മഴക്കാലത്ത് ആരോഗ്യത്തോടെയിരിക്കാന്‍ ഇതാ 5 ഔഷധപാനിയങ്ങള്‍!

ഗോള്ഡന് മില്ക്ക് :

ഒരു കപ്പ് പാലിന് ഒരു കപ്പ് വെള്ളം എന്നാ കണക്കിന് രണ്ടും ചേര്ത്ത് തിളപ്പിക്കുക. ഒരു നുള്ള് മഞ്ഞള്പ്പൊടി, ജാതിക്ക, കുരുമുളകുപൊടി, 2-3 നാര് കുങ്കുമപ്പൂ എന്നിവ അതിലേക്ക് ചേര്ക്കുക. ഇത് പകുതി വറ്റുന്നത് വരെ തിളപ്പിക്കുക. ശേഷം ശര്ക്കര കൂടി ചേര്ത്ത് ഇളക്കുക. ഈ പാനീയം ചൂടോടെയോ ഇളം ചൂടോടെയോ കുടിക്കുക.

ആരോഗ്യഗുണങ്ങള് : മഴക്കാലത്ത് ഡെങ്കിപ്പനി, മലേറിയ, പകര്ച്ചപ്പനി എന്നിവയെല്ലാം സാധാരണമായിരിക്കും. അസുഖത്തിന് കാരണമായ അണുക്കളെ നശിപ്പിച്ച് ശരീരത്തിന്റെ പ്രതിരോധശേഷി വര്ദ്ധിപ്പിക്കാന് സഹായിക്കുന്ന ഗുണങ്ങള് അടങ്ങിയതാണ് ഈ ഔഷധപാനീയം. ദഹനം ശരിയാവാനും, നിര്ജ്ജലീകരണം തടയുവാനും, പ്രോട്ടീനുകള് നഷ്ടപ്പെടാതെ സൂക്ഷിക്കുവാനും ഈ പാനീയം സഹായിക്കുന്നു.

കധ

കധ അഥവാ കഷായപ്പൊടി ഉണ്ടാക്കുവാനായി, കൊത്തമല്ലി, ജീരകം, പേരുംജീരകം എന്നിവ 4:2:1 എന്നാ അനുപാതത്തില് ഒരു ടേബിള്സ്പൂണ് കറുത്ത ഉണക്കിയ കുരുമുളകിനോടൊപ്പം ചേര്ത്ത് വറുക്കുക. വറുത്തതിനുശേഷം ഇവ നന്നായി പൊടിച്ച് വായു കടക്കാത്ത ഒരു ജാറില് ഇട്ട് സൂക്ഷിക്കുക. പാനീയം ഉണ്ടാക്കുന്നതിനായി, ഒരു ഗ്ലാസ് വെള്ളം തിളപ്പിച്ച് ഈ കഷായപ്പൊടിയും മധുരത്തിന് ശര്ക്കരയും അതിലേക്ക് ചേര്ക്കുക. അരിച്ചെടുത്തതിന് ശേഷം ചൂടോടെ കുടിക്കുക.

ആരോഗ്യഗുണങ്ങള് : കഷായം എന്നത് ഒരു ആയുര്വേദപാനിയമാണ്. കഫതടസ്സം നീക്കുവാന് ഇത് സഹായിക്കുന്നു. അപകടകരമായ ബാക്റ്റീരിയകളെ ശരീരത്തില് നിന്ന് നീക്കം ചെയ്ത് രോഗപ്രതിരോധശേഷി വര്ദ്ധിപ്പിക്കുവാന് കഷായം കുടിക്കുന്നതിലൂടെ സാധിക്കുന്നു.

പെരുംജീരക അയമോദക കഷായം :

ഒരു ടീസ്പൂണ് വീതം പെരുംജീരകവും അയമോദകവും ചൂടുവെള്ളത്തില് ചേര്ത്ത് തിളപ്പിക്കുക. വെള്ളം തിളച്ചതിനുശേഷം അടുപ്പില് നിന്നെടുത്ത് അതിലേക്ക് തേന് കൂടി ചേര്ക്കുക. ഭക്ഷണം കഴിച്ചതിനുശേഷം ഈ പാനീയം ചൂടോടെ കുടിക്കുക.

ആരോഗ്യഗുണങ്ങള് : ദഹനം എളുപ്പമാകുവാന് ഇത് സഹായിക്കുന്നു. അയമോദകത്തില് പ്രകൃതിദത്ത എണ്ണകള്, ജൈവസംയുക്തങ്ങള്, ചെമ്പ് തുടങ്ങിയ ധാതുക്കള് എന്നിവ അടങ്ങിയിരിക്കുന്നു. ഇവ ഡിസന്റെറി, ഡയേറിയ, വയറിലെ അണുബാധ, ഛര്ദ്ദി തുടങ്ങിയ പ്രശ്നങ്ങള് ശമിപ്പിക്കുവാന് സഹായിക്കുന്നു.

പുതിന ചായ

രണ്ട് കപ്പ് വെള്ളം തിളപ്പിക്കുക. ഇത് 3-4 മിനിട്ടുകള് അടുപ്പത്ത് വയ്ക്കുക. രണ്ട് മൂന്ന് കപ്പ് വെള്ളം മറ്റൊരു അടുപ്പില് വച്ച് ചൂടാക്കി അതിലേക്ക് ചതച്ച പുതിനയില ചേര്ക്കുക. ശേഷം, രണ്ട് പാത്രത്തിലെയും വെള്ളം യോജിപ്പിച്ച് കുടിക്കുക.

ആരോഗ്യഗുണങ്ങള് : നിങ്ങളുടെ ആരോഗ്യം മെച്ചപ്പെടുത്തുന്നതിനായിട്ടുള്ള പുതുമയുള്ള മാര്ഗ്ഗമാണിത്. ദഹനം നന്നാകുവാനും, ശരീര വേദന കുറയ്ക്കുവാനും, നെഞ്ചെരിച്ചില് അകറ്റുവാനും, ശരീരവും മനസ്സും ശാന്തമാക്കുവാനും, ഭാരം കുറയുന്നതിന് പരിഹാരമായും, ശ്വസനം മെച്ചപ്പെടുത്തുവാനും, പ്രതിരോധശേഷി വര്ദ്ധിപ്പിക്കുവാനും എല്ലാം പുതിന ചായ നിങ്ങളെ സഹായിക്കുന്നു.

റോസാ-തേന് ചായ

ഒരു പാത്രത്തില് വെള്ളം തിളപ്പിച്ച്, അതിലേക്ക് റോസാപ്പൂ ഇതളുകള് 5-6 സെക്കന്റ് നേരത്തേക്ക് ഇടുക. ഗാസ് ഓഫ് ചെയ്തതിനു ശേഷം ഇതളുകള് കുതിര്ന്ന് വെള്ളത്തിന്റെ നിറം മാറുന്നത് വരെ കാക്കുക. ശേഷം, വെള്ളം അരിച്ചെടുത്ത് അതിലേക്ക് തേന് ചേര്ത്ത് കുടിക്കുക.

ആരോഗ്യഗുണങ്ങള് : വിട്ടാമിന് സി അടങ്ങിയിരിക്കുന്നതിനാല് ഈ പാനിയം ശരീരത്തിന്റെ രോഗപ്രതിരോധശേഷി വര്ദ്ധിപ്പിക്കുകയും, പല വിധത്തിലുള്ള അണുബാധകള് നശിപ്പിക്കുകയും ചെയ്യുന്നു. കൂടാതെ, തൊണ്ടവേദന, ഡയേറിയ തുടങ്ങിയ മഴക്കാലത്തെ പ്രശ്നങ്ങളും ഈ പാനിയം സുഖപ്പെടുത്തുന്നു.