ദിവസം കളയും ചീത്ത ശീലങ്ങള്‍

അലാറം

നേരത്തെ എഴുന്നേല്‍ക്കണമെന്നുറപ്പിച്ച്‌ അലാറം വച്ചു കിടക്കുന്നവരാണ്‌ മിക്കവാറും പേര്‍. എന്നാല്‍ ഇത്‌ അടിയ്‌ക്കുമ്പോള്‍ ഓഫാക്കി വീണ്ടും കിടന്ന പടി കിടക്കും. ഇത്‌ ദിനചര്യകള്‍ വൈകിയ്‌ക്കും.

ഫോണ്‍

ഉണര്‍ന്നെഴുന്നേറ്റയുടനെ ഫോണില്‍ കയറിക്കൂടുന്നവരുണ്ട്‌. ഇതും നല്ല ശീലമല്ല. ഫോണ്‍ അല്‍പം കഴിഞ്ഞു മാത്രം കൈകാര്യം ചെയ്യുക.

കാപ്പി, ചായ

രാവിലെ ആദ്യം ഒരു കപ്പു കാപ്പിയോ ചായയോ ആണ്‌ പലരുടേയും ശീലം. ഇതും അത്ര നല്ലതല്ല. ഇത്‌ അസിഡിറ്റി കൂട്ടും. ആല്‍ക്കലൈന്‍ ആയ എന്തെങ്കിലും, പ്രത്യേകിച്ച്‌ ഒരു ഗ്ലാസ്‌ ചെറുചൂടുള്ള നാരങ്ങാവെള്ളം നല്ലതായിരിയ്‌ക്കും.

പ്രാതല്‍

സമയമില്ലാത്തതു കൊണ്ടോ മറ്റു കാരണങ്ങളാലോ പ്രാതല്‍ ഉപേക്ഷിയ്‌ക്കുന്ന ശീലം പലര്‍ക്കുമുണ്ട്‌. ഇത്‌ ആരോഗ്യം കളയും. ഊര്‍ജം കുറയ്‌ക്കും.

ഇമെയ്‌ലുകള്‍

രാവിലെ തന്നെ ഇമെയ്‌ലുകള്‍ പരിശോധിയ്‌ക്കുന്നവരുണ്ട്‌. പ്രേേത്യകിച്ചും തീന്‍മേശയില്‍. ഇത്‌ ഉപേക്ഷിയ്‌ക്കുക. ദിനചര്യയ്‌ക്കു ശേഷം മാത്രം ഇതു ചെയ്യുക.

വാക്കുതര്‍ക്ക

രാവിലെ തന്നെ വാക്കുതര്‍ക്കത്തിലും വഴക്കിലും ഏര്‍പ്പെടുന്നത്‌ ദിവസം നശിപ്പിയ്‌ക്കുന്ന മറ്റൊരു ശീലമാണ്‌.

സ്‌ട്രെച്ചിംഗ്‌

എഴുന്നേറ്റയുടനെ സ്‌ട്രെച്ചിംഗ്‌ ചെയ്യുന്നത്‌ ശരീരത്തിന്‌ നല്ലതാണ്‌. ഇതു പോലും ചെയ്യാന്‍ നേരമില്ലാതെ ഓടുന്നതും നല്ലതല്ല.

തിരക്കു പിടിച്ച്‌ പ്രാതല്‍

തിരക്കു പിടിച്ച്‌ പ്രാതല്‍ കഴിയ്‌ക്കുന്നതും നല്ലതല്ല. ഇതും ആരോഗ്യത്തിന്‌ കേടുതന്നെ.

ജങ്ക്‌ ഫുഡുകള്‍

രാവിലെ തന്നെ ജങ്ക്‌ ഫുഡുകള്‍ കഴിയ്‌ക്കുന്ന ശീലവും നല്ലതല്ല.

വ്യായാമം

വ്യായാമം സമയക്കുറവു മൂലം ഉപേക്ഷിയ്‌ക്കുന്നതും നല്ലതല്ല.