ഒരിക്കല്‍ തടിവച്ചാല്‍ പിന്നത്തെ കാര്യം ഗോപി

By Lakshmi

Published: Tuesday, August 16, 2011, 13:09 [IST]

തടികുറച്ച് മെലിഞ്ഞ സുന്ദരന്മാരും സുന്ദരിമാരും ആകാന്‍ ആഗ്രഹിക്കുന്നവര്‍ക്ക് തീര്‍ത്തും നിരാശയുണ്ടാക്കുന്ന ഒരു വാര്‍ത്തയാണ് മെഡിക്കല്‍ റിസര്‍ച്ച് കൗണ്‍സില്‍ ഓഫ് ഹെല്‍ത്ത് ആന്റ് ഡെലവപ്‌മെന്റില്‍ നിന്നും കഴിഞ്ഞ ദിവസം പുറത്തുവന്നിരിക്കുന്നത്.

ഇവിടുത്തെ ഗവേഷകരുടെ കണ്ടെത്തല്‍ പ്രകാരം ഒരിക്കല്‍ വണ്ണിച്ചിരുന്ന ആളുകള്‍ പിന്നീടൊരിക്കല്‍ സ്ലിം എന്ന അവസ്ഥയില്‍ എത്തില്ലെന്നാണ്. കഠിനമായ വ്യായാമം, ഭക്ഷണ നിയന്ത്രണം എന്നിവയിലൂടെ വണ്ണം കുറച്ചാല്‍ത്തന്നെയും ഒരു വര്‍ഷം കഴിയുമ്പോള്‍ എല്ലാം കൂടെ തിരിച്ചുവന്ന പഴയ തടിയുള്ള അവസ്ഥയില്‍ത്തന്നെ എത്തുമെന്നാണ് ഗവേഷകര്‍ പറയുന്നത്.

ഇരുപത്തിയയ്യാരിത്തോളം ആളുകളില്‍ പഠനം നടത്തിയാണ് ഗവേഷകര്‍ ഈ അനുമാനത്തില്‍ എത്തിയിരിക്കുന്നത്.

അയ്യാരയിരത്തില്‍പ്പം പുരുഷന്മാരെയും സ്ത്രീകളെയും അവരുടെ ജനനകാല മുതല്‍ക്കും(1946) ഇരുപതിനായിരത്തോളം ആളുകളുടെ 1958മുതല്‍ക്കുമാണ് നിരീക്ഷിച്ച് തുടങ്ങിയത്. ഇവരുടെ രക്തസമ്മര്‍ദ്ദം, ജീവിതരീതി, ശരീരഭാരം എന്നിവയെല്ലാം കൃത്യമായി ഗവേഷകര്‍ രേഖപ്പെടുത്തുന്നുണ്ടായിരുന്നു.

രണ്ടു വിഭാഗക്കാരിലും 1980കളില്‍ എത്തിയപ്പോള്‍ വണ്ണം കൂടുന്നതായാണ് കണ്ടത്. പിന്നീട് ഇത് വര്‍ധിക്കുകയും ചെയ്തു. ഇവരില്‍ത്തന്നെ ഒരിക്കല്‍ അമിതഭാരവും വണ്ണവും ഉണ്ടായവര്‍ പിന്നീട് ചില ഇടവേളകളില്‍ തടി കുറഞ്ഞെങ്കിലും വീണ്ടും പഴയ അവസ്ഥയില്‍ത്തന്നെ എത്തുകയാണത്രേ ഉണ്ടായത്. ചിലരുടെയൊന്നും ഭാരം കുറയുകയേചെയ്തില്ലെന്നും ഗവേഷകര്‍ പറയുന്നു.

അതുകൊണ്ട് ഗവേഷകര്‍ പറയുന്നത്, അമിത വണ്ണം വരാതെ സൂക്ഷിക്കുന്നതാണ് അത് വന്നുകഴിഞ്ഞ് മെലിയാന്‍ ശ്രമിക്കുന്നതിലും നല്ലതെന്നാണ്. എന്നാല്‍ തങ്ങള്‍ പറയുന്നത് ഡയറ്റിങും വ്യായാമം ചെയ്യലുമെല്ലാം ഫലം ചെയ്യില്ലെന്നല്ലെന്നും ഗവേഷകര്‍ പറയുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.