നല്ല ഭാര്യ പരാതിപ്പെട്ടിയാകരുത്

Relationship

oi-Saritha

By Veena

Published: Wednesday, March 28, 2012, 13:08 [IST]

എപ്പോഴും പരാതിപ്പെട്ടു കൊണ്ടിരിക്കുന്ന ചില ഭാര്യമാരുണ്ട്. ദാമ്പത്യജീവിതത്തിലെ രസംകൊല്ലികള്‍ എന്നു വേണമെങ്കില്‍ ഇത്തരക്കാരെ കുറിച്ച് പറയാം. എന്തൊക്കെ ഗുണങ്ങളുണ്ടെങ്കിലും കുറവുകള്‍ മാത്രം ചിന്തിച്ചും വിഷമിച്ചും പരാതി പറഞ്ഞുകൊണ്ടിരിക്കുന്ന ഇത്തരം സ്വഭാവങ്ങള്‍ ആരുടെയും മനസു കെടുത്തും. ജീവിതത്തിലെ നല്ല കാര്യങ്ങളെക്കുറിച്ചു ചിന്തിച്ച് സന്തോഷിക്കാന്‍ പഠിക്കുക.

ഭര്‍ത്താവിന്റെ ഇഷ്ടങ്ങളും സന്തോഷങ്ങളും കണ്ടറിഞ്ഞു പെരുമാറാന്‍ പഠിക്കുക. പ്രത്യേകിച്ച് ഭക്ഷണകാര്യത്തില്‍. ഇഷ്ടമുള്ള വിഭവങ്ങള്‍ ഇടയ്‌ക്കെങ്കിലും ഒരുക്കിക്കൊടുക്കാം. വേണ്ട കാര്യങ്ങളില്‍ അഭിപ്രായം പറയാം.

നല്ല ഭാര്യയ്ക്ക് അവശ്യം വേണ്ട ഒരു ഗുണമുണ്ട്. ഭര്‍ത്താവിന്റെ അച്ഛനമ്മമാരെ സ്വന്തം അച്ഛനമ്മമാരായി സ്‌നേഹിക്കാനുള്ള കഴിവ്. അവരെ അകറ്റി നിര്‍ത്തുകയോ ഭര്‍ത്താവില്‍ നിന്ന് അകറ്റി നിര്‍ത്താന്‍ ശ്രമിക്കുകയോ ചെയ്യാതിരിക്കുക.