പുരുഷന്‍മാരുടെ കുടവയറിനു പിന്നില്‍.....

ബിയര്‍

ആല്‍ക്കഹോളില്‍ നിന്നും മുക്തി നേടിയ പലരും ബിയറില്‍ അഭയം പ്രാപിക്കും. എന്നാല്‍ തിരിച്ചും സംഭവിക്കാം. ബിയറില്‍ തുടങ്ങി മുഴുക്കുടിയന്‍മാരാവുന്നവരും കുറവല്ല. ബിയര്‍ ഉപയോഗത്തിലൂടെ കലോറി വര്‍ദ്ധിക്കുകയും ഇത് കുടവയര്‍ ഉണ്ടാവാനുള്ള സാധ്യത വര്‍ദ്ധിപ്പിക്കുകയും ചെയ്യും.

ജോലിയുടെ സ്വഭാവം

നമ്മള്‍ ചെയ്യുന്ന ജോലിയുടെ സ്വഭാവം അനുസരിച്ച് കുടവയര്‍ വരാനുള്ള സാധ്യത വളരെ കൂടുതലാണ്. മണിക്കൂറുകളോളം ഇരുന്ന് ജോലി ചെയ്യുകയും മതിയായ വ്യായാമം ഇല്ലാതെ വരികയും ചെയ്യുമ്പോള്‍ കൊഴുപ്പ് അടിഞ്ഞു കൂടി കുടവയര്‍ ഉണ്ടാകും.

വ്യായാമം ചെയ്യാനുള്ള മടി

എല്ലാ ദിവസവും തിരക്കുകള്‍ക്ക് പിന്നാലെയാണ് നമ്മുടെ ജീവിതം. അതുകൊണ്ടു തന്നെ വ്യായാമം ചെയ്യാനുള്ള സമയമില്ലായ്മ നമ്മളെ മടിയന്‍മാരാക്കും. ഇതു കുടവയര്‍ മാത്രമല്ല നമ്മളെ അനാരോഗ്യത്തില്‍ കൊണ്ടെത്തിക്കും.

സ്‌ട്രെസ്സ്

ഇന്നത്തെ ജോലികളെല്ലാം സ്‌ട്രെസ്സും ടെന്‍ഷനും നിറഞ്ഞതാണ്. അതുകൊണ്ടു തന്നെ സ്‌ട്രെസ്സ് മൂലമുണ്ടാകുന്ന പ്രശ്‌നങ്ങള്‍ ഹോര്‍മോണ്‍ ബാലന്‍സിലും വ്യതിയാനം സൃഷ്ടിക്കും.

പ്രിയങ്കരം ജങ്ക് ഫുഡ്

പുരുഷന്‍മാരേക്കാള്‍ ജങ്ക് ഫുഡ് ഇഷ്ടപ്പെടുന്നത് സ്ത്രീകളാണ് എന്നാണ് സര്‍വ്വേകള്‍ സൂചിപ്പിക്കുന്നത്. എന്നാലും പുരുഷന്‍മാരും ഒട്ടും പുറകിലല്ല എന്നതാണ് അവരുടെ പൊണ്ണത്തടിയും കുടവയറും സൂചിപ്പിക്കുന്നത്.

കിടത്തം നല്ലതിനല്ല

ഭൂരിഭാഗം പുരുഷന്‍മാരും അവരുടെ ഒഴിവു സമയങ്ങള്‍ ചിലവഴിക്കുന്നത് കിടന്നുകൊണ്ട് ടി വി കാണാനും വീഡിയോ ഗെയിം കളിക്കാനും ആണ്. എന്നാല്‍ ഇതു ചെയ്യുന്നതോടൊപ്പം തന്നെ ഭക്ഷണം കഴിക്കുകയും ചെയ്യുന്നു എന്നതാണ് ഇവരെ കുടവയറന്മാരാക്കുന്നതിന്റെ പ്രധാന കാരണം.

പാര്‍ട്ടികള്‍ ഒഴിവാക്കാനാവില്ല

മൃഗങ്ങള്‍ ഇര പിടിക്കാന്‍ പതുങ്ങി ഇരിക്കുന്നതു പോലെയാണ് ചില പുരുഷന്‍മാര്‍ പാര്‍ട്ടികളില്‍ പങ്കെടക്കുന്നത്. യാതൊരു നിയന്ത്രണവുമില്ലാതെ കുടിക്കുകയും ഭക്ഷണം കഴിക്കുകയും ചെയ്യും. എന്നാല്‍ ഇതെല്ലാം അവരുടെ ആരോഗ്യത്തെ പ്രതികൂലമായി ബാധിക്കുന്നുണ്ടെന്ന കാര്യം ഓര്‍ക്കാതെ.

ഉറക്കമില്ലായ്മ

ഉറക്കമില്ലായ്മയാണ് ഇപ്പോഴത്തെ ചെറുപ്പക്കാരെ ബാധിയ്ക്കുന്ന പ്രധാന പ്രശ്‌നങ്ങളില്‍ ഒന്ന്. ഉറക്കമില്ലായ്മ നമ്മുടെ വളര്‍ച്ചയേയും ദഹനപ്രക്രിയകളേയും പ്രതികൂലമായി തന്നെ ബാധിയ്ക്കും എന്ന കാര്യത്തില്‍ സംശയമേ വേണ്ട.

മധുര പ്രിയം കുറയ്ക്കാം

ഐസ്‌ക്രീം, ജ്യൂസ് മറ്റു മധുര പലഹാരങ്ങള്‍ തുടങ്ങിയവയുടെ ഉപയോഗം നമ്മളെ പൊണ്ണത്തടിയന്‍മാരും കുടവയറന്‍മാരും ആക്കും എന്ന കാര്യത്തില്‍ സംശയമേ വേണ്ട.