വയര്‍ കുറയ്ക്കാന്‍ ചില വഴികള്‍

വയര്‍ കുറയ്ക്കാന്‍ പ്രധാനമായും കുറയ്‌ക്കേണ്ട ചില ഭക്ഷണങ്ങളുണ്ട്. കാപ്പി, റിഫൈന്‍ഡ് ഷുഗര്‍, മദ്യം, പ്രോസസ് ചെയത് ഭക്ഷണം എന്നിവയാണിവ.

ദിവസവും ഇത്തരം ഭക്ഷണം കഴിയ്ക്കുമ്പോള്‍ ആഴ്ചയില്‍ ഒരിക്കല്‍ ഇഷ്ടമുള്ള തരം ഭക്ഷണമാകാം. ഇത് ശരീരത്തിലെ അപചയപ്രവര്‍ത്തനങ്ങളെ ശക്തിപ്പെടുത്തും.

രാവിലെ ഉണര്‍ന്ന് ഒരു മണിക്കൂറിനകം ബ്രേക്ഫാസ്റ്റ് കഴിക്കുക. ബ്രേക്ഫാസ്റ്റ് യാതൊതു കാരണവശാലും ഒഴിവാക്കരുത്. ചുരുങ്ങിയത് എന്തെങ്കിലും ഫലവര്‍ഗങ്ങളോ നട്‌സോ കഴിയ്ക്കുക.

രാത്രി എട്ടുമണിക്കു മുന്‍പേ അത്താഴമാവാം. ഉറങ്ങുന്നതിന് തൊട്ടുമുന്‍പ് ഭക്ഷണം കഴിയ്ക്കുന്നത് ദഹനപ്രശ്‌നമുണ്ടാക്കുകയും വണ്ണവും വയറും കൂട്ടുകയും ചെയ്യും.

ഫലവര്‍ഗങ്ങളും പച്ചക്കറി സാലഡുകളും ഭക്ഷണത്തില്‍ ഉള്‍പ്പെടുത്തുക. തവിടു കളയാത്ത അരി, ഗോതമ്പ്, ബ്രൗണ്‍ ബ്രെഡ് തുടങ്ങിയവ കഴിയ്ക്കുക.

വ്യായാമം പ്രധാനമാണ്. കുനിഞ്ഞും നിവര്‍ന്നുമുള്ള വ്യായാമങ്ങള്‍ പരിശീലിക്കുക. ശ്വസനക്രിയകളും വയര്‍ കുറയ്ക്കാന്‍ സഹായിക്കും. ശ്വസിക്കുമ്പോഴും നിശ്വസിക്കുമ്പോഴും വയര്‍ ശരിയായ രീതിയിലാണ് ചുരുങ്ങുന്നതും വീര്‍ക്കുന്നതും എന്ന് ഉറപ്പു വരുത്തുക.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.