക്ഷണത്തിന്റെ കാര്യത്തില്‍ വളരെയധികം സഹായിക്കുന്നതാണ്. പത്മാസനം നിങ്ങളുടെ ഓര്‍മ്മശക്തിയും ഏകാഗ്രതയും വര്‍ദ്ധിപ്പിക്കുന്നു. ഇടുപ്പിന്റെ ആരോഗ്യത്തിനും കരുത്തിനും നിങ്ങള്‍ക്ക് പത്മാസനത്തിനും സഹായിക്കുന്നു. ഇത് ശ്വസനം മെച്ചപ്പെടുത്തുന്നതിനും ആരോഗ്യത്തിനും മികച്ചതാണ്. നടുവേദന ഇല്ലാതാക്കുന്നതിനും ആരോഗ്യ സംരക്ഷണത്തിനും എന്തുകൊണ്ടും മികച്ചതാണ് പത്മാസനം. എന്നാല്‍ എന്ത് യോഗാസനം ചെയ്യുമ്പോഴും നിങ്ങള്‍ മികച്ച ഒരു യോഗാചാര്യന്റെ നേതൃത്വത്തില്‍ ചെയ്യേണ്ടതാണ്. ഇത്തരം കാര്യങ്ങള്‍ ഓര്‍മ്മയില്‍ വെക്കേണ്ടതാണ്.