'ദെല്ലി ബെല്ലി' വേണ്ടേ വേണ്ട.

വയറില്‍ അടിഞ്ഞുകൂടുന്ന കൊഴുപ്പ് രൂപം തന്നെ വികൃതമാക്കുമെന്നു മാത്രമല്ലാ, അരോഗ്യത്തിനും ഏറെ ദോഷം ചെയ്യും. വയറുചാടാതിരിക്കാന്‍ ഏറ്റവും നിയന്ത്രണം വേണ്ടത് ഭക്ഷണത്തില്‍ തന്നെയാണ്. കൊഴുപ്പും മാംസവും കുറച്ച് പഴവര്‍ഗങ്ങളും പച്ചക്കറികളും കൂടുതല്‍ കഴിക്കണം. ഇത് വിശപ്പു കുറക്കും.

ഭക്ഷണം തീരെ കഴിക്കാതിരിക്കുന്നത് നല്ലൊരു പ്രവണതയല്ല. ഒരുമിച്ചു ഭക്ഷണം കഴിക്കുന്നതിന് പകരം കുറേശെയായി സമീകൃതാഹാരം കഴിക്കാം. കാരറ്റ്, നാരുകള്‍ അടങ്ങിയ ഭക്ഷണം, ഗോതമ്പ് എന്നിവ ഭക്ഷണത്തില്‍ ഉള്‍പ്പെടുത്തുക.

പാക്കറ്റ് ഭക്ഷണം കഴിവതും ഒഴിവാക്കുക. ഉപ്പും പഞ്ചസാരയും കുറക്കുക എന്നിവയും വയറു കുറക്കാന്‍ സഹായിക്കും. ശീതളപാനീയങ്ങള്‍ക്കു പകരം വീ്ട്ടിലുണ്ടാക്കുന്ന ജ്യൂസ് കുടിക്കാം. ദിവസവും കുറഞ്ഞത് ആറു ഗ്ലാസ് വെള്ളമെങ്കിലും ശീലമാക്കുക.

വ്യായാമം വയറുകുറക്കുവാന്‍ ഏറെ സഹായിക്കും. ആഴ്ചയില്‍ മൂന്നുനാലു ദിവസമെങ്കിലും വ്യായാമം പതിവാക്കുക. ദിവസവും നടക്കുന്നതും ഓടുന്നതും കോണിപ്പടികള്‍ കയറുന്നതുമെല്ലാം നല്ലതാണ്.

യോഗ അഭ്യസിക്കുന്നതും ശ്വാസം നിയന്ത്രിച്ചു കൊണ്ടുള്ള വ്യായാമക്രമങ്ങള്‍ ചെയ്യുന്നതും കുടവയറു കുറക്കാന്‍ സഹായിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.