ഏഴ് ദിവസം കൊണ്ട് ഏഴ് കിലോ കുറയ്ക്കാം

Published: Friday, February 19, 2016, 16:46 [IST]

ഇന്നത്തെ ജീവിത സാഹചര്യത്തില്‍ ആരോഗ്യത്തെക്കുറിച്ച് ആലോചിക്കാനും ചിന്തിക്കാനും യാതൊരു തരത്തിലുള്ള സമയവും നമുക്ക് ലഭിയ്ക്കുന്നില്ല എന്നതിന്റെ ഏറ്റവും നല്ല ഉദാഹരണമാണ് അമിതവണ്ണവും കുടവയറും. എന്നാല്‍ അല്‍പം കൂടി ശ്രദ്ധിച്ചാല്‍ നമുക്ക് ഈ രണ്ട് പ്രശ്‌നങ്ങളേയും ഇല്ലാതാക്കാം.

ഏഴു ദിവസത്തെ ഭക്ഷണ ക്രമീകരണത്തിലൂടെ നമുക്ക് ഇത്തരത്തില്‍ അഞ്ച് കിലോ മുതല്‍ ഏഴ് കിലോ വരെ കുറയ്ക്കാം. എന്നാല്‍ എന്തും വലിച്ചു വാരി തിന്ന് തടി കുറയ്ക്കാമെന്നല്ല, ഓരോ ദിവസവും കൃത്യമായി പാലിക്കേണ്ട ചില ചിട്ടകളുണ്ട്. അവ എന്തൊക്കെയെന്ന് നോക്കാം.

എന്നാല്‍ കുറച്ച് നാളുകള്‍ മാത്രമേ ഈ ഡയറ്റ് തുടരാവൂ. ദിവസങ്ങള്‍ക്കുള്ളില്‍ തന്നെ ഇതിന്റെ ഫലം നമ്മള്‍ അറിഞ്ഞിരിക്കും എന്നതാണ് കാര്യം.

ദിവസം 1

ഒന്നാമത്തെ ദിവസം ഡയറ്റ് ആരംഭിയ്ക്കുമ്പോള്‍ തന്നെ അല്‍പം കൂടുതല്‍ ശ്രദ്ധ നല്‍കാം. നേന്ത്രപ്പഴം ഒഴികെയുള്ള ഏത് പഴവും കഴിയ്ക്കാം. ജലാംശം കൂടുതലുള്ളവ കൂടുതല്‍ കഴിയ്ക്കാം.

ദിവസം 2

പച്ചക്കറികള്‍ മാത്രമേ ഈ ദിവസം നമ്മുടെ ആഹാരമാക്കാവു എന്നതാണ് ശ്രദ്ധിക്കേണ്ടത്. മാത്രമല്ല വേവിച്ചതും അല്ലാതെയുമുള്ള പച്ചക്കറികളും നമ്മുടെ ആവശ്യത്തിന് കഴിയ്ക്കാം

ദിവസം 3

പച്ചക്കറികളും പഴങ്ങളും മിക്‌സ് ചെയ്ത് കഴിയ്ക്കാം. എന്നാല്‍ ഉരുളക്കിഴങ്ങും നേന്ത്രപ്പഴവും ഉപയോഗിക്കരുത് എന്നതാണ് ശ്രദ്ധിക്കേണ്ടത്.

ദിവസം 4

നേന്ത്രപ്പഴവും പാലും മാത്രം ആഹാരമാക്കുക. എന്നാല്‍ നേന്ത്രപ്പഴത്തിന്റെ എണ്ണം കൃത്യമായിരിക്കണം. എട്ടു നേന്ത്രപ്പഴവും ഒരു ഗ്ലാസ് പാലുമാണ് ഈ ദിവസം കഴിക്കേണ്ടത്.