വണ്ണം കുറയ്ക്കാന്‍ ഗ്രീന്‍ ടീ

ഗ്രീന്‍ ടീ ഡയറ്റില്‍ ഇതു മാത്രം കുടിച്ച് വിശപ്പടക്കേണ്ട കാര്യമില്ല. ഇതിനൊപ്പം ഭക്ഷണവും കഴിക്കാം. പ്രഭാതഭക്ഷണം, ഉച്ചഭക്ഷണം, അത്താഴം എന്നിവയ്‌ക്കൊപ്പം ഒാരോ കപ്പ് ഗ്രീന്‍ ടീ കുടിയ്്ക്കാം. ഇത് വിശപ്പു കുറയ്ക്കാനും ശരീരത്തിലെ അപചയപ്രവര്‍ത്തനങ്ങള്‍ ശരിയായ വിധത്തില്‍ നടക്കാന്‍ സഹായിക്കുകയും ചെയ്യും. ഗ്രീന്‍ ടീയിലെ ആന്റി ഓക്‌സിഡന്റുകളാണ് ഈ ഗുണം നല്‍കുന്നത്. ഗ്രീന്‍ടീയുടെ പില്‍സുകള്‍ ലഭ്യമാണ്. എന്നാല്‍ ഇവ ഉപയോഗിക്കാതെ ഗ്രീന്‍ ടീ തന്നെ കുടിച്ചാലേ ഗുണം ലഭിക്കൂ.

ഗ്രീന്‍ ടീയുടെ കൂടെ വെജിറ്റബിള്‍ സാലഡ്, ഗോതമ്പ് ബ്രഡ് എന്നിവ കഴിയ്ക്കാം. കാപ്പി, മദ്യം, കോള തുടങ്ങിയവയ്ക്കു പകരം ഗ്രീന്‍ ടീ കുടിച്ചാല്‍ ശരീരഭാരം കുറയും.

ഗ്രീന്‍ ടീയുടെ ഔഷധഗുണങ്ങള്‍ പലതാണ്. ക്യാന്‍സര്‍ തടയുവാന്‍ ഗ്രീന്‍ ടീ നല്ലതാണ്. ഇതിന്റെ ഔഷധഗുണം ക്യാന്‍സര്‍ സെല്ലുകളുടെ വളര്‍ച്ച തടയുന്നു.

ഇന്‍സുലിന്‍ തോത് നിയന്ത്രിച്ച് പ്രമേഹം നിയന്ത്രിക്കാനും ഗ്രീന്‍ ടീക്ക് കഴിയും. ശരീരത്തിലെ കൊളസ്‌ട്രോള്‍ നിയന്ത്രിച്ച് ഹൃദയാഘാത സാധ്യത കുറയ്ക്കാന്‍ ഗ്രീന്‍ ടീ നല്ലതാണ്.

ഗ്രീന്‍ ടീ ശരീരത്തിന് പ്രതിരോധശേഷി കൈവരുത്തുന്നതിനും നല്ലതാണ്.

ശരീരത്തില്‍ അടിഞ്ഞു കൂടുന്ന വിഷപദാര്‍ത്ഥങ്ങള്‍ നീക്കം ചെയ്ത് ചര്‍മസംരക്ഷണത്തിനും ഗ്രീന്‍ ടീ സഹായിക്കുന്നുണ്ട്. മുഖക്കുരു അകറ്റുവാനും ചര്‍മം അയഞ്ഞ് തൂങ്ങി പ്രായാധിക്യം തോന്നാതിരിക്കാനും ഗ്രീന്‍ ടീ നല്ലതു തന്നെ.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.