അമിത വ്യായാമം അപകടം

Published: Thursday, March 29, 2012, 17:18 [IST]

വ്യായാമം കൂടുതല്‍ ചെയ്താല്‍ നല്ലതാണ്, പെട്ടെന്ന് മെലിയും തുടങ്ങിയ ധാരണകള്‍ ഉള്ളവരുണ്ട്. എന്നാല്‍ ഇതില്‍ യാതൊരു വാസ്തവവുമില്ല, മാത്രമല്ലാ, അമിതവ്യായാമം ആരോഗ്യത്തിന് ദോഷകരവുമാണ്.

അധികവ്യായാമം ചിലപ്പോള്‍ തടി കൂടുതല്‍ കുറയ്ക്കുമായിരിക്കും. എന്നാല്‍ ആരോഗ്യകരമായ രീതിയിലാകില്ല. ശരീരം ദുര്‍ബലമാകും. മസിലുകള്‍ക്ക് ബലം നഷ്ടപ്പെടും. ശരീരത്തിലും മസിലുകളിലും വേദന അനുഭവപ്പെടും.

വ്യായാമം അധികമാകുമ്പോള്‍ ശരീരത്തില്‍ വേഗം മുറിവുകളുണ്ടാകും. എല്ലുകളുടെ ബലം കുറയും. ശരീരകോശങ്ങള്‍ക്കും അധിക വ്യായാമം നല്ലതല്ല.

പ്രതിരോധ ശേഷി കുറയുന്നതാണ് അധിക വ്യായാമത്തിന്റെ മറ്റൊരു ദോഷഫലം. ഇതിന്റെ ഫലമായി അസുഖങ്ങള്‍ പെട്ടെന്നു വരും. ഇത് ആകെയുള്ള ആരോഗ്യത്തെ കുറയ്ക്കും.

അധിക വ്യായാമം ചെയ്യുന്നവരില്‍ ഈറ്റിംഗ് ഡിസോര്‍ഡേഴ്‌സ് വരാന്‍ സാധ്യത കൂടുതലാണ്. ബുലീമിയ, അനോക്‌സിയ തുടങ്ങിയ പ്രശ്‌നങ്ങള്‍ ഇത്തരക്കാരില്‍ സാധാരണം. നിയന്ത്രണമില്ലാതെ ഭക്ഷണം കഴിയ്ക്കുന്നതാണ് ഇത്തരം രോഗങ്ങളുടെ പ്രധാന ലക്ഷണം.

വ്യായാമം കൂടുതല്‍ ചെയ്യുന്നവരില്‍ ഉറക്കസംബന്ധമായ പ്രശ്‌നങ്ങളും കണ്ടുവരുന്നുണ്ട്. ഉറക്കം വരാതിരിക്കുക, കൂടുതല്‍ നേരം ഉറങ്ങുക തുടങ്ങിയവ പ്രശ്‌നങ്ങളും അമിത വ്യായാമം ഉണ്ടാക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.