കണക്കുകള്‍ തെറ്റിക്കും വ്യായാമം

Wellness

oi-Saritha

By Veena

Published: Thursday, March 29, 2012, 17:15 [IST]

എത്രത്തോളം വ്യായാമം ഒരാള്‍ക്ക് വേണ്ടിവരുമെന്ന കാര്യത്തില്‍ കൃത്യമായ ഒരു കണക്കു പറയാന്‍ സാധ്യമല്ല. പലരും ചെയ്യേണ്ട വ്യായാമങ്ങളും സമയവും വ്യത്യസ്തമാണ്. ശരീരത്തിന്റെ ആകെയുള്ള ആരോഗ്യനിലയും തൂക്കവും അനുസരിച്ച് ഇത് പലരിലും വ്യത്യസ്തമായിരിക്കും.

ആഴ്ചയില്‍ രണ്ടോ മൂന്നോ ദിവസം അര, ഒരു മണിക്കൂര്‍ സമയം വരെ വ്യായാമം ചെയ്യാം. പുതുതായി വ്യായാമം ചെയ്തു തുടങ്ങുമ്പോള്‍ ലളിതമായ വ്യായാമമുറകള്‍ വേണം ആദ്യം ചെയ്യാന്‍. പിന്നീട് സമയം കൂട്ടുകയും കൂടുതല്‍ ബുദ്ധിമുട്ടേറിയ വ്യായാമമുറകള്‍ അഭ്യസിക്കുകയും ചെയ്യാം.

ആദ്യമായി വ്യായാമം ചെയ്യുമ്പോള്‍ ശരീരത്തിന് ചെറിയ ക്ഷീണവും മസില്‍ വേദനവും സാധാരണമാണ്. എന്നാല്‍ ഇത് കൂടുതലായി അനുഭവപ്പെടുന്നുണ്ടെങ്കില്‍ ഇതിന്റെ കാരണം കണ്ടെത്തുക.

വ്യായാമശേഷം പോഷകങ്ങളടങ്ങിയ ഭക്ഷണങ്ങള്‍ നിര്‍ബന്ധമായും കഴിച്ചിരിക്കണം. വ്യായാമം ചെയ്യുകയും ഒപ്പം ഭക്ഷണം കഴിയ്ക്കാതിരിക്കുകയും ചെയ്ത് തടി കുറയ്ക്കാന്‍ നോക്കിയാല്‍ ആരോഗ്യം തകരാറിലാകും.

ഭക്ഷണത്തിനൊപ്പം വിശ്രമവും അത്യാവശ്യം. അല്ലെങ്കില്‍ തളര്‍ച്ച കൂടും. വ്യായാമം ചെയ്യാനുള്ള ശാരീരികാവസ്ഥ തന്നെ ഉണ്ടായില്ലെന്നും വരും.

കൂടുതല്‍ ശാരീരിക അധ്വാനമുള്ള ജോലികള്‍ ചെയ്യുന്നവര്‍ പ്രത്യേകിച്ച് വേറെ വ്യായാമം ചെയ്തുകൊള്ളണമെന്നില്ല.

വ്യായാമം ചെയ്യുമ്പോള്‍ ഇത്തരം കാര്യങ്ങളും പരിഗണിക്കുക. അല്ലെങ്കില്‍ ആരോഗ്യത്തിന് വേണ്ടി ചെയ്യുന്ന വ്യായാമം ഒരാളെ രോഗിയാക്കി മാറ്റും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.