ഭക്ഷണം കുറയ്ക്കാന്‍ വഴിയുണ്ട്

Diet Fitness

oi-Saritha

By Veena

Published: Tuesday, April 17, 2012, 11:12 [IST]

തടി കുറയ്ക്കാന്‍ ഭക്ഷണം കുറയ്ക്കണമെന്നതാണ് ആര്‍ക്കും തോന്നാവുന്ന ഒന്നാം പാഠം. വ്യായാമം അതിനു ശേഷമെ വരികയുള്ളൂ. വണ്ണം കുറയ്ക്കാന്‍ ഭക്ഷണ ക്രമീകരണവും ഒപ്പം വ്യയാമവും പ്രധാനമാണ്.

ഭക്ഷണക്രമീകരണമെന്നു പറയുമ്പോള്‍ ഭക്ഷണം കഴിയ്ക്കാതിരിക്കുകയോ പാനീയങ്ങള്‍ മാത്രം കുടിച്ച് വണ്ണം കുറയ്ക്കാന്‍ ശ്രമിക്കുന്നവരോ ഉണ്ട്. പെട്ടെന്ന് തടി കുറയ്ക്കാനുള്ള എളുപ്പ മാര്‍ഗം. ക്രാഷ് ഡയറ്റെന്നാണ് ഇതിനെ പറയുക. ഇതുകൊണ്ട് പ്രയോജനം പെട്ടെന്നു ലഭിക്കുന്നതായി തോന്നുമെങ്കിലും ഡയറ്റ് നിര്‍ത്തിയാല്‍ പോയ വണ്ണം അതേപോലെ തിരിച്ചെത്തും. കാരണം ഭക്ഷണം വല്ലാതെ ചുരുക്കുമ്പോള്‍ ഭക്ഷണത്തോട് ആര്‍ത്തിയുണ്ടാകുന്നതു സ്വാഭാവികം. ഇത് കൂടുതല്‍ ഭക്ഷണം കഴിയ്ക്കാന്‍ പ്രേരിപ്പിക്കുകയും ചെയ്യും. ക്രാഷ് ഡയറ്റിന്റെ പേരില്‍ ജീവിതകാലം മുഴുവന്‍ പട്ടിണി കിടക്കുന്നത് പ്രായോഗികവുമില്ല.

ഭക്ഷണം ഉപേക്ഷിക്കുകയല്ലാ, ഭക്ഷണത്തിന്റെ അളവ് കുറയ്ക്കുകയാണ് യഥാര്‍ത്ഥ ഡയറ്റില്‍ ചെയ്യേണ്ടത്. ഭക്ഷണം കുറയ്ക്കുന്നത് ആരോഗ്യത്തെ ബാധിക്കാതിരിക്കാന്‍ ആരോഗ്യകരമായ ഭക്ഷണങ്ങള്‍ ഡയറ്റില്‍ ഉള്‍പ്പെടുത്തുകയും വേണം. കുറവു ഭക്ഷണം കഴിയ്ക്കാനുള്ള ചില വഴികളുണ്ട്.

ആദ്യം തന്നെ വേണ്ടത് ഭക്ഷണങ്ങളുടെ സന്തുലിതമായ ഒരു ലിസ്റ്റ് തയ്യാറാക്കുകയാണ്. തടി കൂട്ടുമെന്നുള്ള ഭക്ഷണത്തിന്റെ അളവ് കുറയ്ക്കണം. ഉദാഹരണത്തിന് ചോറു മാത്രം കഴിയ്ക്കുന്ന ശീലമുള്ള ഒരാളെങ്കില്‍ ചോറു കുറച്ച് ചപ്പാത്തിയും കൂടി ഭക്ഷണത്തില്‍ ഉള്‍പ്പെടുത്താം. ഇങ്ങനെ ഓരോ നേരവും ദിവസവും കഴിയ്ക്കുന്ന ഭക്ഷണത്തിന്റെ ലിസ്റ്റ് തയ്യാറാക്കി വയ്ക്കുക. ഇത് കൃത്യമായി പാലിക്കുകയും വേണം. മടുപ്പു തോന്നാതിരിക്കാന്‍ വൈവിധ്യമുള്ള ഭക്ഷണങ്ങള്‍ പരീക്ഷിക്കാം. ഇവ കൊഴുപ്പില്ലാത്തതാണെന്ന് ഉറപ്പു വരുത്തുകയും വേണം.

അടുത്ത പേജില്‍

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.