സുഖദുഖങ്ങളിലെ നല്ല പങ്കാളി

Relationship

oi-Saritha

By Veena

Published: Wednesday, March 28, 2012, 13:10 [IST]

എന്തു പ്രശ്‌നങ്ങളുണ്ടെങ്കിലും ഭര്‍ത്താവിനൊപ്പം നില്‍ക്കുന്നവളാകണം നല്ല ഭാര്യ. അല്ലാതെ പ്രശ്‌നങ്ങളില്‍ ഭര്‍ത്താവിനെ ഒറ്റപ്പെടുത്തുന്നവളാകരുത്. പ്രശ്‌നങ്ങളുണ്ടാകുമ്പോള്‍ അതിന്റെ പഴി മുഴുവന്‍ ഭര്‍ത്താവിന്റെ തലയില്‍ വച്ചു കെട്ടുന്നവളുമാകരുത്. ഇരുകൂട്ടരും ചേര്‍ന്ന് ഇതിന് ഫലപ്രദമായ പരിഹാരങ്ങള്‍ കണ്ടെത്തുകയാണ് വേണ്ടത്. സുഖദുഖങ്ങള്‍ ഒരുപോലെ പങ്കു വയ്ക്കുകയാണ് ദാമ്പത്യജീവിതമെന്ന കാര്യം ഓര്‍മ വേണം.

എന്തു ചെയ്താലും ഭര്‍ത്താവില്‍ കുറ്റം മാത്രം കണ്ടുപിടിക്കുന്ന സ്വഭാവം വേണ്ട. ഭര്‍ത്താവിനോട് ദേഷ്യപ്പെടുന്ന സ്വഭാവവും നല്ല ഭാര്യയുടേതല്ല. കുറ്റങ്ങളും പ്രശ്‌നങ്ങളുമുണ്ടെങ്കിലും അത് ക്ഷമയോടെ, നല്ല രീതിയില്‍ പറഞ്ഞു മനസിലാക്കാന്‍ സാധിക്കണം. ദേഷ്യം കൊണ്ടും അക്ഷമ കൊണ്ടും പ്രത്യേകിച്ച് ഗുണമൊന്നും ഉണ്ടാകാന്‍ പോകുന്നില്ല.

ഉപഗ്രഹങ്ങളെപ്പോലെ എപ്പോഴും ഭര്‍ത്താവിന് ചുറ്റും കറങ്ങിക്കൊണ്ടിരിക്കുന്ന ഭാര്യയാകാതിരിക്കുക. ഭര്‍ത്താവെന്നതിനുപരി, ഒരു വ്യക്തിയാണ് അദ്ദേഹം എന്നോര്‍ക്കുക. ഭര്‍ത്താവിന് സ്വന്തമായ സമയം നല്‍കുക. എല്ലാ കാര്യങ്ങളിലും തലയിടാതിരിക്കുക. ഭര്‍ത്താവാണെങ്കിലും ഭാര്യയാണെങ്കിലും അല്‍പം സ്വകാര്യത ആരുടേയും അവകാശമാണെന്ന് ഓര്‍ക്കുക.