ജലദോഷത്തിന് യോഗ ചികിത്സ

Health

oi-Saritha

By Veena

Published: Thursday, December 15, 2011, 11:29 [IST]

യോഗ ശരീരത്തിനും മനസിനും നല്‍കുന്ന ഗുണങ്ങള്‍ എണ്ണമിട്ടു പറയാനാവില്ല. കോള്‍ഡിനുള്ള ചികിത്സ കൂടിയാണ് യോഗ. യോഗയിലെ ചില ശ്വസനക്രിയകള്‍ കോള്‍ഡ് വരാതിരിക്കാന്‍ സഹായിക്കും. യോഗ അഭ്യസിക്കാത്തവര്‍ക്കും ഇത് ചെയ്യാവുന്നതേയുള്ളൂ.

ദീര്‍ഘശ്വസന്‍ അഥവാ ഡീപ് ബ്രീത്തിംഗ് കോള്‍ഡ് തടയാനുള്ള ഒരു മാര്‍ഗമാണ്. വളരെ ലളിതമായ ഒരു വ്യായാമമാണ് ഇത്. ശ്വാസം മൂക്കിലൂടെ ദീര്‍ഘമായി ഉള്ളിലേക്കു വലിക്കുകയും പുറത്തക്കു വിടുകയുമാണ് ഈ രീതിയില്‍ ചെയ്യുന്നത്. ശ്വാസം ഉള്ളിലേക്കു വലിക്കുമ്പോള്‍ വയര്‍ വീര്‍ക്കുകയും പുറത്തേക്കു വിടുമ്പോള്‍ വയര്‍ ചുരുങ്ങുകയും ചെയ്യുന്നതാണ് ശരിയായ രീതി. പത്തു പതിനഞ്ച് തവണ അടുപ്പിച്ച ഈ വ്യായാമം സ്റ്റാമിന വര്‍ദ്ധിക്കുകയും രക്തം ശുദ്ധിയാവുകയും ചെയ്യും. മൂക്കടപ്പു മാറാനും ഇത് നല്ലതാണ്.

അനുലോം വിലോം എന്ന മറ്റൊരു ശ്വസനക്രിയയുണ്ട്. ഇതില്‍ തള്ളവിരല്‍ ഉപയോഗിച്ച് ആദ്യം വലതു മൂക്ക് അടച്ചുപിടിച്ച് ഇടതുമൂക്കിലൂടെ ശ്വാസം ഉള്ളിലേക്കു വലിക്കുന്നു. പിന്നീട് നടുവിരല്‍ കൊണ്ട് ഇടതു മൂക്ക് അടച്ചു പിടച്ച് വലതു മൂക്കിലൂടെ ശ്വാസം പുറത്തു വിടുന്നു. അടുത്ത തവണ വലതു മൂക്കിലൂടെ ശ്വസിച്ച് ഇടതു മൂക്കിലൂടെ വായു കളയുകയാണ് ചെയ്യേണ്ടത്. ഇത് എട്ടുപത്തു തവണ ചെയ്യാം. ശരീരോഷ്മാവ് ശരിയായ തോതില്‍ നില നിര്‍ത്താനും ശരീരത്തിന് ഉന്മേഷം നല്‍കാനും ഇത് സഹായിക്കും.

കപല്‍ഭതി എന്നൊരു പ്രാണായാമമുണ്ട്. വലതു മൂക്ക് അടച്ചുപിടിച്ച് ഇടതു മൂക്കിലൂടെ സാധാരണ രീതിയില്‍ ശ്വസിച്ച് അതേ മൂക്കിലൂടെ തന്നെ ശക്തിയായി ശ്വാസം പുറത്തേക്കു കളയണം. ഇരു വശങ്ങളിലും ഇത് മാറി മാറി ചെയ്യണം. ഇതിന് ശേഷം ഇരു മൂക്കുകളിലൂടെയും ശ്വാസം പതുക്കെ ഒരേ സമയം ഉള്ളിലേക്കെടുത്ത് ശക്തിയായി നിശ്വസിക്കുക.

ഇത്തരം ശ്വസനക്രിയകള്‍ ശ്വാസത്തിലൂടെ രോഗാണുക്കളെ പുറന്തള്ളുകയും ശ്വസനനാളിയെ വൃത്തിയാക്കുകയും ചെയ്യും. അസുഖങ്ങള്‍ വരാതിരിക്കാനും ഇത് സഹായിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.